GENESIS 36

Esau Suante

(1 Kron. 1.34-37)

1Huan, hiaite Esau suante ahi uh, Esau Edom ahi. 2Esau in a zite Kanan gam a nungakte lak a a neih ahi: Hit mi Elon tanu Adah leh Hiv mi Zibeon tanu Anah Tanu Aholibamah ahi ua; 3Ishmael tanu, Nebajoth sanggamnu Basemath toh. 4Adah in Eliphaz Esau a neihsak a; Basemath in Reuel a nei hi. 5Aholibamah in Jeush, Jaalam leh Korah a nei a; hiaite Esau tapate, Kanan gam a a neihte ahi uhi.

6Esau in a zite, a tapate, a tanute, a in a mi tengteng, a gante tengteng, a sa tengteng leh a thil neih tengteng, Kanan gam a a muhte a paipih a, a nau Jakob kiang a kipan gamdang ah a paimangta hi. 7A thilneihte uh a thupi lua a, a omkhawm theikei uh. A gante uh ziak in mikhual a a omna gam un a chinta kei hi. 8Esau Seir tang ah a tengta hi. Esau Edom ahi.

9Hiaite Seir tang a Edomte suangpa Esau suante ahi uh: 10Hiai Esau tapate minte ahi: Eliphaz, Esau zi Adah tapa; Reuel, Esau zi Basemath tapa. 11Eliphaz tapate: Teman, Omar, Zepho, Gatam leh Kenaz ahi uh. 12Timna, Esau tapa Eliphaz mei ahi a; aman Amalek Eliphaz a neihsak hi. Hiaite Esau zi Adah suante ahi uh. 13Hiaite Reuel tapate ahi uh: Nahath leh Zerah, Sammah leh Mizzah. Hiaite Esau zi Basemath suante ahi uh.

14Hiaite Zibeon tanu Anah tanu Esau zi Aholibamah tapate ahi uh: Aman Esau Jeush leh Jalaam leh Korah a neihsak hi.

15Hiaite Esau tapate lak a heutute ahi uh: Esau ta masapen Eliphaz tapate; heutu Teman, heutu Omar, heutu Zepho, heutu Kenaz, 16heutu Korah, heutu Gatam leh heutu Amalek. Hiaite Edom gam a Eliphaz a kipan pawt heutute ahi ua, hiaite Adah suante ahi uh.

17Hiaite Esau tapa Reuel suante ahi uh: Heutu Nahath, heutu Zerah, heutu Sammah leh Heutu Mizzah. Hiaite Edom gam a Reuel a kipan a pawt heutute ahi ua; Esau zi Basemath suante ahi uhi.

18Hiaite Esau zi Aholibamah suante ahi uh: Heutu Jeush, heutu Jalaam leh heutu Korah. Huaite heutu Anah tanu Esau zi Aholibamah suante ahi uh. 19Huaite Esau tapate ahi ua; a lak ua heutute ahi uh. Esau Edom ahi.

Seir Suante

(1 Kron. 1.38-42)

20Hiaite Hor mi Seir tapa gam luahte ahi uh: Lotan, Sobal, Zibeon, Anah. 21Dishon, Ezer leh Dishan. Huaite Edom gam a Seir tapa Horte heutute ahi uh.

22Lotan tate Hor leh Hemam ahi ua; Lotan sanggamnu Timna ahi.

23Hiaite Sobal tate ahi uh: Alvan, Manahath, Ebal, Shepho leh Onam.

24Hiaite Zibeon tate ahi uh: Ajah leh Anah. Hiai Anah, a pa Zibeon sabiltungte a khah lai a gamdai a tuisa khukte mukhepa ahi.

25Hiaite Anah tate ahi uh: Dishon leh Anah tanu Aholibamah. 26Hiaite Dishon tate ahi uh: Hemdan, Esban, Ithran leh Cheran.

27Hiaite Ezer tate ahi uh: Bilhan, Zaavan leh Akan.

28Hiaite Dishan tate ahi uh: Uz leh Aran.

29Hiaite Horte heutute ahi uh: heutu Lotan, hetu sobal, hetu Zibeon leh heutu Anah. 30Heutu Dison, heutu Ezer leh heutu Dishan. Hiaite Seir gam a heutu a hih dan bang a Horte heutute ahi uh.

Edom Kumpipate

(1 Kron. 1.43-54)

31Hiaite kumpipa kuamah in Israel suante tung a vai a vaihawm ma ua, Edom gam a vaihawm kumpitate ahi uhi.

32Beor tapa Bela in

Edom gam ah vai a hawm a,

a khopi min Dinhabah ahi.

33Bela a si a,

Bozrah khua a mi Zerah tapa

Jobab in a sik in vai a hawmta hi.

34Jobab a si a, Timante gam a mi

Husam in a sik in vai a hawmta hi.

35Husam a si a, Bedad tapa Hadad,

Moab pawn a Midiante thatpa’n a sik in vai a hawm a,

a khopi min Avith ahi.

36Hadad a si a, Masrekah mi

Samlah in a sik in vai a hawm hi.

37Samlah a si a, Luipi gei a

Rehoboth khua a mi Saul in

a sik in vai a hawm hi.

38Saul a si a, Akbor tapa Baal hanan in a sik in vai a hawm hi.

39Akbor tapa Bal hanan a si a,

Hadar in a sik in vai a hawm a,

a khopi min Pau ahi.

A zi min Mehetabel ahi a, amah Mezahab tanu Matred tanu ahi

40Hiaite a inkuan uh bangzel leh a mun bangzel uh leh a min bangzel ua Esau suan heutute min ahi. Heutu Timnah, heutu Alvah leh heutu Jetheth. 41Heutu Aholibamah, heutu Elah, heutu Pinon. 42Heutu Kenaz, heutu Teman, heutu Mibzar. 43Heutu Magdiel leh heutu Iram. Hiaite a gam neih uah a omna uh bangzel in Edom suan heutute ahi uh. Edomte pa Esau ahi.

Currently Selected:

GENESIS 36: PAITBSI

Highlight

Copy