Malaki 2
2
1 Fumu Mwenenkhongono zose yikuti, “Sono, Mwe ŵasofi, dango ili nda imwe. 2Usange mukureka kupulikira, usange mukureka kuliŵika ku mitima yinu kupereka nchindi ku zina lane, nditi ndimutumirani nthembo. Nditi nditembenge vitumbiko vyinu. Nadi, ndavitemba kale, chifukwa muli kuliŵika mu mitima yinu chara.”
Ntheura ndimo yikuyowoyera Fumu Mwenenkhongono zose.
3“Wonani, nditi ndiŵachenye ŵana ŵinu, na kuphaka pa visko vyinu ulongwe wa vinyama ivyo mukupereka kuŵa sembe, ndipo muti muyorekenge pamoza na ulongwe kufumapo panthazi pane. 4Ntheura muti mumanye kuti ndapereka dango ili kwa imwe, mwakuti phangano lane na ŵasofi, na ŵazukuru ŵa Levi, liŵe lakukhora.” Ntheura ndimo yikuyowoyera Fumu Mwenenkhongono zose.#Kup 3.11-13 5“Phangano lane na Levi likaŵa la umoyo na mutende, ndipo nkhapereka kuti wandichindikenge, ndipo nadi wakundichindika. Wakarutilira kuchindika zina lane.#Kup 25.12 6Visambizgo vya unenesko ndivyo wakayowoyanga, ndipo wakayowoyangapo chiheni chara. Wakenda na ine mu mutende na mu kunyoroka, ndipo wakawezga ŵanandi kufuma ku kwananga. 7Pakuti musofi wakwenera kuyowoya vya mahara, ndipo ŵanthu ŵakwenera kwiza kuti ŵasangeko usambizgi kufuma ku ivyo wakuyowoya. Pakuti musofi ndi thenga la Fumu Mwenenkhongono zose.”
8“Kweni imwe mwapatukamo mu nthowa yane, ndipo na visambizgo vyinu, mwakhuŵazga ŵanandi. Imwe mwananga phangano la Levi.”
Ntheura ndimo yikuyowoyera Fumu Mwenenkhongono zose.
9“Ntheura ndamuzgorani kuŵa ŵakuyuyurika na ŵa pasi chomene panthazi pa ŵanthu wose, chifukwa mundasungilire nthowa zane, kweni mukutemwera pakupereka visambizgo vyinu.”
Kuwura kugomezga kwa ŵanthu
10Asi ise tose tili na Dada yumoza? Asi ndi Chiuta yumoza pera uyo wali kutilenga ise tose? Kasi sono nchifukwa uli tikureka kugomezgana yumoza na munyakhe? Mwa ntheura tikuyuyura phangano ilo likapika ku ŵasekuru ŵithu. 11ŴaYuda ŵaŵa ŵambula kugomezgeka, ndipo ŵaŵa ŵakuchita ukazuzi mu Israele na mu Yerusalemu. Ŵali kukazuzga Nyumba ya Fumu, iyo yikutemwa. Ŵanarume ŵali kutora ŵanakazi awo ŵakusopa ŵachiuta ŵachilendo. 12Munthu uyo wakuchita ichi, Fumu yimuwuskemo mu mbumba ya Yakhobe, mwakuti wangizangaso chara kwiza kapereka sembe kwa Fumu Mwenenkhongono zose.
13Chinthu chinyakhe icho mukuchita ndi ichi: Mukulira na kutengera chomene mpaka na kunyevya jochero la Fumu na masozi ghinu, chifukwa Fumu yareka kulaŵiska sembe yinu nanga nkhuyipokerera na kukondwa kufuma mu mawoko ghinu. 14Imwe mukufumba, mukuti, “Kasi nchifukwa uli Fumu yareka kupokerera sembe?” Chifukwa Fumu ndiyo yikaŵa kaboni wa phangano ilo ukachita pakati pa iwe na muwoli wa uwukirano wako. Kweni iwe waŵa wambula kugomezgeka kwa iyo, nangauli ukapangana panthazi pa Fumu kuti waŵenge munyako, na muwoli wako. 15Asi ndi Chiuta yumoza pera uyo wali kumubanyani, iwe na muwoli wako mu thupi na mu mzimu? Kasi wali kuchitirachi ichi? Nchifukwa chakuti wakukhumba ŵana kuti ŵamusope Chiuta. Ntheura chenjerani. Paŵavye na yumoza wa imwe waŵe wambula kugomezgeka ku muwoli wa mu uwukirano wakhe.
16 Fumu Mwenenkhongono zose, Chiuta wa Israele wakuti, “Ine nkhutinkha kupatana. Nkhutinkha kuti munthu wachitenge vya nkhaza kwa muwoli wakhe. Ntheura chenjerani. Paŵavye na yumoza wa imwe waŵe wambula kugomezgeka.”
Zuŵa la weruzgi laneng'enera
17Imwe mwavuska Fumu na mazgu ghinu. Ndipouli imwe mukufumba mukuti, “Kasi tayivuska uli Fumu?”
Imwe mukuti, “Wose awo ŵakuchita uheni, mbaweme panthazi pa Fumu, ndipo yikukondwa na iwo.”
Mukufumbaso mukuti, “Kasi Chiuta wakweruzga mu urunji walinkhu?”
Currently Selected:
Malaki 2: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
