Лука 4

4‑нҗи бап

Иса сыналяр

(Матта 4:1-17; Марк 1:12-15)

1Иса Мукаддес Рухдан долуп, Иордан дерясындан ызына доланды. Мукаддес Рух Оны чөле алып гитди. 2Иса ол ерде кырк гүнләп иблис тарапындан сынага салынды. Шол гүнлериң довамында Ол хич зат иймеди, кырк гүнден соң болса аҗыкды.

3Иблис Оңа: «Эгер Сен Худайың Оглы болсаң, бу дашың чөреге өврүлмегини буюр» дийди. 4#Кан 8:3.Иса: «„Ынсан диңе чөрек билен яшамаяр“ дийип язылгыдыр» дийип җогап берди.

5Соңра иблис Исаны бир белент ере чыкарып, Оңа дүнйәниң әхли шалыкларыны гөркезди. 6Иблис Иса: «Мен буларың әхлисиниң хөкүмдарлыгыны ве шан-шөхратыны Саңа берейин. Булар маңа берилди, мен хем оны исләниме берип билйәрин. 7Шонуң үчин Сен маңа сежде этсең, буларың бары Сениңки болар» дийди. 8#Кан 6:13.Иса оңа: «„Худайыңыз Реббе сежде эдиң, диңе Оңа гуллук эдиң“ дийип хем язылгыдыр#4:8 Кәбир голязмаларда Ёк бол, шейтан! диен җүмле хем бар.» дийип җогап берди.

9Соңра иблис Исаны Иерусалиме гетирди. Оны ыбадатхананың чүр депесине чыкарып: «Эгер Сен Худайың Оглы болсаң, Өзүңи шу ерден ашак окла. 10-11#Зеб 90:11-12.Чүнки шейле язылгыдыр:

„Сени берк горамак үчин,

Ол перишделерине Сен бабатда эмр эдер.

Аягың даша бүдремез ялы,

олар Сени эллеринде гөтерер“» дийди.

12 # Кан 6:16. Иса оңа: «„Худайыңыз Ребби сынамаң“ дийип хем язылгыдыр» дийип җогап берди.

13Иблис Исаны сынагларың хеммесинден гечирип гутарандан соң, аматлы пурсат гелйәнчә, Онуң янындан гитди. 14Иса Мукаддес Рухуң гүйҗи билен Җелилә доланып гелди. Ол хакдакы гүррүңлер этрабың чар тарапына яйрады. 15Ол яхудыларың синагогаларында халка өвретмәге башлады, хеммелер Оңа өвги айдярдылар.

Насырада Исаны рет эдйәрлер

(Матта 13:53-58; Марк 6:1-6)

16Бир гүн Иса Өз догдук меканы болан Насыра гитди. Ол Сабат гүни адатдакы ялы синагога барып, Мукаддес Язгылардан окамак үчин еринден турды. 17Оңа Ишая пыгамбериң китабыны бердилер. Ол хем китабы ачып, шу сөзлериң язылан ерини тапды:

18-19 # Иша 61:1-2. «Реббиң рухы үстүмдедир.

Гарыплара Хош Хабары билдирмегим үчин,

Ол Мени сечип-сайлады;

туссаглара азатлыгы,

көрлере гөзүниң ачылҗакдыгыны ыглан этмәге#4:18 Кәбир голязмаларда дөвлен йүреклери беҗермәге диен җүмле хем бар. Ол Мени иберди.

Зулум астындакылары азатлыга чыкармага,

Реббиң мерхемет йылыны җар этмәге Мени иберди».

