Mat 1

Yesu Kristo yɛ kigyɔgyɔɛ mɛ kusrɔsrɔ ɔ

1Yesu Kristo yɛ kigyɔgyɔɛ ɛ mɛ kusrɔsrɔɔ kwitrɛ te e: Yesu onu Dawid yɛ lipo me obi lɛ Dawid fɛ ɛ, onu Abraham yɛ lipo me obi i.

2Niteme si dɔnɔ ní Abraham aʋa kɔna ni Dawid aʋa ɛ, kigyɔgyɔɛ mɛ kinu sì: Abraham apɔ Isak, Isak apɔ Yakob, lɛ Yakob apɔ Yuda ni yɛ beneminyime ba ɛ.

3Yuda apɔ Peres ani Sera. Ba onee eze Tamar. Nite si Peres apɔ Xezron, lɛ Xezron apɔ Aram i.

4Aram apɔ Aminadab, Aminadab apɔ Nahson, lɛ Nahson apɔ Salmon i.

5Salmon ni Raxab bɛpɔ Boaz, Boaz ni Rut bɛpɔ Obed, lɛ Obed apɔ Isai i. Lɛ Isai apɔ Okusi ye Dawid i.

6Dɔnɔ ní Dawid yɛ lipoe le aʋa kɔna ni lipoe lɛ klɔ gi Babilonia banɛ ma bevu Israel bebi ba ní kigũ i tsinɔ ní Babilonia kesea aʋa ɛ, Yesu yɛ kigyɔgyɔɛ mɛ kusrɔsrɔɔ kwitrɛ kɛ aʋa nite: Okusi ye Dawid apɔ Salomo. Salomo yene ezeni Uriya.

7Salomo apɔ Rexabeam. Rexabeam apɔ Abiya, lɛ Abiya apɔ Asa ɛ.

8Asa apɔ Yehosafat, Yehosafat apɔ Yoram, lɛ Yoram apɔ Uziya ɛ.

9Uziya apɔ Yotam, Yotam apɔ Axaz, lɛ Axaz apɔ Xizkiya ɛ.

10Xizkiya apɔ Manase, Manase apɔ Amon, lɛ Amon apɔ Yosia ɛ.

11Lɛ Yosia apɔ Yexonya ni yɛ beneminyime ba ní ba Babilonia aboyo la me kuzezeo lipoe le me e.

12Dɔnɔ ní Babilonia aboyo la mɛ kuzeze o kede kɔkpɛni Yesu yɛ kupɔpɔɔ mɛ ɛ, kigyɔgyɔɛ mɛ kitrɛ kɛ aʋa nite: Yexonya apɔ Sealtiel, lɛ Sealtiel apɔ Zerubabel i.

13Zerubabel apɔ Abihud, Abihud apɔ Elyakim, nite si Elyakim apɔ Azur.

14Azur apɔ Zadok, Zadok apɔ Yaxin, lɛ Yaxin apɔ Elihud i.

15Elihud apɔ Eleazar, Eleazar apɔ Matan, lɛ Matan apɔ Yakob i.

16Nite si Yakob apɔ Yosef. Yosef yedze eze Maria a. Lɛ Maria ɛ, yɛ apɔ Yesu gi yɛ onu Kristo e.

17Niteme si Abraham yɛ lipo le me bebi ba kɔna ni Dawid aʋa ɛ, beze liɔfɔ ni tiene. Lɛ sɛ̀ ní Dawid aʋa kɔna ni Babilonia aboyo la mɛ kutrɛtrɛɔ aʋa ɛ, ba fɛ beze liɔfɔ ni tiene. Lɛ dzɛ ɛ, dɔnɔ ní lipoe lɛ klɔ aʋa kɔna ni Yesu lipɔpoe le aʋa ɛ, lipo le me bebi ba beze liɔfɔ ni tiene.

Kiliɛ gi bɛpɔ Yesu Kristo e

18Yesu Kristo yɛ kupɔpɔɔ mɛ eboe la ɛtrɛ nite: Beʋi yene Maria litukpo ɛki Yosef. Pɔ xe ableke biakpɛ likpɔ ɛ, amɔ si yɛ akɔ limɛ ní Ɔfuɛfuɛ Dradra lɔ mɛ kooko. 19Yenye Yosef eze ɔnɔ gi abitɛ ní Aya yɛ isã nɛ aʋa a, niteme si ɔ́pɛ si yikpɛ ɔdzɛɛ kuye e ní banima aŋu mɛ. Lɛ loso e, atrɔ si yɛ ayurɔ yɛ ní kikpokpo me. 20Agi azeegyo eboa la su edi i, Aya yɛ ɔxwɛdzɛɛ ebu isu ya abasɛ Yosef ní kulila mɛ. Lɛ akpɛ ɔna ní yɛ lipo si, “Yosef, Dawid yebie, wukíse lifu ní Maria kugbanɔɔ su u, lɛ ese linu si yɛ limɛ nɛ ɛ, Ɔfuɛfuɛ Dradra lɔ mɛ lidɔ ɔ. 21Atrápɔ obinyime gi biaxwa yɛ si Yesu lɛ ese linu si yɛ atrábu yɛ benete ba ní ba eboe zimizi na mɛ ɛ.”

22Kɔ eboa la ya pɔ́ ɛba la mɛ, tɔ biakɔ bloni liboe lɛ gi Aya apani aplɛ gani yɛ oboedoplɛɛ aʋa sì, 23“Di ke, ɔdisami gi óte onyime e, aakɔ̀ limɛ ɛ, gi aapɔ obinyime e, lɛ biaxwa yɛ si Imanuel,” gi lɛ ese linu si “Aya ɔlɛ ni blɔ.”

24Agi Yosef enyime ní sra sɛ mɛ ɛ, abitɛ ní Aya yɛ ɔxwɛdzɛɛ yɛ liboe le aʋa. Niteme si agbani Maria. 25Pɔ ɛ, yɛ ni yɛ béze edi zɛkɔ nani lipoe lɛ gi apɔ yebinyime tɔpu yɛ pɔ́ ɛ. Lɛ Yosef axwa obi ye linyi si Yesu i.

Currently Selected:

Mat 1: avn

Highlight

Copy