John 15

NAKATA 15

Napaaktukun, kihektutaitigullu

1“Uvanga napaaktutun ahiakaktutun-iliyunga ilumuktumik Angutigalu nauttiyekhiyiuyuk. 2Aahin uvamnin kihektutaiyakpaktuk kihektutitka ahianiyuitpata, huli kihektutitka ahiakakhimayun havaktain tapkua ahianikiyaukuvlugit. 3Ilipfi halumaktitauhimagaluaktuhi ukauhipkun tuhaayapfigun uvamnin. 4Uvamni naiyugitti uvanga naiyulegapfi. Napaaktum kihektutaa inminik ahianiyuituk napaaktuminin kipiyaugumi, taima ilipfitauk ahianilimaituhi naiyugngitkupfinga.

5“Uvanga napaaktuyunga kihektutigivluhi ilipfi. Inuk naiyukumi uvamni tapfumani-itillunga tamna ahianikhunguyuk amigaitunik, pilimaitpiagapfi humillika uvamni naiyugngitkupfi. 6Inum naiyugngitkuminga igitauniaktuk kihektutun panekuvlugu. Tapkua kihektun katitauniaktun ingnegvingmun igitaukuvlugit, ikualakuvlugillu. 7Ilipfi naiyugupfi uvamni, ukauhitka maliktautillugit ilipfingni, kuyagingnagluhi tukhiagaigupfi pikakhunguyuhi. 8Ilipfi maligluagupfinga akhun ahianikupfilu atautikun Angutiga nagugiyauyuk. 9Angutimalu nagugimanga uvangatauk nagugivagapfi, kuviakutimni naiyuinakhimaluhi. 10Pitkuyatka maligupfigit kuviakutimni naiyugniaktuhi, taima uvanga Angutima pitkuyain malikpagapkit kuviakutaani naiyukhunga.

11“Hapkuninga ukautivagipfi kuviakutiga ilipfingniikuvlugu aahin ilipfi kuviahukiyaukuvluhi. 12Pitkuiyunga uminga, ilipfi kuviakutigitti ilipfingnik uvanga kuviagigapfi. 13Inum ilanani tukuyyutigigumigit talva nagugiyain akhunigaaluk 14Ilipfi pitkuyatka maligupfigit ilanagiyapfi uvanga. 15Kivgamnik ilaa taiyunaektapfi kivgak tapfuma atanimi piniaktaanik ilihimangngiman. Uvangali ilanamnik taiyagaluapfi ukautivagapfi tamainik tuhaayamnik Angutimin. 16Ilipfi pilluangitkipfinga uvanga, uvangali pilluaktagaluapfi havakuvluhi ahianikuvluhilu, ahiahilu nungukunagit. Taima humillika tukhiagaigupfi Angutimnin atipkun, tunikuvluhi.

Nunaum inungitigun, ilumugniumlu Anengningagun

17“Imaatun pitkuyapfi kuviakutigikuvluhi. 18Nunaum inungita nagugiyuitpahi puiguktailuhi tapkua nagugiyuitpagangma nagugingitinahi. 19Ilipfi nunaum inungit ilagigupfigit tapkua naguginiaktaahi. Nunaum inungita nagugingitaahi ilaunginapfi tapkununga, aahin pilluagapfilu uvanga tapkunanga. 20Itkaumaluhi ukautigapfi imaatun, 'Kivgak ataniminin ataniukiyaungituk.' Inuin naglihaktinamingna naglihaktiniaktaahitauk ilipfi. Tapkuali ukauhitka maligumitigitlunin ukauhihitauk ilipfi maligniaktain. 21Hapkuningalu tamainik piniaktaahi atiga pivlugu tiliyiga ilihimangnginamitku. 22Uvanga tikihimangngitkuma ukagvigikuvlugit tapkua ihuigiyauyunaitun, tayyali uvapkun kanguhutikhakaktun huinekivagamik. 23Inum nagugiyuitkungma atautikun nagugiyuitaa Angutigalu. 24Tapkunanilu hapengnaktunik allatunitngitumik havakhimangngitkuma ihuigiyauyunaitun, tayyali havaatka tapkua tautuktagaluangit nagugingitkivlunnuk Angutigalu. 25Pitkuyaini tiitigakhimayuk ilumuktukhak imaa ukagiyaktauman, 'Tapkua nagugingitpiaktangma uvanga kanuiliyuitillunga'.

26“Ikayuktilu tikitkumi, tiliniagapku tamna Angutimnin, ilumugnim Anengniga tamna Angutimin kaitauvluni, tapfuma ukautiginiaktanga, 27Ilipfitauk ukautiginiaktapfinga hivunganin uvamniitpagapfi.

Currently Selected:

John 15: Sperry

Highlight

Copy