NAHUM 2
2
Nineve Chekela
1Nineve, nle meno nhunlo laso!
N kenjün khola nrün kekvugü
le ryü laso.
Temi no ndolo!
Tson nyu rikhun lo!
Teri genyu ndolo gwen!
2(Israel shwikerüchün nyu le a-nke kela mhundyü zankechwi gütsü Npugü le sen niryü a-tsüti tse bin laso.)
3Shwikerüchün nyu shüpahü ju le gida lo keme kethyü
phinya kenhon pvülo laso.
Anyugun le when nrün genyu ndo loso!
Anyugun terikeru le mah hontse nshwen bin!
Anyugun keru le nchwü binso!
4Terikeru dan le nyida tsonda nyu tingü,
nyida gü lvu nyu tin nsin nshe binnyo.
Anyugun le mah kenben hontse nshwen
lo tsangkekechwü hontse tin bin.
5Mele kedanyu ko;
anyugun le mhundyü tin-o anyugun pha nsü.
When kehü nyu le tinsen-o chwida kigü
lo chwida vüren nrün gü genyu gida kensu penso bin.
6Züri khoka khinrun dan le khinshe nmhe sabin;
raja bin le kenshvu le sübin.
7Rajanu tenzen-o dothyü tinla:
a-gonyu le nsu hontse khun
lo nyun kenjün thyüo anyugun nyun jenbin.
8Ndün kenjü zü phe keshü hontseo
Nineve nyu temi le tin bin!
Mele nrao, “Sunlo! Sunlo!” tsebin ai
nme-e ranishü mvu.
9Rakagi kechala lo!
Suna nke lalo!
Nyida nyu kenya le sübin le!
10Nineve nke laso, khe laso,
kecha thyü laso!
Temi nyun le nshvu pe zun la;
a-kho ndün, kenko le ndi la;
temi dan mhun le metsen laso.
11Shünyho dan kü hontse kebin,
Shünyho nyu dan leyi kehü bin,
Shünyho peche lo tenu-e gü kehü
lo a-nyu ntsenlo kehü
nyida gü tsü dikipon la sela?
12Shünyho gü le thyü tünlo-o
süthürü pe hilü lo anyu dan genyu
a-kü kesü thyü laso.
13Kekvutsin Npugü le zo, “Ale nshwikerüchün nyu!” “Ale hagun terikeru ro lati. Hagun shüpahü dan le teri nyu boshvula, tson-o nle meka khikelo lihie khisen tin lati. Kazü nyu nkekvu rüla nyüsin mvu lati.”
Currently Selected:
NAHUM 2: REGSBSI
Highlight
Share
Copy
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
