Матта 1

1‑нҗи бап

Иса Месихиң несил дарагты

(Лука 3:23-38)

1Ыбрайымың ве Давудың неслинден болан Иса Месихиң несил дарагтының язгысы, ине, шейледир: 2Ыбрайымдан Ысхак, Ысхакдан Якуп, Якупдан Яхуда ве онуң доганлары дүнйә инди. 3Яхудадан Перес билен Зерах догулды, оларың эҗеси Тамарды. Пересден Хесрон, Хесрондан Рам догулды. 4Рамдан Эминадап, Эминадапдан Нахшон, Нахшондан Салмон догулды. 5Салмондан Боваз дүнйә инди, онуң эҗеси Рахапды. Боваздан Обет дүнйә инди, онуң эҗеси Рутды. Обет Йышайың какасыды. 6Йышайдан Давут патыша догулды. Давутдан Сүлейман дүнйә инди, онуң эҗеси Урыяның дул аялы Батшебады. 7Сүлеймандан Рехабгам, Рехабгамдан Абыя, Абыядан Аса, 8Асадан Ехошапат, Ехошапатдан Ехорам, Ехорамдан Узыя догулды. 9Узыядан Ётам, Ётамдан Ахаз, Ахаздан Хизкия, 10Хизкиядан Манаша, Манашадан Амон, Амондан Ёшыя догулды. 11Ёшыя Бабыл сүргүниниң өңүсырасында доглан Еконяның ве онуң доганларының атасыды. 12Еконя Бабыл сүргүнинден соңра доглан Шеялтыелиң атасыды. Шеялтыелден Зерубабыл, 13Зерубабылдан Абыхут, Абыхутдан Элиякым, Элиякымдан Азор, 14Азордан Садок, Садокдан Акым, Акымдан Элихут, 15Элихутдан Элгазар, Элгазардан Маттан, Маттандан Якуп догулды. 16Якуп Меръемиң адамсы Юсубың атасыды, Меръемден болса Месих#1:16 Месих – еврейлер бу сөзи Худай тарапындан вада берлен Патыша бабатында уланярлар. Сөзлүге серет. дийип атландырылан Иса догулды.

17Шейлеликде, Ыбрайымдан Давуда ченли болан несиллер җеми он дөрт аркадыр. Давутдан Бабыл сүргүнине ченли хем он дөрт, Бабыл сүргүнинден Месихе ченли хем он дөрт аркадыр.

Иса Месих догуляр

(Лука 2:1-7)

18Иса Месихиң доглушы шейле болды: Онуң эҗеси Меръем билен Юсуп адаглыды, эмма олар энтек яссыкдаш болманкалар, Меръем өзүниң Мукаддес Рух аркалы гөврели боландыгыны билди. 19Онуң адаглысы Юсуп догручыл адамды, шоңа гөрә ол Меръемиң иле масгара болмагыны ислемән, оны яшырын айрып гойбермеги йүрегине дүвди. 20Юсуп бу хакда ойланып йөркә, Реббиң бир перишдеси онуң дүйшүне гирип: «Эй, Давут оглы Юсуп! Сен Меръеме өйленмекден горкма, себәби онуң гөвресиндәки Мукаддес Рух аркалыдыр. 21Ол бир Огул дограр, сен Онуң адына Иса#1:21 Иса – бу сөз Реб халас эдйәр диймеги аңладяр. дакарсың, себәби Ол Өз халкыны гүнәлеринден халас эдер» дийди. 22-23#Иша 7:14.Буларың хеммеси Реббиң пыгамбер аркалы: «Ине, бой гыз гөврели болуп, Огул дограр. Онуң адына Иманувел дакарлар» дийип айдан сөзүниң берҗай болмагы үчин болды. Бу ат «Худай бизиң билендир» диймеги аңладяр. 24Юсуп укудан оянансоң, Реббиң перишдесиниң буйругыны ерине етирип, Меръеме өйленди. 25Эмма Меръем оглуны#1:25 Оглуны – кәбир голязмаларда новбахар оглуны. догурянча, Юсуп оңа янашмады. Юсуп доглан чаганың адына Иса дакды.

Currently Selected:

Матта 1: TukCyr16

Highlight

Copy