Sam 26
26
Sam Kranzpnu-li-nrade-esz'mz (26)
O-zli-zvzx Nzti Kxtubq
Nabz ne Devet.
1Yawe, pipxbz kx ninge ncblo kx nabzde lq.
Murde o-zli-zvzx nzti kxtubq,
X abrtr-zvzbo drtwrnge bam.
2Obqtr angidr mz nabznge,
X mc kxmu nzvzkr nqmq nr drtwrnge.
3Murde nivz lrm rtwayz-zvzm bange,
X nzaodu-krm mailz-zpwxle ninge.
4Traodu-lzbqkru badr leplz kxnztrkang.
X trabrtzlvzwxu kxnzpokiang.
5Pxtxpx-ngrne nzngi-te-krgr badr kxnzaleng alwx.
X drtqnge sa nzmnc-krgr badr kxdrka'-ngrng.
6Yawe, ycpqx mqnge mz nzvz-nqblq-krnge Loukxtr scm, murde natubqbo mz nzobq-krm,
X naprtrpo mz leplz nemqng mz nzvz-ngale-krgr olta nyzm.
7X ngr-ngrgr nabz ngr nzawingr
Mz nzale-krm da kxmrlzvxiting.
8Mrlzm bange Mangr-nzangiongr nim,
Mrkc tzmcngr nzmyalz-krm.
9-10Mz nzmilxtxo-krm leplz kcng tztakitrdr nzayrplapxngr,
Bzkq apusr-ngrn ninge kxnzaleng alwx, x kxnzrnibqng,
X kxdrka'-ngrng kcng tzrtwz-zvzng dalr nzamcti-rbrngr,
11 Murde o-zli-zvzx nzti kxtubq.
Ycngr mz drtwrm x arlapx ninge.
12X sa naglqlz-ngrne nim mz mzlir leplz nemqng
Murde tu-zvzme mz nibrnge x tubqbo mz nzobq-krm.
Currently Selected:
Sam 26: ntu
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
