Yela 22
22
Weweele wii ne Korowii kpɛɛra
Kooro Devid yel
1N Naa Korowii!
N Naa Korowii!
Ɛrɛɛ he chwa mɛ nɔɔ?
N do lɔŋɔ sum ne ŋɔ
hé cha mɛ,
kɛ maa wobɛlbwa na.#Mat 27:46
2N Naa Korowii,
n wio dɛɛ noe chɔɔ
haa men chaŋe,
dɛ wi dɛɛ noe jwaana,
kɛ n bwara aa men sɔɔh.#Job 7:11
3N jemɔ kɛ he ɛ Korowii
Waa Do Goroŋ
dɛɛ di kora,
henee Israel tena ɛɛ kpɛɛ.
4He nɛɛ ya naawa hwɛɡɛ,
ba kpɔ ba te dawɛ he nɛ,
asɛ he lɛɛ ba.
5Ba wio noe,
asɛ he lɛɛ ba le siswɛm ta,
ba kpɔ ba te dawɛ he nɛ,
he ta ɡelɛ a ɛ pɛɛ.
6N ta nɛn ɛɛ kpa,
n do kɛ sɔɡlɔ,
nɛra baa hah mɛ,
dɛɛ nyiŋi n nyubaah.
7Nɛra na mɛ naa,
ba dɛ chɛɡ mɛ,
dɛ di n loro
dɛɛ viiɡi ba nyuune.#Mat 27:39-44
8Ba ŋɔ, “He kpɔ he te
dawɛ Korowii nɛ,
ɛrɛɛ waa wola hen lɛɛ yɔ?
Dɛ Korowii dɛ nyini naa,
ɛrɛɛ waa wola hen chae
yɔ?”
9Hen Korowiirii ɡela
ba lol mɛ,
n taa ɛ bechasɔɔhna
dɛɛ ɔr la,
he nyiŋi n nɛ,
dɛ tɛ mɛ bosɔɔhna.
10Awola baa lol mɛ bwaa
n le kpɔ n te dawɛ he nɛ,
he ɛ Korowii
maa dɛ tomɛ saŋ bɛlbwa.
11Bɛ ɡel n ne he baah do jaŋne!
Waa puu mɛ tonɛ,
nomɛlbwa toole dɛ́ cha mɛ.
12Dɔma warɔ
dɛ bar mɛ cheme,
kɛŋɔ Basan harɛ nabala
a bwara aa kpeɡa ken.
13Ba hah nyoo
kɛŋɔ nyujentena,
dɛɛ kɔɡre, dɛ́ toɡri n ola.
14N bokpeɡa tonɔ kɛŋɔ,
baa fuɡe nee ta
harɛ ken,
asɛ n hoɡa bwa soɡre,
n bambile chɔɡ,
n ta hwɛɡa bɛlbwa dɔe
kpa.
15N ta bokpeɡa dɔe
kɛŋɔ kaŋli ken,
n nyondoŋe marɛ n nyoa,
hé ɡel mɛ ń sewɛ
ka chɔ lalabwɛ.
16N dɔma bar mɛ cheme,
kɛŋɔ nyootena aa wara
dɛ tɔ mɛ do baah ta,
dɛɛ toɡri n nɔɔra
ne nakpale.
17N ka hoɡa ɡbo,
n dɔma nyiŋ mɛ
dɛɛ mamɛ.
18Ba ta chacha n laala wa,
dɛ bɔna kpɔ.#Mat 27:35
19N Naa Korowii, bɛ ɡel
n ne he baah do jaŋne!
Henee n kpeɡri,
ba warane dɛ́ ba lɛɛ mɛ.
20Lɛɛ mɛ le tokobi seo nyoa.
Lɛɛ mɛ le n dɔma
baa do kɛŋɔ
nyootena nɔ nɔn ta.
21Lɛɛ mɛ n dɔma baa do kɛ
nyujentena nɔ nɔn ta,
lɛɛ mɛ le n dɔma
baa do kɛ,
nabala nyeɡlare nɔ nyoa.
22Mɛɛ bol he waa haa ɛa n nɛra
bee,
mɛɛ kpɛɛree ba chema
binii.#Hib 2:12
23“He banɔ haa dɛ ɔmɛ
Korowii la, hé kpɛɛro!
Jekɔb naanar,
hé kpɔ duure tɛo!
Israel tena, hé tomɔ!
24Korowii aa nyaara vɛh
ba wenaale ta,
waa habɔɔ berɛ dɛɛ kpo ba,
ba wio noo waa,
o dɛ cha ba.”
25Mɛɛ kpɛɛre nɛnlaa tenten
baahnee,
nɛra baa dɛ tomɛ siee
mɛɛ ba kwaa kpoora
ɛ saraha tɛɛ,
ɡɛ maa baɡɛ nyoa la.
26Nyaara ɛɛ di kwaa vaɡɛ
ɡɛ baa dɛ nyin,
nɛra baa dɛ tomɛ Korowii
ɛɛ kpɛɛroo.
Kórowii ɡel bá dɔ silɛɛ
saŋ bɛlbwa dɛɛ la!
27Harɛre nɛra bwa ɛɛ lii
Korowii waa dɛ́ kpɛɛro,
baa le harɛ jaɡa bwaa,
dɛ́ ba o be,
harɛre nɛra bwa
ba ɡuŋi o sie.
28N Naa Korowii ɛ kooro,
dɛɛ di kora harɛre
nɛra bwa nɛ.
29Nɛra baa dɛ ɛ mbarafo
bwa ɛɛ ba tomɔɔ,
nɛwɛnyina bwa ɛɛ ba
ɡuŋuu.
30Naanar baa ka ba bwa
ɛɛ tomɛ Korowii,
dɛ́ bol o waa baɡle
ba biirere ne ba naanar.
31Bii baa wola ban lolɛ mɔɔ
kwaraa ɛɛ ba noo kɛŋɔ,
“Korowii lɛ o nɛra.”
Currently Selected:
Yela 22: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