20Онсоң китабы япып, оны ызына – хызматкәре берди-де отурды. Синагогадакыларың барының гөзи Оңа дикилди. 21Иса олара: «Сизиң эшиден бу мукаддес язгыңыз шу гүн берҗай болды» дийип, гүррүңе башлады. 22Хеммелер Исаны өвүп, Онуң агзындан чыкан аҗайып сөзлере хайран галып: «Бу Юсубың Оглы дәлми?» дийип сорадылар. 23Иса олара: «Сизиң Маңа: „Эй, лукман, илки өзүңе шыпа бер!“ диен накылы айтҗакдыгыңызы билип дурун. Сиз: „Капернаумда эден ишлериңи эшитдик. Олары шу ерде, Өз юрдуңда-да берҗай эт-дә“ диерсиңиз» дийди. 24Ол ене шейле дийди: «Сизе догрусыны айдярын, хич бир пыгамбер өз юрдунда кабул эдилмейәр. 25Сизе хакыкаты айдярын: Ылясың дөврүнде үч йыл алты айлап асмандан екеҗе дамҗа-да ягыш дамман, әхли юрда элхенч ачлык дүшенде, Ысрайылда көп дул аяллар барды. 26Эмма Ыляс оларың хич бириниң янына иберилмән, диңе Сидондакы Сарепат шәхеринде болан бир кесеки дул аялың янына иберилди. 27#2Пат 5:1-14.Шейле хем, Эляша пыгамбериң дөврүнде Ысрайылда дери кеселли көп адамлар барды. Эмма Эляша диңе сириялы кесеки Нагаманың янына иберилди ве ондан башга хич ким тәмиз болмады». 28Бу сөзлери эшиденлеринде, синагогадакыларың бары гахар-газаба мүнди. 29Олар аяга галып, Исаны шәхерден ковдулар. Насыра шәхери депеде ерлешйәрди. Олар Оны шол депәниң чүр башына чыкарып, ашак ташлаҗак болдулар. 30Эмма Иса оларың арасындан гечип, ол ерден чыкып гайтды.

Иса арвах-җыны ковяр

31Онсоң Иса Җелиләниң Капернаум шәхерине гелип, Сабат гүни халка өвретмәге башлады. 32Халк Онуң таглыматына хайран галды, себәби Ол ыгтыярлылык билен геплейәрди. 33Синагогада арвах-җын эелән бир адам барды. Ол батлы сес билен гыгырып: 34«Эй, насыралы Иса! Бизиң билен нәме ишиң бар? Бизи ёк этмәге гелдиңми? Мен Сениң кимдигиңи билйәрин, Сен Худайың Мукаддесисиң» дийип гыгырды. 35Иса арвах-җына кәйәп: «Сем бол! Бу адамдан чык!» дийип буйрук берди. Шонда арвах-җын ол адамы хеммелериң өңүнде ере йыкды-да, хич зыян етирмән, ондан чыкды. 36Хеммелер хайран галып, бири-бирлерине: «Бу нәхили сөз? Ол ыгтыяр хем гудрат билен арвах-җынлара буйрук берйәр. Олар хем чыкярлар» дийишдилер. 37Иса хакындакы хабар бу этрабың чар тарапына яйрады.

Иса көп хассалара шыпа берйәр

38Иса синагогадан чыкып, Симуның өйүне барды. Симуның гайыненесини гыздырып ятырды. Муңа Исадан көмек сорадылар. 39Иса онуң башуҗунда дуруп, гыззырма кәеди велин, онуң гыззырмасы айрылды. Ол аял дессине еринден турды-да, олара хызмат этмәге башлады. 40Гүн батанда, адамлар хер дүрли кеселлилери Исаның янына гетирдилер. Иса хем оларың хер бириниң үстүне элини гоюп шыпа берди. 41Көпүсинден арвах-җынлар: «Сен Худайың Оглусың!#4:41 Кәбир голязмаларда Сен Месихсиң! диен сөзлер хем бар.» дийип гыгырышып чыкярды. Эмма Иса олара кәйәп, геплемеклерине ёл бермейәрди, себәби олар Онуң Месихдигини билйәрдилер.

42Эртеси гүн даң атанда, Иса өйден чыкып, бир чола ере гитди. Халк хем Онуң гөзлегине чыкды. Олар Исаны тапанларында, Оны өз янларында алып галмага дырҗашдылар. 43Иса олара: «Мен Худайың Шалыгының Хош Хабарыны бейлеки шәхерлерде-де вагыз этмели, хут шонуң үчин хем иберилдим» дийди. 44Шейдип, Ол Яхудыяның#4:44 Яхудыяның – кәбир голязмаларда Җелиләниң. синагогаларында вагыз этмегини довам этдирди.

Currently Selected:

Лука 4: TukCyr16

Highlight

Copy