Yela 17
17
Nɛn o wa aa toɡra Wesoŋa
Kooro Devid yel
1N Naa Korowii, no nɛn
n wa aa toɡra nɔ wesoŋa,
no n wii maa dɛ wi nɔ.
Ken deŋne dɛ́ no n wesoŋa,
nyosone laa mɛɛ teŋe.
2Hɛɛ bol n waa tɛ mɛ,
henee jemɛ waa aa wera.
3He jemɛ n bambile bini wa,
he ba n be jwaana,
dɛ nyiŋi n waa bini,
dɛ pese mɛ kɛrɛdɛ,
he ta wechɔɡa nae n nɛ,
n ɛ n liire kɛ,
wechɔɡa aa n nyoa le.
4Wobochɔɡaa n nyoa le,
ɡɛ bane aa dɛ bol la,
n no he Korowii waa la.
N ta naɡra we-ɛɛla bane
aa dɛ ɛ la ta teŋɛ.
5He ŋwɛnɛ taa mɛɛ valɛ
saŋ bɛlbwa,
n ta kee le o ta bwa.
6N Naa Korowii, n wio dɛɛ noe,
n jemɔ kɛ hɛɛ chaŋ mɛɛ,
cheɡ deŋne,
dɛ́ no n wesoŋa.
7Baɡle he nyokpoa nyina
waa do kan la,
ásɛ n chwa le n dɔma be
ba marɛ.
8Tɔ mɛ ɡbemɡbe kɛŋɔ,
haa dɛ tɔ n siwinyiŋi ta la,
kpɔ mɛ sɔh he kena lɔɡre
kɛŋɔ, jal yon lawɛ o bii
do lɔɡa la ken.#Mma 32:10-11; Yel 57:1
9Lɛɛ mɛ le nyubinikpeɡ tena
baa dɛ nyin ba yoo mɛ
nɔn ta,
n dɔma baa bar mɛ,
dɛɛ nyin n kpoe la be.
10Baa nɛn sum na,
mbarafo wobolee baa bol.
11Ba bar mɛ cheme,
bobɛlbwa maa kpɔ la,
dɛ ba lole,
dɛɛ nyin ŋwɛnɛ baa kpɔ,
dɛ́ taɡ mɛ ɡo.
12Ba do kɛŋɔ nyujente
lɔr aa dɛ kpoo,
wɛɛ nyin ol dɛ́ lawɛ,
dɛɛ nyin mɛ dɛ́ toɡri n ola.#1Pi 5:8
13N Naa Korowii, ir nyu ne,
puu ba, dɛ́ ba ba ne harɛ,
kpɔ he tokobi, dɛ́ lɛɛ mɛ le
nyubinikpeɡ tena nɔn ta.
14N Naa Korowii,
che he kpeɡri ta,
dɛ́ lɛɛ mɛ le nɛra
baa dɔ harɛ nɔ ta liire,
dɛɛ nyin ba soɡa bini
kwaa la nɔn ta.
Banɔ la haa dɛ nyin
ba waa la
dɔ kondikwaa kohona,
ba bii dɔ ane di dɛ́ vaɡɛ,
ásɛ ane ka ba naanar
ɡe ba dɔ.
15N waa aa toɡra nomanta,
mɛɛ nae, n chɔɔ ir aa,
n sie ɛɛ lɛo kohona,
ń na ɡɛ haa doa.
Currently Selected:
Yela 17: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
