Noo Mian 11
11
CAB. XI.
1As haink eh gy kione, tra va Yeesey erreish saraghyn y choyrt da e ghaa ostyl jeig, dy jagh e veih shen dy ynsaghey as dy phreacheil ayns ny kialteenyn oc.
2Nish tra va Ean er chlashtyn ayns y phryssoon jeh obbraghyn Chreest, hug e jees jeusyn v’er ny ve sheer marish er chaghteraght huggey,
3Dy ghra rish, Nee uss e#11.3 Yn Messias., va dy heet, ny vel shin dy yeaghyn son fer elley?
4Dreggyr Yeesey as doort e roo, Immee‐jee as soilshee‐jee da Ean ny reddyn ta shiu dy chlashtyn as dy akin:
5Ta ny doall geddyn nyn soilshey, as ny croobee gimmeeaght, ny louranee er nyn ghlenney, ny beuyr clashtyn, ny merriu er nyn mioghey, as y sushtal er ny phreacheil da ny boughtyn.
6As bannit ta eshyn nagh gow oyr dy huittym ayns peccah, my my chiones.
7¶ As myr va’d goll rowe, ren Yeesey toshiaght dy ghra rish y pobble my‐chione Ean, Cre hie shiu magh gys yn aasagh dy akin? cuirtlagh criht rish y gheay?
8Agh cre hie shiu magh dy akin? Dooinney coamrit ayns sheedey? Cur‐my‐ner, tar adsyn ta caeu sheedey ayns thiyn reeaghyn.
9Agh cre hie shiu magh dy akin? Phadeyr? Dy jarroo, ta mee gra riu, as fer syrjey ny phadeyr.
10Son shoh e, jeh te scruit, Cur‐my‐ner ta mee cur my haghter magh royd, dy yanoo aarloo jeh’n raad er dty hon.
11Dy firrinagh ta mee gra riu, nyn mastey ocsyn t’er nyn mreh jeh mraane, cha vel fer syrjey ny Ean Bashtey er nirree seose: ny yei ta’n fer#11.11 Yn fer-ynsee sloo jeh’n sushtal. sloo t’ayns reeriaght niau ny syrjey ny eshyn.
12As er dy laghyn Ean Bashtey derrey nish, ta sleih chionney stiagh gys reeriaght niau, as tar adsyn ta cheet lesh jeeanit cosney stiagh ayn.
13Son ren ooilley ny phaderyn as y leigh phaderys derrey Ean.
14As my ta shiu booiaght y chlashtyn eh, shoh Elias va ry hoi cheet.
15Eshyn ta cleashyn echey dy chlashtyn, lig e clashtyn.
16¶ Agh cre gys neem yn cheeloghe shoh y holaghey? Ta’d goll rish cloan ta nyn soie ayns ny margaghyn, as gemagh da ny sheshaghyn oc,
17As gra, Ta shin er nianoo bingys diu, as cha vel shiu er ghonsin; ta shin er nianoo kiaull hrimshagh diu, as cha vel shiu er cheaney.
18Son cha daink Ean gee ny giv, as ta’d gra, Ta drogh spyrryd ayn.
19Haink yn mac dooinney gee as giv, as ta’d gra, Cur‐my‐ner dooinney jollyssagh, as ivder‐feeney, carrey dy phublicanee as dy pheccee: Agh ta creenaght er ny seyrey liorish e cloan hene.
20¶ Eishtagh ren e toshiaght dy gheddyn foill da ny ard‐valjyn, ayndoo va’n chooid smoo jeh e obbraghyn yyndyssagh er nyn nianoo, er‐yn‐oyr nagh ghow ad arrys.
21Smerg dhyts, Chorazin, smerg dhyts, Vethsaida: son dy beagh ny obbraghyn yyndyssagh er ny ve jeant ayns Tyre as Sidon, t’er ve jeant ayndivish, veagh ad er ghoall arrys foddey er dy henney, ayns aanrit sack as leoai.
22Agh ta mee gra riu, dy bee kerraghey s’eddrymmee er ny choyrt er Tyre as Sidon ec laa ny briwnys, ny vees er ny choyrt erriuish.
23As uss Capernaum, ta dt’ooashley roshtin gys niau, bee oo er dty hilgey sheese gys nivrin; son dy beagh ny obbraghyn yyndyssagh er ve jeant ayns Sodom, t’er ve jeant aynyds, veagh eh er ve er‐mayrn gys y laa t’ayn jiu.
24Agh ta mee gra riu, dy bee kerraghey s’eddrymmee er ny choyrt er talloo Sodom ec laa ny briwnys, ny vees orts.
25¶ Ec y tra shen, dreggyr Yeesey as doort e, Ta mee cur booise dhyt, O Ayr, Hiarn niau as talloo, er‐yn‐oyr dy vel oo er chieltyn ny reddyn shoh vowsyn ta creeney as tushtagh, as dy vel oo er hoilshaghey ad da ooikanyn.
26Shen dy jarroo myr te, Ayr, son shen myr ve mie ayns dty hilleys.
27Ta dy chooilley nee er ny livrey doos liorish my Ayr: as cha nione da dooinney erbee yn mac, agh yn Ayr: cha-moo shione da dooinney erbee yn Ayr, agh y mac, as eshyn da nee yn mac e y hoilshaghey.
28¶ Tar‐jee hyms ooilley shiuish ta laboragh as ta laadit dy trome, as neems shiu y ooraghey.
29Gow‐jee my whing erriu, as ynsee‐jee voyms, son ta mee meen as imlee ayns spyrryd: as yiow shiu fea da nyn anmeenyn.
30Son ta my whing aashagh, as my errey eddrym.
Currently Selected:
Noo Mian 11: NMian
Highlight
Share
Copy
Want to have your highlights saved across all your devices? Sign up or sign in
historic text maintained in digital form by the British and Foreign Bible Society (Sheshaght y Vible)
