Гелип чыкыш 16

16-нҗы бап

Хаҗар ве Ысмайыл

1Ыбрамың аялы Серай оңа чага догруп бермеди. Серайың Хаҗар атлы мүсүрли бир гырнагы барды. 2Бир гүн Серай Ыбрама: «Серед-ә, Реб мени чага догурмакдан саклады. Сен мениң гырнагым билен ят. Белки, ол маңа чага догруп берер» дийди. Ыбрам Серайың сөзүне гулак асды. 3Шейдип, Серай мүсүрли гырнагы Хаҗары өз адамсы Ыбрама аяллыга берди. (Бу вака болуп геченде, Ыбрам Кенганда он йыл яшапды.)

4Ыбрам Хаҗар билен ятды ве Хаҗар гөврели болды. Хаҗар өзүниң гөврелидигини биленден соң, өз бикесине йигренч билен серетди. 5Серай Ыбрама: «Мениң мертебәмиң песелмегине сен себәп болдуң! Өз гырнагымы сениң гойнуңа берен мендирин. Ол өзүниң гөврелидигини билени бәри маңа йигренч билен середйәр. Икимизден хайсымызың мамладыгымызы, гой, Реб чөзсүн» дийди.

6Ыбрам Серая: «Гырнагың өз элиңде. Сен оңа ислән задыңы эт» дийди. Шунлукда, Серай Хаҗара җуда ёвуз дарашып уграды. Хаҗар ондан гачып гитди.

7-8Реббиң перишдеси Хаҗары чөл ичиндәки, Шур ёлундакы сув гөзбашындан тапды. Ол ондан: «Эй, Серайың гырнагы Хаҗар, ниреден гелип, нирә барярсың?» дийип сорады. Хаҗар: «Бикәм Серайдан гачып барярын» дийип җогап берди. 9Реббиң перишдеси Хаҗара: «Бикәң янына долан-да, оңа табын бол» дийди. 10Реббиң перишдеси сөзүни довам эдип, Хаҗара: «Сениң неслиңи шейле бир көпелдерин велин, хатда олары санап-да болмаз.

11Сен хәзир гөврели; сениң бир оглуң болар.

Сен онуң адына Ысмайыл дакарсың,

чүнки Реб сениң ахы-налаңы эшитди#16:11 Еврейче Ысмайыл ве Реб эшидйәр сөзлериниң айдылышы меңзешдир..

12Ол гулан ялы бир адам болар.

Ол хер кесе, хер кес хем оңа гаршы болар.

Ол өз доганларының хич бири билен оңушмаз».

13«Мен, хакыкатдан-да, өзүме үнс берйән Худайы гөрдүм» дийип, Хаҗар өзи билен геплешен Ребби «Гөрйән Худай» дийип атландырды. 14Шоңа гөрә-де Кадеш билен Бередиң арасындакы ол гуйы «Беер-лахайрой»#16:14 Беер-лахайрой – бу сөзлер маңа үнс берйән Дириниң гуюсы диймеги аңладяр. дийип атландырыландыр.

15Хаҗар Ыбрама бир огул догруп берди. Ыбрам оглуның адына Ысмайыл дакды. 16Хаҗар Ысмайылы догранда, Ыбрам сегсен алты яшындады.

Currently Selected:

Гелип чыкыш 16: TukCyr16

Highlight

Copy