Luka 9

Yecu ooro jo apar wie aryo

(Neŋ daŋ Matayo 10.5-15; Marako 6.7-13)

1Olwoŋo jo mere apar wie aryo karacel, te miyogi teko kede twer i kom cen ducu, anaka me caŋo two, 2oorogi ka rabo kop me loc Obaŋa, kede me caŋo jo. 3#Luk. 10.4-11; Tic 13.51En okobbigi ni, “I wotwu-ni, kur iter wunu ginnoro, kadi abiro, kadi cao, kadi cem, kadi lim; dok daŋ kur ibed wunu kede kanyi aryo. 4Ot ame idonyo wunu iye, bed wunu iye ituno ka ibino ya wunu i kuno. 5Kan a mom ojolowu iye, ka iya wunu i boma-nono, ten wunu apua tyenwu me bed caden baŋgi.” 6Gin oya te wot i akina pacci, ote rabo amut aber, kun ocaŋo otwo i kabedo ducu.

To a Lakana Abatija

(Neŋ daŋ Matayo 14.1-12; Marako 6.14-29)

7 # Mat. 16.14; Mar. 8.28; Luk. 9.19 Kerode ame aloc owinyo gin ducu ame obedo ka timere, okalo akala meicel, pien jo mogo kobo ni, “Lakana Abatija doŋ ocero gire oko iyi akina jo oto.” 8Jo ocele ni, “Elia doŋ onen”; jo ocele ni, “Ŋat acel i akina odwarpiny acon doŋ ocer.” 9Kerode okobo ni, “Lakana doŋ atyeko toŋo wie oko do; kara man ŋa ame awinyo kop acalo magi i komenie?” En oyenyo yo me nene.

Yecu opito jo tutumia abic

(Neŋ daŋ Matayo 14.13-21; Marako 6.30-44; Lakana 6.1-14)

10Ka okwena odwogo, gin otitte gin ame gin otio. En oterogi owoto kedgi i paco ame olwoŋo ni Betecaida, i muŋ. 11Ka lwak owinyo, olube; en ojologi, orabbigi kop me loc Obaŋa, ocaŋo jo ame komgi lit. 12Ame piny amito yuto, jo mere apar wie aryo obino baŋe, okobbe ni, “Cwa lwak wot i akina myere kede i akina pacci ame ceggiceggi, oyeny kabuto kede cem; pien otye kan i dye tim.” 13En te gamo ni, “Wun mi wunugi cem.” Gin te gamo ni, “Wan otye kede ogati abic kede rece aryo keken, kwanyo ka ce imito ni owot owil pi lwak magi luŋ.” 14Pien co rik mito romo tutumia abic. En te ciko jo mere a lube ni, “Miugi obed piny awu awu, awu acel acel jo pyerabic pyerabic.” 15Gin te timo amannono, ote miyo jo luŋ bedo piny. 16Omako ogati abic kede rece aryo-nu, oneno malo i polo, okwao iye winyo, onyinyilo omio baŋ jo a lube me gin ket i nyim lwak. 17Gin ducu ocamo, oyeŋ. Ote coko ŋide cem ame oloogi, oromo aditti apar wie aryo.

Kop ame Petero otuco i kom Yecu

(Neŋ daŋ Matayo 16.13-19; Marako 8.27-29)

18Ka rik en tye akwac kene, a kun jo a lube tye karacel kede, en openyogi ni, “Kara lwak kobo ni an ŋa?” 19#Mat. 14.1-2; Mar. 6.14-15; Luk. 9.7-8Gin ogamo ni, “Lakana Abatija; ento jo mogo ni, Elia; jo ocele ni, ‘ŋat acel i akina odwarpiny acon doŋ ocer.’ ” 20#Lak. 6.68-69Te dok penyogi ni, “Kara wun kono, ikobo wunu ni an ŋa?” Petero te gamo ni, “Yin Kricito Obaŋa.”

Yecu otito pi to mere

(Neŋ daŋ Matayo 16.20-28; Marako 8.30–9.1)

21En ocikogi atek ni mom myero otit baŋ dano moro. 22Dok okobo ni, “Wot a dano myero kany can apol, dok odoŋe kede olamdog adoŋo kede opwony-cik myero kwere, neke, ento i nino me adek myero cere oko,” 23#Mat. 10.38; Luk. 14.27Dok okobo baŋ jo luŋ ni, “Ka dano moro mito luba, myero koŋ oge kwerre kene, tiŋ yataria mere nino i nino, luba. 24#Mat. 10.39; Luk. 17.33; Lak. 12.25Pien dano ame mito laro kwo mere, bino rwenyo kwo mere arwenya, ento dano ame rwenyo kwo mere pira, bino laro. 25Kara konyo dano kede ŋo ka ocamo lobo luŋ, kun kwo mere orwenyo onyo omao oko? 26Dano ame lewic bino make pira kede pi kop mera, Wot a dano daŋ lewic bino make i kome i kare a en bino dwogo iye kede kwogo mere, kede kwogo Obaŋa Papo kede me omalaika acil. 27Ento akobbiwu ateni ni, tye jo mogo ame ocuŋ kan ame mom bino bilo to, a mom ru oneno loc Obaŋa.”

