Yela 51
51
Wechɔɡa kpɔe dɛ́ kɛ wesoŋa
Kooro Devid yel
1N Naa Korowii,
koh he nyina aa wola
jaɡa dɔe la wa,
dɛ́ na n sum.
Koh he tedoma kohona la wa,
dɛ́ fee n wechɔɡa.#2Sa 12:1, 7, 13
2Sɔ n wechɔɡa ta,
kɛŋɔ baa kpɔ nee
dɛɛ yaɡle doŋa la,
ásɛ wechɔɡa bɛlbwa
le n nɛ,#Weɛ 22:16
3dɛkalkɛ n jemɔ kɛ
n ɛ wechɔɡa,
a chɔ n sie saŋ bɛlbwa.
4He ɡbosoroo n ɛ wechɔɡa,
dɛ ɛ anɔ la aa wola were
he sie.
Anomanta, he waa dɔ
kasinteŋ,
he won bol n waa dɛ́ pa
bole aŋwɛnɛ ta,
dɛ́ tɛr n deŋne.
5N lola saŋ bwaa n le ɛ
wechɔɡa,
hale saŋ n nya aa kpoŋe
n tea.
6Kasinteŋ ne waa aa weraa
hɛɛ nyin, anomanta,
tɛ mɛ he wejema.
7Fee n wechɔɡa,
ásɛ doŋa bɛlbwa le n nɛ,
laa doŋa kpɔ n bini,
ásɛ n bambile to kɛ yabi.
8Gel n no silɛɛ ne hɛɡra
ɡbɔɡa,
a lole kɛŋɔ he lɔ mɛ bil,
n hoɡa bini ɛɛ wee mɛ,
mɛɛ berɔ dɔ silɛɛ ja.
9Laa sie kpɔ n wechɔɡa ta,
dɛ́ fee n wechɔɡa bwa.
10N Naa Korowii,
ɡel n bambile bini to,
dɛ́ tɛ mɛ dadɛɛɡe.#Ɛfe 4:23
11Bɛ men doŋi le he sie,
kɛɛ dɛ́ laa he Doma#51:11 Korowii Doma ne Korowii Domadɛɛɡe bwa ɛ beŋkpoŋ. Nyiŋi Matiu dɛ kaa Wepila tɔne.
kpɔ n nɛ.
12Berɛ tɛ mɛ silɛɛ
he lɛɛ haa lɛɛ mɛ la wa,
dɛ́ tɛ mɛ bambidɛɛɡe
ń won dɛɛ teŋɛ he waa ta.
13Ásɛ n baɡle wechɔɡ-ɛɛra
he Mmarare la, bá charɛ
ba liire, dɛ́ berɛ ba he be.
14N Naa Korowii, dɛ n kpo nɛn
dɛ di a bolchɔɡe aa, lɛɛ mɛ.
Ásɛ n ɡo yela silɛɛ ne,
dɛ́ baɡle ɡɛ he wa aa toɡra.
15N Naa Korowii,
cha mɛ ń won waa bola,
ásɛ n won kpɛɛre.
16He sie aa kwaa kpoora
dɛ ɛ saraha tɛɛ ta lɛ,
ásɛ n fee kpɔ ba tɛɛ.
He sie aa saraha kwaa
baa fuah ɡe ta lɛ,
ń fee kpɔ ba tɛɛ.#1Sa 15:22
17N kpɔ n bambile
waa chɔɡa ɛ saraha dɛɛ
tɛɛ.
Bambile waa chɔɡa
dɛ won chara laanee
hen Korowii ɛɛ nyin.
18N Naa Korowii,
sune Saayɔn tena nɛ,
dɛ́ cha ba,
kwaa ma Jerusalam
danjwɛɛ waa kuuɡa la.
19Ásɛ mɔɔ he sie lɛ saraha
aa wera dɛ toɡre,
ne saraha kwaa
baa fuah la ta,
mɔɔ yá kpoo nabala
tɛɛ he saraha kon la ta.
Currently Selected:
Yela 51: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
