LOUKAS 4:9-12

Nangta u Soitan u la ïalam ïa u sha Jerusalem bad buh ïa u ha ka jaka kaba jrong tam jong ka Templ, bad u la ong ha u, “Lada me long U Khun U Blei, to pynnoh ïa lade sha tbian nangne. Naba ka Jingthoh Bakhuid ka ong, ‘U Blei un hukum ïa ki angel jong u ban sumar bha ïa me.’ Ka ong ruh, ‘Kin rah ïa me ha ki kti jong ki khnang ba wat ki kjat jong me kin ym mynsaw ha ki maw.’ ” Hynrei U Jisu u la jubab, “Ka Jingthoh Bakhuid ka ong, ‘Wat tynjuh ïa U Trai U Blei jong me.’ ”