Yela 9
9
Jaama kpɔe dɛ́ tɛ Korowii o waa bola aŋwɛnɛ ta
Kooro Devid yel
1N Naa Korowii, mɛɛ kpɛɛre
n bambile bwa nee,
mɛɛ bol nyokpowaa
haa ɛa bwaa.
2He nomanta, mɛɛ ɡo
silɛɛ yelaa, dɛ́ hɛɡre.
Nemenɛ Korowii,
mɛɛ kpɛɛ he sɔnee yela ne.
3N dɔma nae naa,
dɛ ba laa berɛ,
dɛ́ choɡli dɛɛ serewe.
4He waa dɔ kasinteŋ,
dɛ bol n waa tɛ mɛ
aŋwɛnɛ ta,
he soɡe he kookara ta,
dɛ bol n waa tɛ mɛ
n di bole.
5He pa voɡtoroma bolchɔɡe,
dɛ chɔɡ nyubinikpeɡ tena,
dɛ ɡel ba sɔna
he harɛ nɔ ta kwaraa.
6Ya dɔma heo,
yaa ba waa lii kpa.
He chɔɡ ba bwɛjena,
ya soh ba waa kwaraa.
7Kɛ hen Korowii,
he dɛ di kora saŋ bɛlbwa.
He kpɔ he kookara cheɡ,
dɛɛ ba ba waa bola.
8Hɛɛ bol harɛ nɔ ta
nɛra waa a toɡre,
dɛ di kora aŋwɛnɛ ta.
9Hen Korowiirii
nɛra baa dɛ ɛɛ ba
hɔhɔrɔwa la
chwa baa marɛ.
He do kɛ dekpeɡ
waa balaa,
nɛra chwa baa jo he be.#Sɛɡ 18:10
10N Naa Korowii,
nɛra baa jemɛ kɛrɛdɛ
bwa ɛɛ yaradae,
haa banɔ la baa dɛ nyin
he bɔr la vɛh.
11Hé ɡo yela kpɛɛ Korowii
waa dɛ di kora Saayɔn.#9:11 Saayɔn sɔn bɛl ɡee Jerusalam.
Hé bol waa
waa ɛa harɛre nɛra bwa be.
12Hen Korowii
dɛ lii nɛra ba bwara
aa dɛ nyɛɡ ba wa,
haa wii baa dɛ wi waa soh.
He dɛ tɛr nɛra baa dɛ ɛ
ɡɛ nɛra wechɔɡa la deŋne.
13N Naa Korowii,
na ɡɛ n dɔma
aa cheɡɛ n nɛ,
dɛ ɡel n bwara ɛɛ nyɛɡ!
Sune n nɛ, dɛ́ lɛɛ mɛ
le seo ta,
14ásɛ n che Jerusalam tena
bwa sie, dɛ́ bol ba be
waa bwa haa ɛa.
Mɛɛ hɛɡroo,
lɛɛ haa lɛɛ mɛ la wa.
15Voɡtoroma kwi nafuɡe,
dɛ ɡbaɡba le o ta,
ba ɡbaɡba bel laɡ ba.
16Hen Korowii cheɡɛ bole
haa dɛ pa
a toɡre la ta,
dɛ ɡel nɛra jemɛ,
nyubinikpeɡ tena ɡbaɡba
we-ɛɛla laɡ ba.
17Seo chɔ le dɛɛ kpa
nyubinikpeɡ tena,
banee harɛre nɛra baa vɛh
hen Korowii toma la.
18Hen Korowii aa nɛra
baa wola komɛlbwa dɔe
waa soh.
He ta ɡelɛ nyaara hwɛɡa
ɛɛ ta pɛɛ bwa.
19N Naa Korowii, ir nyu ne.
Bɛ ɡel nɛwɛnyini nyiŋi
he nyubaah.
Ba voɡtoroma ne he sie,
dɛ́ pa ba bolchɔɡe.
20N Naa Korowii, aah ba,
ɡel ba jemɛ kɛŋɔ
nɛwɛnyinaa ban.
Currently Selected:
Yela 9: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
