Yela 48
48
Korowii bwɛjen Saayɔn wa
Kora dea bii yel
1Korowii yaa dɛ tomɔ kan,
a chɛ kɛ yá kpɛɛro
o bwɛjen waa chɔŋɛ
bwejen waa do ɡoroŋ la ta.
2Korowii Saayɔn Bwejen wer,
dɛ do jaŋne kohona,
koojen la bwɛjen kpɔ silɛɛ
baa tɛ harɛ nɔ ta nɛra bwa.
3Korowii lɔ o bwɛjen la ta,
dɛɛ nyiŋi nɛra baa lɔ o ta
nɛ.
4Koranar boa ba laa tena
nyoa,
dɛɛ ba ba yo nɛra baa soɡe
Saayɔn Bwejen ta,
5kɛ baa ba bwɛjen la ta la,
ba bwara yɔrɔ,
ɔmee kohona ɡel
ba chwa kaa.
6Bochela laɡ ba bela,
kɛŋɔ loltea aa lɔ haah ken,
7kɛŋɔ peuchɔɡe
aa taa le wee leebɔr
dɛ lɔ stiimaere dɛɛ kaa la.
8Ya no waa Korowii aa ɛa,
dɛ ɡbaɡba naa siwi ne,
Nemenɛ Korowii waa ɛ
Korowii yaa dɛ tomɔ
bwɛjen la ta.
Wɛɛ kpɔ nɔnee tɔ o bwɛjen
la taa saŋ bɛlbwa dɛɛ la.
9N Naa Korowii,
he nyina aa wola jaɡa dɔe
ɡbo waa lɔ ya nyu bini,
yaa lii he Dea bela.
10N Naa Korowii,
ɡɛ he sɔn aa kana la,
ɡɛɛ nɛra ɛɛ kpɛɛre
le harɛ jaɡa bwa,
he kpeɡri kohona nomanta,
he bol waa dɛɛ pa bole
aŋwɛnɛ ta.
11Nɛra haa lɔ Saayɔn Bwejen
doa,
hé ɡel he sie lɛ.
Juda harɛ bwɛjeɡre tena ɡe
sie lɛ,
kɛ haa dɛ pa bole aŋwɛnɛ
ta.
12Hé valɛ bar Saayɔn,
dɛ́ kure o dejaŋa,
13hé nyiŋi o danjwɛɛre
ne o danjwɛkpeɡa,
dɛ́ dɔ waa bol baɡle
he naanar baa ka ba,#Yel 78:4
14dɛkalkɛ ɡɛ Korowii
nɔɔ yaa tomɛ saŋ bɛlbwa,
wɛɛ tɔ ya siee,
dɛɛ baɡle ŋwɛnɛ yaa kpɔ
o ta saŋ bɛlbwa dɛɛ la.
Currently Selected:
Yela 48: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
