ꠔꠃꠞꠣꠔ ১: ꠙꠄꠖꠣ ꠘꠣꠝꠣ 4
4
ꠢꠣꠛꠤꠟ-ꠇꠣꠛꠤꠟ
1ꠀꠖꠝꠦ ꠔꠣꠘ ꠛꠤꠛꠤ ꠢꠣꠅꠀꠞ ꠟꠉꠦ ꠝꠤꠟꠣꠞ ꠛꠣꠖꠦ ꠔꠣꠘ ꠙꠦꠐꠅ ꠢꠥꠞꠥꠔ꠆ꠔꠣ ꠀꠁꠟ, ꠀꠞ ꠇꠣꠛꠤꠟ#4:1 ꠝꠣꠘꠤ, ꠇꠛꠥꠟ ꠘꠣꠝꠦ ꠔꠣꠘ ꠄꠇ ꠙꠥꠀꠞ ꠎꠘꠝ ꠅꠁꠟ। ꠔꠦꠃ ꠛꠤꠛꠤ ꠢꠣꠅꠀꠄ ꠇꠁꠟꠣ, “ꠝꠣꠛꠥꠖꠞ ꠉꠦꠍ ꠕꠘꠦ ꠀꠝꠤ ꠄꠇ ꠝꠣꠘꠥꠡ ꠇꠛꠥꠟ ꠇꠞꠍꠤ।” 2ꠢꠤꠞꠛꠣꠞ ꠔꠣꠘ ꠊꠞꠅ ꠇꠣꠛꠤꠟꠞ ꠜꠣꠁ ꠢꠣꠛꠤꠟꠞ#4:2 ꠢꠣꠛꠤꠟ ꠝꠣꠘꠤ, ꠛꠦꠇꠣꠝꠣ ꠎꠘꠝ ꠅꠁꠟ। ꠢꠣꠛꠤꠟꠦ ꠍꠣꠉꠟ-ꠝꠦꠠꠣ ꠞꠣꠈꠔ, ꠀꠞ ꠇꠣꠛꠤꠟꠦ ꠈꠦꠔ ꠇꠞꠔ। 3ꠛꠣꠖꠦ ꠄꠇꠖꠤꠘ ꠇꠣꠛꠤꠟꠦ ꠝꠣꠛꠥꠖꠞ ꠉꠦꠍꠦ ꠔꠣꠞ ꠈꠦꠔꠞ ꠚꠄ-ꠚꠡꠟ ꠀꠘꠤꠀ ꠟꠤꠟ꠆ꠟꠣ ꠖꠤꠟ 4ꠀꠞ ꠢꠣꠛꠤꠟꠦꠅ ꠔꠣꠞ ꠙꠣꠟꠞ ꠝꠣꠎꠦ ꠙꠄꠟꠣ ꠎꠘꠝꠤꠍꠦ ꠅꠃꠟꠣ ꠇꠄꠐꠣ ꠍꠣꠉꠟ-ꠝꠦꠠꠣ ꠎꠛ ꠇꠞꠤꠀ ꠌꠞ꠆ꠛꠤꠀꠟꠣ ꠅꠋꠡ ꠟꠤꠟ꠆ꠟꠣ ꠖꠤꠟ। ꠝꠣꠛꠥꠖꠦ ꠢꠣꠛꠤꠟ ꠀꠞ ꠔꠣꠞ ꠟꠤꠟ꠆ꠟꠣ ꠇꠛꠥꠟ ꠇꠞꠟꠣ, 5ꠇꠣꠛꠤꠟ ꠀꠞ ꠔꠣꠞ ꠟꠤꠟ꠆ꠟꠣ ꠇꠛꠥꠟ ꠇꠞꠟꠣ ꠘꠣ, ꠉꠔꠤꠇꠦ ꠢꠦ ꠈꠥꠛ ꠉꠥꠍꠣ ꠇꠞꠤꠀ ꠝꠥꠈ ꠇꠣꠟꠣ ꠇꠞꠟ। 