Luka Maronje
Maronje
Uthenga Uweme wa Yesu Khristu umo wakalembera Luka ukurongora Yesu kuti ndi Muponoski wa Israele uyo Chiuta wakapangana kutuma ndiposo kuti ndi Muponoski wa ŵanthu wose. Luka wakulemba kuti Yesu wakachemeka na Mzimu wa Fumu kuti, “Wapharazge Uthenga Uweme ku ŵakavu.” Uthenga Uweme uwu uli kuzura na chisungusungu cha Yesu ku ŵanthu pa vyose ivyo ŵakwenjerwa navyo mu umoyo wawo. Mu Uthenga uwu, makani gha chimwemwe ghakuwonekera pakweru chomene mu vipaturo vya kwambilira apo kwiza kwa Yesu kukumanyiskika ndiposo ku umaliro kwa Uthenga, apo Yesu wakukwerera kuchanya. Mu Buku la Milimo ya Ŵakutumika Luka wakurongosora umo chipulikano cha chikhristu chikakulira na kutandazgikira, Yesu wakati wakwerera kuchanya.
Mu chigaŵa cha chiŵiri ndiposo na mu chigaŵa cha chinkhonde na chimoza, (wonani ndondomeko iyo yili musi), muli makani agho ghakusangika mu Uthenga Uweme kwakuyana na Luka pera nga ndi makani agha: sumu ya ŵangelo, ŵaliska ŵakuya kawona Yesu wati wababika, Yesu mu Nyumba ya Chiuta apo wakaŵa musepuka, ndiposo ntharika ya muSamariya muweme na ya mwana wakuzgeŵa. Uthenga uwu ukudidimizgapo chomene pa malurombo, Mzimu Mutuŵa, mlimo wa ŵanakazi mu uteŵeti wa Yesu, ndipo na chigowokero cha Chiuta cha zakwananga.
Ndondomeko ya vya mukati
Maronje 1.1-4
Kubabika na kakuliro ka Yohane Mubapatizi ndipo na ka Yesu 1.5—2.52
Uteŵeti wa Yohane Mubapatizi 3.1-20
Ubapatizo na kuyezgeka kwa Yesu 3.21—4.13
Uteŵeti wa Yesu ku Galileya 4.14—9.50
Kufuma ku Galileya kuruta ku Yerusalemu 9.51—19.27
Sabata ya umaliro mukati na mufupi mwa Yerusalemu 19.28—23.56
Kuwuka, kuwoneka na kukwera kwa Fumu 24.1-53
Currently Selected:
Luka Maronje: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi