Yela 43
43
Nomɛl waa lɔ harɛfale ta wesoŋa
1N Naa Korowii, pa mɛ
boldɛɛɡe, che n habɔɔ,
dɛ́ bol n waa tɛ mɛ,
nɛra baa wola hen Korowii
tomɛ nɔ be,
lɛɛ mɛ le nyosonteŋna,
ne nyubinikpeɡ tena
nɔn ta.
2Henee dɛɛ tɔ mɛ ɡbemɡbe.
Ɛrɛɛ he vɛɛh mɛ nɔɔ?
Ɛrɛɛ n dɔma ɡel n bwara ɛɛ
nyɛɡ,
dɛɛ muɡli n baah nɔɔ?
3Kpɔ he nii waa do kɛ kandea,
ne he kasinteŋ ba tɔ n sie,
ba n ne he bwe
waa do ɡoroŋ la ta,
he Dea bela haa lole la.
4Ásɛ n la hen Korowii
saraha kon la ta,
henee dɛɛ tɛ mɛ silɛɛ.
Mɛɛ ɡo yelaa,
dɛ́ lɔ janjela kpɛɛre,
henee Korowii
maa dɛ tomɛ.
5Ɛrɛɛ n tea bini chɔɡ ken?
Ɛrɛɛ n liire bwa chɔɡ ken
nɔɔ?
N kpɔ n hwɛɡa bwa do
hen Korowii nɛ,
dɛ berɛ kwaa dɛɛ kpɛɛre ja,
henee Korowii
maa dɛ tomɛ,
henee ɛ n Lɛɛ.
Currently Selected:
Yela 43: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
