Мүсүрден чыкыш Гириш
Гириш
Мүсүрден чыкыш китабында Ысрайылың тарыхындакы иң ваҗып вака беян эдилйәр. Бу китапда ысрайыл халкының гул болуп яшан юрды Мүсүрден чыкып гайдышы гүррүң берилйәр. Китап үч бөлүмден ыбарат:
1) Муса пыгамбериң чагырылмагы ве еврейлериң гулчулыкдан азат эдилмеги (1 – 13 нҗи баплар). Худай Муса пыгамбере янып дуран чалыда гөрнүп, оны чагыряр. Худай Өзүни оңа Яхве, ягны Мендирин ады билен аян эдйәр (Мср 3:14-15). Бу ат Көне Әхт китабында Худайың иң мөхүм ады болуп, ол көпленч «Реб» дийип терҗиме эдилди. Муса пыгамбер Худайың буйругына гөрә фараондан ысрайыл халкыны азат этмеги талап эдйәр. Эмма фараон ондан боюн товландан соң, Реб Мүсүриң башына он саны бетбагтчылык гетирмеги Муса табшыряр. Ахырсоңы, фараон ысрайыллара Мүсүрден гитмәге ругсат берйәр.
2) Ысрайылларың Синай дагына йөриши (14 – 18 нҗи баплар). Фараон ысрайыллары азат этмек пикиринден дәнип, өз гошунына олары ызына гайтармагы буюряр. Эмма Реб ысрайыллары горап, Мүсүр гошуныны вейран эдйәр. Ысрайыл халкы болса чөлүң ичи билен ёлуны довам этдирйәр. Реб олары азык хем сув билен үпҗүн эдйәр.
3) Синай дагында Худайың Өз халкы ысрайыл билен эден әхти. Худай ысрайыллара яшайыш үчин ахлак, дини канунлары ве раят хукукларыны берйәр. Шейле хем Худай Ысрайыла ыбадт өйүниң гурлушыгы ве энҗамлашдырылышы, руханылар ве оларың Ребби Худая ыбадат этмек барадакы канунлары берйәр (19 – 40-нҗы баплар).
Китабың баш гахрыманы Муса пыгамбердир. Ол Худайың халкыны Мүсүрден алып чыкмак үчин Реб тарапындан сайланыляр. Китабың йигриминҗи бабында беян эдилйән Он табшырык онуң иң мешхур бөлүмидир (20:1-17).
Мазмуны
Мүсүр гулчулыгы 1:1-22
Муса пыгамбериң доглушы ве яшлык дөври 2:1–4:31
Муса ве Харун Мүсүр фараонының өңүнде 5:1–11:10
Песах ве Мүсүрден чыкыш 12:1–15:21
Гызыл деңизден Синай дагына тарап йөриш 15:22–18:27
Канун ве Әхт 19:1–24:18
Мукаддес чадыр ве сежде этмек үчин дүзгүнлер 25:1–40:38
Currently Selected:
Мүсүрден чыкыш Гириш: TukCyr16
Highlight
Share
Copy
Want to have your highlights saved across all your devices? Sign up or sign in
© Мукаддес Китап Терҗиме Институты, 2016