ꠎꠛꠥꠞ ꠡꠞꠤꠚ 99
99
ꠀꠟ-ꠎꠛꠥꠞ ৯৯
1ꠝꠣꠛꠥꠖꠦ ꠛꠣꠖꠡꠣꠁ ꠇꠞꠂꠘ, ꠎꠣꠔꠤ ꠅꠇꠟ ꠇꠣꠙꠃꠇ,
ꠖꠥꠁꠅ ꠇꠣꠞꠥꠛꠤꠝꠞ ꠝꠣꠎꠦ ꠔꠣꠘ ꠀꠡꠘ, ꠖꠥꠘꠤꠀꠄ ꠕꠞꠕꠞ ꠇꠞꠃꠇ।
2ꠙꠛꠤꠔ꠆ꠞ ꠍꠤꠅꠘ ꠘꠉꠞꠤꠞ ꠝꠣꠎꠦ ꠝꠣꠛꠥꠖꠃ ꠝꠢꠣꠘ,
ꠢꠇꠟ ꠎꠣꠔꠤꠞ ꠃꠙꠞꠦ ꠔꠣꠘ ꠁꠎ꠆ꠎꠔ-ꠡꠝ꠆ꠝꠣꠘ।
3ꠔꠣꠞꠣ ꠇꠞꠃꠇ ꠔꠥꠝꠣꠞ ꠉꠥꠘꠉꠣꠘ,
ꠝꠢꠣꠘ ꠀꠞ ꠜꠄꠅꠋꠇꠞ ꠔꠥꠝꠣꠞ ꠘꠣꠝ,
ꠔꠣꠞꠣ ꠇꠃꠇ, ꠝꠢꠣ ꠙꠛꠤꠔ꠆ꠞ ꠔꠣꠁꠘ।
4ꠅ ꠛꠟꠀꠟꠣ ꠛꠣꠖꠡꠣ, ꠢꠇ ꠛꠤꠌꠣꠞꠞꠦ ꠜꠣꠟꠣ ꠙꠣꠅ ꠔꠥꠝꠤ,
ꠢꠇ-ꠢꠣꠟꠣꠟꠤ ꠉꠣꠕꠤꠍ ꠔ ꠝꠎꠛꠥꠔ ꠇꠞꠤ,
ꠁꠀꠇꠥꠛꠞ ꠛꠋꠡꠔ ꠛꠅꠀꠁꠟ ꠇꠞꠍ ꠢꠇ ꠛꠤꠌꠣꠞ ꠀꠞ ꠙꠞꠦꠎꠉꠣꠞꠤ।
5ꠀꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠞ ꠔꠣꠞꠤꠚ ꠇꠞꠅ,
ꠍꠁꠎꠖꠣ ꠇꠞꠅ ꠔꠣꠘ ꠇꠖꠝ ꠝꠥꠛꠣꠞꠇꠅ,
ꠇꠅ, ꠝꠢꠣ ꠙꠛꠤꠔ꠆ꠞ ꠔꠣꠁꠘ।
6ꠝꠥꠍꠣ ꠀꠞ ꠢꠣꠞꠥꠘ ꠀꠍꠟꠣ ꠔꠣꠘ ꠁꠝꠣꠝꠔꠤꠞ ꠇꠣꠝꠅ,
ꠡꠣꠝꠥꠄꠟ ꠘꠛꠤꠅ ꠞꠁꠔꠣ ꠔꠣꠘ ꠖꠥꠀ-ꠝꠥꠘꠣꠎꠣꠔꠅ,
ꠎꠥꠀꠙ ꠙꠣꠁꠔꠣ ꠔꠣꠞꠣ ꠒꠣꠇꠤꠟꠦ ꠝꠣꠛꠥꠖꠞ ꠖꠞꠛꠣꠞꠅ।
7ꠝꠦꠊꠞ ꠈꠥꠐꠤꠔ ꠞꠁꠀ ꠔꠣꠁꠘ ꠝꠣꠔꠤꠔꠣ ꠔꠣꠞꠣꠞ ꠟꠉꠦ,
ꠔꠣꠘ ꠇꠣꠟꠣꠝ ꠝꠣꠘꠤꠀ ꠔꠣꠞꠣ ꠌꠟꠔꠣ ꠔꠣꠘ ꠢꠥꠇꠥꠝꠦ।
8ꠅ ꠀꠟ꠆ꠟꠣ ꠀꠝꠞꠣꠞ ꠝꠣꠛꠥꠖ, ꠔꠣꠞꠣꠞ ꠝꠤꠘꠔꠤ ꠔꠥꠝꠤ ꠢꠥꠘꠔꠣꠄ,
ꠔꠣꠞꠣꠞ ꠇꠍꠥꠞꠤꠞ ꠛꠖꠟꠣ ꠖꠤꠟꠦꠅ ꠔꠥꠝꠤ ꠀꠟ꠆ꠟꠣꠄ ꠝꠣꠚꠤ ꠖꠤꠔꠣꠄ।
9ꠀꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠞ ꠔꠣꠞꠤꠚ ꠇꠞꠅ,
ꠍꠁꠎꠖꠣ ꠇꠞꠅ ꠔꠣꠘ ꠙꠛꠤꠔ꠆ꠞ ꠙꠣꠠꠅ,
ꠀꠝꠞꠣꠞ ꠝꠣꠛꠥꠖ ꠀꠟ꠆ꠟꠣ ꠔ ꠙꠣꠇ-ꠙꠛꠤꠔ꠆ꠞ॥
Currently Selected:
ꠎꠛꠥꠞ ꠡꠞꠤꠚ 99: sylN
Highlight
Share
Copy
Want to have your highlights saved across all your devices? Sign up or sign in
© Ahle Kitab Society. All rights reserved.