6ꠝꠣꠛꠥꠖꠦ ꠇꠣꠛꠤꠟꠞꠦ ꠇꠁꠟꠣ, “ꠔꠥꠝꠤ ꠉꠥꠍꠣ ꠇꠞꠞꠣꠄ ꠇꠦꠘꠦ, ꠀꠞ ꠇꠤꠔꠣꠞ ꠟꠣꠉꠤ ꠔꠥꠝꠤ ꠝꠥꠈ ꠇꠣꠟꠣ ꠇꠞꠍ? 7ꠔꠥꠝꠤ ꠜꠣꠟꠣ ꠇꠣꠝ ꠇꠞꠟꠦ ꠔꠥꠝꠣꠞ ꠝꠥꠈ ꠚꠞ ꠅꠁꠟ ꠅꠘꠦ? ꠀꠞ ꠘꠣ ꠇꠞꠟꠦ ꠔ ꠉꠥꠘꠣꠄ ꠔꠥꠝꠣꠞꠦ ꠗꠞꠣꠞ ꠟꠣꠉꠤ ꠔꠥꠝꠣꠞ ꠖꠥꠀꠞꠅ ꠃꠛꠣꠁ ꠞꠁꠍꠦ। ꠁꠉꠥꠞ ꠃꠙꠞꠦ ꠔꠥꠝꠤ ꠎꠤꠔꠔꠦ ꠅꠁꠛ।”
8ꠛꠣꠖꠦ ꠇꠣꠛꠤꠟꠦ ꠔꠣꠞ ꠜꠣꠁ ꠢꠣꠛꠤꠟꠞꠦ ꠒꠣꠇꠤꠀ ꠇꠁꠟ, “ꠀꠅ ꠀꠝꠞꠣ ꠛꠘ꠆ꠖꠅ ꠎꠣꠁ।” ꠀꠞ ꠛꠘ꠆ꠖꠅ ꠉꠤꠀ ꠔꠣꠞ ꠜꠣꠁ ꠢꠣꠛꠤꠟꠞ ꠃꠙꠞꠦ ꠀꠈꠔꠣ ꠢꠣꠝꠟꠣ ꠇꠞꠤꠀ ꠈꠥꠘ ꠇꠞꠟ। 9ꠢꠦꠡꠦ ꠝꠣꠛꠥꠖꠦ ꠇꠣꠛꠤꠟꠞꠦ ꠎꠤꠇꠣꠁꠟꠣ, “ꠔꠥꠝꠣꠞ ꠜꠣꠁ ꠇꠥꠀꠁ?” ꠇꠣꠛꠤꠟꠦ ꠇꠁꠟ, “ꠀꠝꠤ ꠎꠣꠘꠤ ꠘꠣ, ꠀꠝꠣꠞ ꠜꠣꠁꠞꠦ ꠀꠝꠤ ꠖꠦꠈꠣ-ꠢꠥꠘꠣ ꠇꠞꠤ ꠘꠤ?” 10ꠔꠦꠃ ꠝꠣꠛꠥꠖꠦ ꠇꠁꠟꠣ, “ꠔꠥꠝꠤ ꠁꠔꠣ ꠇꠤꠔꠣ ꠇꠞꠟꠣꠄ? ꠖꠦꠈꠅ, ꠎꠝꠤꠘ ꠕꠣꠇꠤ ꠔꠥꠝꠣꠞ ꠜꠣꠁꠞ ꠟꠃꠄ ꠀꠝꠣꠞ ꠉꠦꠍꠦ ꠚꠞꠤꠀꠖ ꠇꠞꠦꠞ। 11ꠎꠝꠤꠘꠦ ꠎꠦꠛꠟꠣ ꠔꠥꠝꠣꠞ ꠇꠣꠞꠘꠦ ꠔꠥꠝꠣꠞ ꠜꠣꠁꠞ ꠟꠃ ꠈꠣꠁꠟ, ꠅꠃ ꠡꠝꠄ ꠔꠥꠝꠤ ꠟꠣꠘ꠆ꠘꠔꠤ ꠅꠁꠀ ꠎꠝꠤꠘ ꠕꠣꠇꠤ ꠈꠦꠖꠣꠁꠟ ꠅꠁꠟꠣꠄ। 