Yecu olokere onen apat

(Neŋ daŋ Matayo 17.1-8; Marako 9.2-3)

28 # 2 Pet. 1.17-18 Ka cabit acel okato a doŋ okobo kop magi, otero Petero kede Lakana kede Yakobo, oyito kedgi i wi kidi me kwayo Obaŋa. 29Ame doŋ tye ka kwayo Obaŋa, nen me waŋe te lokere apat, rukkere te lokere atar ame ryeny aryenya. 30Jo aryo te nen ame tye ka kop kede; jo-ni ceŋ gin Muca kede Elia, 31ame gin onen kun otye kede kwogo, okobo pi to mere ame ebino cobo kede tic Obaŋa i Jerucalem. 32Petero kede jo ame tye karacel kede onwoŋo nino doŋ onuro waŋgi atek, ento ka gin oco, oneno kwogo a Yecu, kede jo aryo ame ocuŋ karacel kede. 33A doŋ jo aryo-nu amito ya oko i baŋe, Petero okobbi Yecu ni, “Adwoŋ, ber meicel wan ibedo kano Wek oger gonye adek, acel meri, acel mea Muca, acel mea Elia,” daŋ onwoŋo mom aŋeyo gin ame en akobbo. 34Ka en pwod tye ka kop, tipo pol obino owumogi, lworo ocirogi oko me donyo i pol. 35#Ica. 42.1; Mat. 3.17; 12.18; Mar. 1.11; Luk. 3.22Dwonnoro oya i polo kun kobo ni, “Man en Woda a doŋ ayero; winye wunu.” 36Ame doŋ dwon-nu owinyere, onen ni Yecu odoŋ kene. Gin ote doŋ liŋ aliŋa, mom otito kopporo baŋ jo i kom gin ame gin oneno.

Yecu ocaŋo awobi won cen arac

(Neŋ daŋ Matayo 17.14-21; Marako 9.14-29)

37Orwo mere a doŋ gin oyitto piny i wi kidi, lwak ecipan orwatte kede. 38Dano moro acel i akina lwak te redo ni, “Apwony, abako doga baŋi inen woda-ni, pien anywale en acel keken. 39Nen, cen bedo make, mie kok oyotoyot; ryee, kelo bwoo i doge, mom ya i kome piopio, nyoŋo kome atek. 40Woki abako doga baŋ jo meri a lubi ni gin oryem, ryemo oloogi oko.” 41Yecu ogamo ni, “Wun lwagi jo ame iyeewu mom, kitewu doŋ oballe oko; kara abino bedo kedwu naka awene? Abino diyo cunya i komwu ituno awene? Kel wodi kan.” 42Ame en abino, cen odole piny, omie oryeryea atek. Yecu te juko cen arac oko, ocaŋo awobi, te dwoko baŋ pappere. 43Jo luŋ ogano dit Obaŋa.

Yecu dok otito pi to mere

(Neŋ daŋ Matayo 17.22-23; Marako 9.30-32)

Ka pwod otye ka wuro gin ducu ame en otio, en okobo baŋ jo mere a lube ni, 44“Mi wunu kop man dony i yitwu; pien Wot a dano obino miye i ciŋ jo.” 45Ento gin mom oniaŋ i kop man, rik okano oko i tuŋ baŋgi me kur oŋe tere; gin olworo penye pi kop-pu.

Ŋa ame loo kede dit

(Neŋ daŋ Matayo 18.1-5; Marako 9.33-37)

46 # Luk. 22.24 Pyem rik obedo i akinagi ni, ŋa i akinagi ame loo kede dit? 47Yecu ka oŋeo pyem i cunygi, otero atin, omio ocuŋ i ŋete, 48#Mat. 10.40; Luk. 10.16; Lak. 13.20okobbigi ni, “Dano ame jolo atin man i nyiŋa, nwoŋo ojolo an; dano ame jola, nwoŋo ojolo ŋat ame oora; pien ŋat ame tidi meicel i akinawu ducu, en ŋat ame dit.”

Ŋat a mom akworwu, tye tuŋ baŋwu

(Marako 9.38-40)

49Lakana ogamo ni, “Adwoŋ, oneno ŋattoro ame aryemo cen kede nyiŋi, ojuke, pien mom lubi karacel kedwa.” 50Ento Yecu okobbe ni, “Kur ijuke wunu, pien ŋat a mom akworwu tye tuŋ baŋwu.”

Jo paco moro me Camaria okwero jolo Yecu

51Ka kare doŋ mito romo me tiŋe malo i polo, waŋe ocuŋ atek me wot i Jerucalem. 52Ooro jo ame okwoŋo nyime; gin te wot donyo i paco moro mea jo Camaria pi yikke kabedo. 53Ento mom ote jole, pien waŋe okemo tuŋ Jerucalem. 54#2 Obak. 1.9-16Ka Yakobo kede Lakana oneno, ame gin jo mere a lube, gin okobo ni, “Rwot, omito ocik mac ya i polo me tyekgi oko?” 55Ento en olokere, ojukogi [kun kobo ni, “Mom iŋeo wunu kit cuny ame itye wunu kede; pien Wot a dano mom obino me tyeko kwo a jo, ento me larogi.”] 56Gin te wot i paco ocele.

Jo mogo a yam mito lubo Yecu

(Neŋ daŋ Matayo 8.19-22)

57Ame otye ka wot iyo, ŋattoro te kobbe ni, “An abino lubi i kan ame ibino wot iye luŋ.” 58Yecu odok iye ni, “Ekwe tye kede gorogorogi, winyi daŋ tye kede udigi, ento Wot a dano mom tye kede kan ame epyelo iye wie.” 59Okobo baŋ dano ocele ni, “Luba.” Ento en okobbe ni, “Koŋ iweka awot ayik pappa.” 60Ento Yecu ogamo doge ni, “Wek jo oto yik jo oto wadgi, ento yin woti, irab kop me loc Obaŋa.” 61#1 Obak. 19.20Dano ocele okobo ni, “Abino lubi, Adwoŋ; ento koŋ iwek awoti, acik jo i oda.” 62Yecu okobbe ni, “Mom tye dano moro ame mako kweri dyaŋ, dok neno ŋec, ame bino porre i loc Obaŋa.”

Currently Selected:

Luka 9: Lango

Highlight

Copy