Luke 17

NAKATA 17

Jesusim ukakhimayain ilait

(Mt. 18:6-7, 21, 22; Mk. 9:42)

1Jesusim maligutini ukautiyain, “Huinekiyutikhat kaitauhunguyun ilaa kialika pihimayain tamna huinekipkaiyi kapiahugniaktuk akhun. 2Tapfumunga nagutkiak uyagak nivingakkan kungahiagun imangmun igitaukuvlugulu, tapfuma huinekipkakumiuk ukua nutakat ilangallunin. 3Upingakhitailuhi ilipfingnik, katangutin huinekitpan ilingnun ihuakhakpayyavan, ihumaliukikpanlu kahuyyutilugu. 4Aahin tamna huinekitpan ilingnun 7ektukhuni uvlumi atauhengmi, 7ektukhuni ukagvigipatin ukakhuni, 'Ihumaliukiktunga', kahuyyutiyakhan.”

5Talva Apostles Atangnengmun ukallaktun, “Ikayuktigut ukpegluakiyaukuvluta” 6Ataneglu ukaktuk, “Ukpegnekagupfi mustardim nautiakhangatun una napaaktuk ahialik ukagviginiaktakhi, 'Nutin paunga iliyaukuvlutin imangmun', tuhaaniaktaahilu.

7“Nallipfilunin inuk kivgakakumi imnailekhiyimik nauttiyyekhimiglunin, tamna aitpan nauttivingmin ukallautiniakkauk imaatun, 'Takki negiguit ingilutillu'? 8Imaatunlunin ukangniagunakhiyuk, 'Takki nekihamnik igagialutin kivgaktugingalu, aahin negikaalunga, imekaalungalu negiyumaaktutin imeglutillu'. 9Inum kivgalgum kivgani kuyaginiakkauk tamna tuhaaningnangman? 10Ilipfitauk pitkuyaunipfingnik innegupfi ukagluhi, 'Uvagut kivgayyagluktugut piyakhaptingnik havainakpiagapta kihimi.' ”

Jesusim kilakhimayuk kulit naguhipkaktain

11Jesus Jerusalemungautillugu apkutigiyaik Samaria Galileelu. 12Aahin itengman iglukagluangitumun paaktauyuk kilakhimayunin kulinin. Tapkuali kanilgulmi nangekhutik 13nipikuktuyumik ukaktun, “Jesus atanek, nagligitigut.” 14Tapfuma takugamigit ukallautiyain, “Tavungaugitti timipfingniglu takupkaivagitti angayyuvikpagyuakunun.” Tapkualu aullaktillugit naguhilektun. 15Talva tapkua ilangat naguhiyutikhaminik takugami utiuvaktuk kuyagivlugu God nipikuktuyumik. 16Jesusim itigaita tunganun palluktuk kuyagivlugu akhun. Tamna Samariamiutauyugaluak. 17Talva Jesus ukallaktuk, “Kilaekhimayun kuliungilat? 9n nanitpat? 18Umanga Jewmiutaungitumin allaitun utekpat kuyagikuvlugu God?” 19Ukallautimiyaa, “Makittin ailutinlu, ukpegnivit naguhipkaktaatin.”

Atanguvium kaiyyutagun

(Mt. 24:26-28, 37-41)

20Jesus apegiyaugami Pharisekunin Godim atanguviata kaiyyutaanik kiuyain, “Godim atanguvia kaiyunaituk naunaikutikaktillugu tautugnaktunik, 21inuit ukagunaitunlunin 'Ilaa hamaniituk' imaatunlunin, 'Taikani' ilaa ilipfi akunipfingni Godim atanguvia inman.”

22Maligutinilu ukallautiyain, “Ilaani ilipfi Inum engningata uvluangita ilangat takuyumangniaktakhi, takuyunaitagaluakhilunin. 23Inuit ukallautiniaktaahi imaatun, 'Ilaa hamaniituk' imaalunin, 'Taikaniituk' Tavungaktailuhi tuhaatailugillu tapkua. 24Tamna kalluk nuiman kaumaktitugu kilak taman taimatuntauk Inum engniga itniaktuk tikitpan. 25Hivullengmik tamna naglikhaktitauniaktuk amigaitumik inuit hapkua piyumangngimayyuk. 26Noah umatillugu ingilgan inuit humillika pivangmatta, Inum engningata pivikhait ayyikutauniaktun, 27tapfumani inuit hivullit negingnakpaktun imekhutik, nulianikpaktun uinikpakhutiglu taimalivakhutik Noah umiagmun itektinagu. Talva imam nungutpagain tamaita. 28Ayyikutauyuk Lot umatillugu. Inuit negivaktun, imekpakhutik, niuvekpaktun, niuvgutigivlugit pikutitik, nauttiyekhivaktunlu igluliukpakhutiglu. 29Lotli aullautiyaulengman iglukagvingmin Sodomin, kilangmin ingnengnik nipaluinaktuk tukutpakhugit tamaita inuit. 30Ayyikutauniaktuk Inum engniga hagyaekkan.

31“Talvani inuk tapfuma iglumi kaanganiitkumi aullagiaktukhak kimalugit tamaiyani iluaniitun. Tamnatauk nauttivingmiitkumi kimauli aihimaitumik. 32Lotim nuliyanga puiguktailuhiuk. 33Kinalika inuheminik annautiyumagumi tamaktiniaktaa, inuklunin inuheminik tamaktigumi annautiniaktaa. 34Ukautigipfi unuami tapfumani angutik hiniktillugik aipa piyauniaktuk aipanga kimaktautillugu. 35Mukpauyakliuktivingmilu angnak malguk havaktillugik, aipa piyauniaktuk aipanga kimaktautillugu.” 36Nauttivingmilu angutik havaktillugik, aipa piyauniaktuk aipanga kimaktautillugu. 37Tapkua apegiyaat, “Nanni Atanek?” Ukallautiyain, “Tukungayuk nunamiitpan tulugat kativigiyaat.”

Currently Selected:

Luke 17: Sperry

Highlight

Copy