12ꠔꠥꠝꠤ ꠎꠦꠛꠟꠣ ꠎꠝꠤꠘꠅ ꠈꠦꠔ ꠇꠞꠛꠣꠄ, ꠎꠝꠤꠘꠦ ꠀꠞ ꠔꠥꠝꠣꠞꠦ ꠚꠡꠟ ꠖꠤꠔ ꠘꠣꠄ। ꠔꠥꠝꠤ ꠛꠂꠔꠟ ꠅꠁꠀ ꠖꠥꠘꠤꠀꠁ ꠎꠥꠠꠤ ꠊꠥꠞꠛꠣꠄ।” 13ꠔꠦꠃ ꠇꠣꠛꠤꠟꠦ ꠝꠣꠛꠥꠖꠞꠦ ꠇꠁꠟ, “ꠁ ꠡꠣꠡ꠆ꠔꠤ ꠀꠝꠣꠞ ꠀꠋꠉꠣꠎ ꠅꠁꠔ ꠘꠣꠄ। 14ꠀꠁꠎ ꠔꠥꠝꠤ ꠀꠝꠣꠞꠦ ꠎꠝꠤꠘ ꠕꠣꠇꠤ ꠈꠦꠖꠣꠁ ꠖꠤꠞꠣꠄ, ꠀꠝꠤ ꠔꠥꠝꠣꠞ ꠍꠣꠝꠘꠦ ꠕꠘꠦ ꠢꠞꠤ ꠎꠣꠁꠝꠥꠉꠤ। ꠀꠞ ꠛꠂꠔꠟ ꠅꠁꠀ ꠎꠦꠛꠟꠣ ꠀꠝꠤ ꠖꠥꠘꠤꠀꠁꠔ ꠊꠥꠞꠝꠥ, ꠅꠃ ꠡꠝꠄ ꠎꠣꠞ ꠍꠣꠝꠘꠦꠃ ꠀꠝꠤ ꠙꠠꠝꠥ, ꠢꠦ-ꠃ ꠀꠝꠣꠞꠦ ꠈꠥꠘ ꠇꠞꠛ।” 15ꠝꠣꠛꠥꠖꠦ ꠔꠣꠞꠦ ꠇꠁꠟꠣ, “ꠔꠦ ꠔꠥꠝꠣꠞꠦ ꠎꠦ ꠈꠥꠘ ꠇꠞꠛ, ꠔꠣꠞ ꠃꠙꠞꠦ ꠀꠝꠤ ꠡꠣꠔꠉꠥꠘ ꠛꠖꠟꠣ ꠟꠁꠝꠥ।” ꠅꠃ ꠇꠕꠣ ꠇꠁꠀ ꠝꠣꠛꠥꠖꠦ ꠇꠣꠛꠤꠟꠞꠦ ꠄꠇꠐꠣ ꠌꠤꠘ꠆ꠘꠔ ꠖꠤꠟꠣ, ꠎꠣꠔꠦ ꠇꠦꠃ ꠔꠣꠞꠦ ꠀꠔꠅ ꠙꠣꠁꠀꠅ ꠘꠣ ꠝꠣꠞꠦ। 16ꠄꠞꠛꠣꠖꠦ ꠇꠣꠛꠤꠟ ꠝꠣꠛꠥꠖꠞ ꠍꠣꠝꠘ ꠕꠣꠇꠤ ꠢꠞꠤꠀ ꠀꠖꠣꠘꠞ ꠙꠥꠛꠦꠖꠤ ꠘꠥꠖ [ꠝꠣꠘꠤ, ꠊꠥꠞꠣ-ꠚꠤꠞꠣ] ꠖꠦꠡꠅ ꠉꠦꠟꠉꠤ।
ꠇꠣꠞꠤꠉꠞꠤ ꠇꠣꠝ ꠀꠞ ꠗꠞ꠆ꠝ-ꠇꠞ꠆ꠝ ꠡꠥꠞꠥ
