Injil 2: Markus Forisiti
Forisiti
Markus namor sifarar mul talim oilo, Hozrot Isa al-Mosir ḳamor ḳemota. Alla Pake tanre ḳemota disoin, Iblis-Shoytanor hoḳol laḳan ḳemota ar bol-shoktir ufre. Tan ḳemota asil bemari oḳlor bemar bala ḳora, zin-but ḳedani, prokriti mani haoa-batash ar foyda ḳora hoḳoltar ufre, ar hayat-moutor ufre-o. Allae tanre ou ḳemota-o disoin, zera touba ḳoria tan ufre iman ane, tain erar guna maf ḳorta faroin.
Markus sifarar 10 ruku 45 ayato Hozrot Isae ḳoira, “Mono rakio, ami bin-Adom kezmot faoat aisi na, aisi to kezmot ḳorat. Ar bout manshor zan basanir lagi nizor zan bilai deoat aisi.”
Leḳok forisiti ar shomoy
Alla Pakor hukume ou sifara leḳsoin, Hozrot Isa al-Mosir sahabi Hozrot Fitoror (ra:) ḳadim Hozrot Markus (ro:). Itihash taki zana mote, Hozrot Markuse Allar hukum faia tan ustad Hozrot Fitoror muk taki boyani hunia ou sifara leḳsoin. Hozrot Isae behesto toshrif neoar onuman 20-30 bosoror maze ikan kitab aḳare leḳa oise.
Ermaze ase,
(1) Hozrot Isae ḳelafoti faila 1:1-13 ayat
(2) Galil zilat Hozrot Isar muzeza ar toblig 1:14—7:23
(3) Galil zilar bare Hozrot Isar muzeza 7:24—10:52
(4) Zeruzalem ṭauno Hozrot Isa 11—13 ruku
(5) Hozrot Isar duk-koshṭo ar mout 14—15 ruku
(6) Mout bade zinda oila Hozrot Isa 16 ruku
Currently Selected:
Injil 2: Markus Forisiti: sylL
Highlight
Share
Copy
Want to have your highlights saved across all your devices? Sign up or sign in
© Ahle Kitab Society. All rights reserved.