त‍इरकर 5:3-5

तहाँ पतरस बाचस, “हनानिया, सैतान एन्‍देरगे निंग्‍है जिया नू नेम्‍हा बॊलतासिन ठक'आ गे अरा ख़ल्‍ल ही दाम ही ओन हींसन निंगा गे उइय्या गे आकुस नंजा? आ ख़ल्‍लन बीसना ती मुन्‍द आद निंग्‍है दिम रहचा। अरा बीसका ख़ॊख़ा हूँ अदही दामन निंग्‍है मने लेक्‍खा नना ओंगा लिक्‍कय। एन्‍देरगे नीन एन्ने नलख नना गे सोचकय? नीन एंगन मला धर्मेसिन ठकचकय।” हनानियास ई कत्‍थन मेंजस ती असानिम खत्तरस ती केच्‍चस केरस। इदही पत्त नू मेंजका आलर ओर्मर म‍इय्याँ इल्चक'आ कोरचा केरा।