17ꠀꠞ ꠇꠣꠛꠤꠟ ꠔꠣꠞ ꠛꠃꠞ ꠟꠉꠦ ꠝꠤꠟꠣꠄ ꠔꠣꠁꠞ ꠙꠦꠐꠅ ꠢꠥꠞꠥꠔ꠆ꠔꠣ ꠀꠁꠟ, ꠀꠞ ꠢꠘꠥꠇꠞ ꠎꠘꠝ ꠅꠁꠟ। ꠇꠣꠛꠤꠟꠦ ꠄꠇꠐꠣ ꠐꠣꠃꠘ ꠛꠣꠘꠣꠁꠀ ꠔꠣꠞ ꠙꠥꠀꠞ ꠘꠣꠝꠦ ꠐꠣꠃꠘꠞ ꠘꠣꠝ ꠞꠣꠈꠟ ꠢꠘꠥꠇ। 18ꠢꠘꠥꠇꠞ ꠙꠥꠀ ꠁꠞꠖ, ꠁꠞꠖꠞ ꠙꠥꠀ ꠝꠢꠥꠀꠁꠄꠟ, ꠝꠢꠥꠀꠁꠄꠟꠞ ꠙꠥꠀ ꠝꠕꠥꠡꠣꠁꠄꠟ, ꠝꠕꠥꠡꠣꠁꠄꠟꠞ ꠙꠥꠀ ꠟꠦꠝꠇ। 19ꠟꠦꠝꠇꠦ ꠖꠥꠁ ꠛꠤꠀ ꠇꠞꠍꠟꠣ, ꠄꠇ ꠛꠃꠞ ꠘꠣꠝ ꠀꠖꠣ, ꠀꠞꠇ ꠛꠃꠞ ꠘꠣꠝ ꠡꠤꠟ꠆ꠟꠣ। 20ꠀꠖꠣꠞ ꠊꠞꠅ ꠎꠣꠛꠟꠞ ꠎꠘꠝ ꠅꠁꠟ, ꠎꠣꠞꠣ ꠔꠣꠝ꠆ꠛꠥꠔ ꠕꠣꠇꠦ ꠀꠞ ꠙꠡꠥ ꠙꠣꠟꠦ, ꠅꠃ ꠎꠣꠛꠟ ꠔꠣꠞꠣꠞ ꠝꠥꠟ ꠛꠣꠚ। 21ꠎꠣꠛꠟꠞ ꠜꠣꠁꠞ ꠘꠣꠝ ꠎꠥꠛꠟ। ꠎꠣꠞꠣ ꠛꠣꠡꠤ ꠀꠞ ꠛꠤꠘ ꠛꠣꠎꠣꠄ, ꠅꠃ ꠎꠥꠛꠟ ꠔꠣꠞꠣꠞ ꠝꠥꠟ ꠛꠣꠚ। 22ꠡꠤꠟ꠆ꠟꠣꠞ ꠙꠦꠐꠅ ꠔꠥꠛꠟ-ꠇꠣꠛꠤꠟꠞ ꠎꠘꠝ ꠅꠁꠟ। ꠙꠤꠔꠟ ꠀꠞ ꠟꠥꠀꠞ ꠀꠔꠤꠀꠞ ꠛꠣꠘꠣꠘꠤ ꠀꠍꠤꠟ ꠔꠣꠞ ꠇꠣꠝ। ꠔꠣꠞ ꠛꠁꠘꠞ ꠘꠣꠝ ꠘꠣꠁꠄꠝꠣ।
23ꠄꠇꠖꠤꠘ ꠟꠦꠝꠇꠦ ꠔꠣꠞ ꠖꠥꠁ ꠛꠃꠞꠦ ꠇꠁꠟ,
“ꠅ ꠀꠖꠣ ꠀꠞ ꠡꠤꠟ꠆ꠟꠣ, ꠀꠝꠣꠞ ꠇꠕꠣ ꠢꠥꠘ,
ꠟꠦꠝꠇꠞ ꠛꠤꠛꠤꠘ, ꠀꠝꠣꠞ ꠇꠕꠣꠄ ꠖꠦꠅ ꠇꠣꠘ।
ꠎꠦ ꠛꠦꠐꠣꠄ ꠀꠝꠣꠞꠦ ꠇꠞꠤꠟ ꠎꠈꠝ,
