Саалтыр 29
29
1Давид псалома. Храм сибэтии буолбут күнүгэр ылламмыт ырыа.
2Уруйдуом Эйигин, Айыы Тойон, миигин өрүһүйбүтүҥ иһин,
өстөөхтөрбүн үрдүбэр үҥкүүлэппэтэҕиҥ иһин.
3 Айыы Тойон Таҥарам, Эйигиттэн көмө көрдөөбүппэр,
Эн миигин үтүөртүҥ;
4 Айыы Тойон, мин дууһабын Эн үтүгэн түгэҕиттэн таһаардыҥ,
ииҥҥэ түспэтим туһугар, миигин тыыннаах хааллардыҥ.
5Ыллааҥ Айыы Тойоҥҥо, итэҕэллээх дьоно,
айхаллааҥ Кини сибэтиэй аатын.
6Кини чыпчылҕан эрэ түгэнэ уордайар
уонна олоҕуҥ тухары үтүөтүк сыһыаннаһар.
Киэһэ ытабыл-соҥобул иһиллэр,
оттон сарсыарда үөрүү ыаллаһар.
7Кыһалҕаны билэ иликпинэ:
«Хаһан да халбаҥныам суоҕа!» – диирим.
8 Айыы Тойон, Эн миэхэ үтүөтүк сыһыаннаһаҥҥын,
миигин таас хайалыы бигэ оҥорбутуҥ;
онтон хайа күн миигиттэн киэр хайыспыккар
мин аймаһыйа түспүтүм.
9Эйигин, Айыы Тойон, ыҥырбытым,
Айыы Тойонтон ааттаспытым:
10«Туох туһалаах буолуой мин өлөрүм,
мин иин түгэҕэр түһэрим?
Иин куоппаһа Эйигин айхаллыа дуо?
Кини Эн кырдьыккын иһитиннэриэ дуо?
11Иһит, Айыы Тойон, миигин аһын-харыһый,
Айыы Тойон, миэхэ көмөлөс».
12Мин санаарҕабылбын Эн үөрүүгэ кубулуттуҥ,
кутурҕан таҥаһын миигиттэн устаҥҥын,
дьол-соргу курунан миигин куустардыҥ;
13айхаллыа мин дууһам Эйигин, уурайыа суоҕа;
Айыы Тойон Таҥарам, үйэм тухары Эйигин уруйдуоҕум.
Currently Selected:
Саалтыр 29: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
