Закаря 2

2‑нҗи бап

Үчүнҗи аламат: өлчег йүпи

1Соңра мен середип дуркам, эли өлчег йүпли бир адамы гөрдүм. 2Мен ондан: «Нирә барярсың?» дийип сорадым. Ол маңа: «Иерусалими өлчәп, онуң ининиң хем-де узынлыгының нәчедигини билмәге барярын» дийип җогап берди. 3Мениң билен геплешен перишде менден дашлашанда, башга бир перишде оны гаршыламага чыкды. 4Ол: «Бар, ылга-да шол йигиде айт: „Ол ерде ерлешҗек сан-саҗаксыз адамлардыр мал-гарадан яңа Иерусалим диварсыз бир шәхер болар. 5Мен онуң дашының отлы дивары, ичиниң шөхраты боларын. Муны Реб диййәр“» дийди.

6Реб шейле диййәр: «Хайдаң, хайдаң! Демиргазык юрдундан гачың. Чүнки Мен сизи гөгүң дөрт тарапына өвүсйән ел кимин даргатдым, муны Мен – Реб айдяндырын. 7Хайда, Бабылда яшаян Сион#2:7 Сион – бу Ысрайыл халкы диймекдир. Сөзлүге серет., гач!» 8Чүнки Хөкмүрован Реб мени Өз шөхраты үчин иберди. Сизи талан халклар бабатда Ол шейле диййәр: «Сиона деген хут Мениң гөреҗиме дегйәндир. 9Инди Мен оларың гаршысына эл гөтерҗек; олары өз гуллары талаңа салар». Шонда яныңыза мени Хөкмүрован Реббиң иберендигини билерсиңиз. 10«Айдым айт, шатлан, эй, Сион гыз#2:10 Сион гыз – бу Ысрайыл халкы диймекдир. Сөзлүге серет.! Мен гелип, сизиң араңызда мекан тутҗак. Муны Реб айдяндыр. 11Шол гүн көп халклар Мен-Реббе бил багларлар ве Мениң халкым боларлар. Мен сизиң араңызда мекан тутарын». Шонда яныңыза мени Хөкмүрован Реббиң иберендигини билерсиңиз. 12Реб мукаддес топракда Өз пайы хөкмүнде Яхуданы мүлк эдип алар ве ене Иерусалими сайлар.

13Әхли җанлы-җандарлар, Реббиң өңүнде үмсүм болуң; Ол туруп, мукаддес меканындан чыкып гелйәр.

Currently Selected:

Закаря 2: TukCyr16

Highlight

Copy