ꠎꠦ ꠛꠦꠐꠣꠄ ꠀꠝꠣꠞ ꠉꠣꠔ ꠔꠥꠟꠟ ꠀꠔ,
ꠢꠦꠞꠦ ꠀꠝꠤ ꠇꠞꠤꠟꠣꠝ ꠘꠤꠙꠣꠔ।
24ꠇꠣꠛꠤꠟꠞ ꠈꠥꠘꠞ ꠛꠖꠟꠣ ꠎꠥꠖꠤ ꠡꠣꠔ ꠉꠥꠘ ꠅꠄ,
ꠟꠦꠝꠇꠞ ꠛꠖꠟꠣ ꠡꠣꠔꠔ꠆ꠔꠁꠞ ꠉꠥꠘ ꠘꠤꠌ꠆ꠌꠄ।”
25ꠄꠞꠝꠣꠎꠦ ꠀꠖꠝꠦ ꠢꠤꠞꠛꠣꠞ ꠔꠣꠘ ꠛꠃꠞ ꠟꠉꠦ ꠝꠤꠟꠣꠄ, ꠔꠣꠘ ꠙꠦꠐꠅ ꠀꠞꠇ ꠙꠥꠀ ꠅꠁꠟ, ꠢꠣꠅꠀꠄ ꠔꠣꠞ ꠘꠣꠝ ꠞꠣꠈꠟꠣ ꠡꠤꠡ#4:25 ꠝꠣꠘꠤ, ꠎꠥꠉꠣꠁ ꠖꠦꠅꠀ । ꠔꠣꠁꠘ ꠇꠁꠟꠣ, “ꠇꠣꠛꠤꠟꠦ ꠢꠣꠛꠤꠟꠞꠦ ꠈꠥꠘ ꠇꠞꠍꠦ ꠇꠞꠤ ꠀꠟ꠆ꠟꠣꠄ ꠢꠣꠛꠤꠟꠞ ꠛꠖꠟꠣ ꠀꠝꠣꠞꠦ ꠄꠇ ꠌꠦꠞꠣꠉ ꠎꠥꠉꠣꠁ ꠖꠤꠍꠂꠘ।” 26ꠛꠣꠖꠦ ꠡꠤꠡꠞꠅ ꠄꠇ ꠙꠥꠀ ꠅꠁꠟ, ꠢꠦ ꠔꠣꠞ ꠘꠣꠝ ꠞꠣꠈꠟ ꠀꠘꠥꠡ, ꠅꠃ ꠡꠝꠄ ꠕꠘꠦ ꠝꠣꠘꠡꠦ ꠝꠣꠛꠥꠖꠞ ꠘꠣꠝ ꠟꠅꠀ ꠡꠥꠞꠥ ꠇꠞꠟꠣ।
Currently Selected:
ꠔꠃꠞꠣꠔ ১: ꠙꠄꠖꠣ ꠘꠣꠝꠣ 4: sylN
Highlight
Share
Copy
Want to have your highlights saved across all your devices? Sign up or sign in
© Ahle Kitab Society. All rights reserved.
