তৌরাত ১: পয়দা নামা 5
5
হজরত আদম (আঃ) অর খান্দান-নামা
1ইতা অইলো আদমর খান্দানর কলমবন্দি বয়ান। মানুষ পয়দা করার সময় আল্লায় তান নিজর ছুরতে পয়দা করলা। 2পয়দা করলা বেটা আর বেটি, আর তারারে মাবুদে বরকত দিলা, পয়দা করিয়া নাম রাখলা আদম।
3আদমর একশো তিশ বরছ বয়সো তান লগে মিল রাখিয়া তান ছুরতে এক পুয়া অইলো। তাইন এর নাম রাখলা শিস। 4শিসর জনমর বাদে আদম আরো আটশো বরছ বাচলা, এর মাজে তান আরো পুয়া-পুড়িন অইছিল। 5মোট নয়শো তিশ বরছ জিন্দা থাকার বাদে আদম মারা গেলা।
6শিসর একশো পাচ বরছ বয়সো তান পুয়া আনুশর জনম অইলো। 7আনুশর জন্মর বাদে শিস আরো আটশো সাত বরছ বাচলা। এর মাজে তান আরো পুয়া-পুড়ি অইছিল। 8মোট নয়শো বারো বরছ বাচার বাদে শিস মারা গেলা।
9আনুশর নব্বই বরছ বয়সো তান পুয়া কিনানর জনম অইলো। 10কিনানর জন্মর বাদে আনুশ আরো আটশো পনরো বরছ বাচলা। এর মাজে তান আরো পুয়া-পুড়ি অইছিল। 11মোট নয়শো পাচ বরছ বাচার বাদে আনুশ মারা গেলা।
12কিনানর সত্তইর বরছ বয়সো তান পুয়া মাহলাইলর জনম অইলো। 13মাহলাইলর জন্মর বাদে কিনান আরো আটশো চাল্লিশ বরছ বাচলা। এর মাজে তান আরো পুয়া-পুড়ি অইছিল। 14মোট নয়শো দশ বরছ বাচার বাদে কিনান মারা গেলা।
15মাহলাইলর পয়ষট্টি বরছ বয়সো তান পুয়া ইয়ারেদর জনম অইলো। 16ইয়ারেদর জন্মর বাদে মাহলাইল আরো আটশো তিশ বরছ বাচলা। এর মাজে তান আরো পুয়া-পুড়ি অইছিল। 17মোট আটশো পচানব্বই বরছ বাচার বাদে মাহলাইল মারা গেলা।
18ইয়ারেদর একশো বাষট্টি বরছ বয়সো তান পুয়া ইদ্রিছর জনম অইলো। 19ইদ্রিছর জন্মর বাদে ইয়ারেদ আরো আটশো বরছ বাচলা, এর মাজে তান আরো পুয়া-পুড়ি অইছিল। 20মোট নয়শো বাষট্টি বরছ বাচার বাদে ইয়ারেদ মারা গেলা।
21ইদ্রিছর পয়ষট্টি বরছ বয়সো তান পুয়া মাতুশালাখর জনম অইলো। 22মাতুশালাখর জন্মর বাদে তিনশো বরছ পর্যন্ত, আল্লার লগে ইদ্রিছর খাছ দিদার আছিল। এর মাজে তান আরো পুয়া-পুড়ি অইছিল। 23ইদ্রিছ মোট তিনশো পয়ষট্টি বরছ দুনিয়াইত আছলা। 24এরবাদে তানে আর দেখা গেল না। আল্লার লগে তান খাছ দিদার আছিল গতিকে আল্লায় তানরে জিন্দা হালতে নিজর গেছে নিলাগি।
25মাতুশালাখর একশো সাতাশি বরছ বয়সো তান পুয়া লামাকর জনম অইলো। 26লামাকর জন্মর বাদে মাতুশালাখ আরো সাতশো বিরাশি বরছ বাচলা। এর মাজে তান আরো পুয়া-পুড়ি অইছিল। 27মোট নয়শো উনুসত্তইর বরছ বাচার বাদে মাতুশালাখ মারা গেলা।
28লামাকর একশো বিরাশি বরছ বয়সো তান এক পুয়া অইলো। 29তাইন এর নাম রাখলা নুহ#5:29 মানি, আরাম আর কইলা, “হে আমরার আতর ই দুখ-মছিবতর কাম থাকি, মাবুদর লান্নতি জমিন থাকি অখন আরাম দিবো।” 30নুহর জন্মর বাদে লামাক আরো পাচশো পচানব্বই বরছ বাচলা, এর মাজে তান আরো পুয়া-পুড়ি অইছিল। 31মোট সাতশো সাতত্তইর বরছ বাচার বাদে লামাক মারা গেলা।
32নুহর পাচশো বরছ বয়সর বাদে তান পুয়াইন সাম, হাম আর ইয়াফেতর জনম অইলো।
Currently Selected:
তৌরাত ১: পয়দা নামা 5: sylB
Highlight
Share
Copy
Want to have your highlights saved across all your devices? Sign up or sign in
© Ahle Kitab Society. All rights reserved.