LOUKAS 10

U Jisu u phah ïa ki hynñiewphew ar ngut

1Hadien kane U Jisu u la jied sa hynñiewphew ar ngut#10:1 hynñiewphew ar ngut: Ha ki manuscript kiba rim tam ha ka Ktien Grik, Sinaitic Syriac, Old Latin bad kiwei kiwei, ki don ïa ka jingkheiñ kaba long hynñiewphew ar ngut ha ka dkhot 1 bad dkhot 17. Kiwei pat ki manuscript bad ki lectionary ki don ïa ka jingkheiñ kaba long hynñiewphew ngut ha ka dkhot 1 bad dkhot 17. ki rangbah bad u la phah ïa ki ar ar ngut, ban leit ha shuwa jong u sha ki shnong baroh bad ki jaka ha kaba ma u, u la mut ban leit. 2#Mat. 9:37,38U la ong ha ki, “Ka don ka jingot bakhraw, hynrei tang khyndiat ngut ki nongtrei ban ïalum ïa ka. To kyrpad ïa u trai jong ka jingot ba un phah ïa ki nongtrei ban lumlang ha ka jingot jong u. 3#Mat. 10:16Khie leit! Nga phah ïa phi kum ki khunlangbrot hapdeng ki suri. 4Wat rah ïa ka pla pisa lane ïa ka pla khrong lane ïa ki juti; wat sangeh ban khublei ïano ïano ha ka lynti. 5Ha man ba phi rung ha kano kano ka ïing, to ong nyngkong, ‘Ka jingsuk kan long ha kane ka ïing.’ 6Lada u briew uba ieit ïa ka jingsuk u shong hangta, ai ba ka jingkhublei jingsuk jong phi kan neh ha u; lymda kumta, shim noh ïa ka jingkhublei jingsuk. 7#1 Kor. 9:14; 1 Tim. 5:18Sah ha kata kajuh ka ïing, bam bad dih ïa kano kano kaba ki ai ïa phi, naba u nongtrei u dei ban ïoh ïa ka bainong jong u. Wat leit sawdong na kawei ka ïing sha kawei pat. 8Ha man ba phi leit shapoh ka nongrit bad la pdiang sngewbha ïa phi, bam ïa kaei kaba la buh ha khmat jong phi, 9pynkhiah ïa kiba pang ha kata ka shnong, bad ong ha ki briew hangta, ‘Ka Hima U Blei ka la wan hajan jong phi.’ 10#Ki Kam. 13:51Hynrei ha man ba phi leit shapoh ka shnong bad ba ym shym la pdiang ïa phi, khie leit sha ki lynti bah bad ong, 11#Mat. 10:7-14; Mrk. 6:8-11; Luk. 9:3-5‘Wat ïa u pui pui na ka shnong jong phi uba dambit ha ki kjat jong ngi, ngi ñiad noh pyrshah ïa phi. Hynrei kynmaw ba ka Hima U Blei ka la wan hajan jong phi!’ 12#Jen. 19:24-28; Mat. 11:24; Mat. 10:15Nga pynthikna ïa phi ba ha ka Sngi Bishar, U Blei un pyn-i shibun ka jingisynei ïa ka Sodom ban ïa kata ka shnong!

Ki shnong ki bymngeit

(Mat. 11:20-24)

13 # Isa. 23:1-18; Ese. 26:1—28:26; Joel. 3:4-8; Amo. 1:9,10; Sekh. 9:2-4 “A katno kan long kaba shyrkhei ïa pha, ko Khorasin! A katno kan long kaba shyrkhei ïa pha ruh, ko Bethsaida! Lada ïa ki kambah ba la leh ha phi la lah leh ha Tyros bad ha Sidon, ki briew kiba hangta kin jin da la shong naduh mynshuwa, kin kup ka jaiñ khain bad synreit dpei halor lade, ban pyn-i ba ki la phai noh na ki pop jong ki! 14U Blei un pyn-i kham bun ka jingisynei ha ka Sngi Bishar ïa ka Tyros bad ka Sidon ban ïa phi. 15#Isa. 14:13-15Bad ïa pha, ko Kapernam! Hato pha kwah ban kyntiew ïa lade shaduh sha bneng? Yn bret ïa pha sha tbian sha dujok!”

16 # Mat. 10:40; Mrk. 9:37; Luk. 9:48; Ïoan. 13:20 U Jisu u la ong ha ki synran jong u, “Uno uno uba shahshkor ïa phi u shahshkor ïa nga; uno uno uba kyntait ïa phi u kyntait ïa nga; bad uno uno uba kyntait ïa nga u kyntait ïa uta uba la phah ïa nga.”

Ka jingwanphai jong ki hynñiewphew ar ngut

17Ki hynñiewphew ar ngut ki rangbah ki la wan phai ha ka jingkmen kaba khraw. “Ko Trai,” ki la ong, “wat ki ksuid ki la kohnguh ïa ngi haba ngi hukum ha ka kyrteng jong me!”

18U Jisu u la jubab ïa ki, “Nga la ïohi ïa u Soitan uba hap kum ka leilieh na bneng. 19#Salm. 91:13Shahshkor! Nga la ai ha phi ka bor, khnang ba phi lah ban ïaid halor ki bseiñ bad ki 'ñianglartham bad jop ïa ka bor baroh jong u Nongshun, bad ym don kano kano ka ban pynmynsaw ïa phi. 20Hynrei wat kmen namar ba ki mynsiem bymman ki kohnguh ïa phi; pynban, to kmen namar ba ïa ki kyrteng jong phi la thoh ha bneng.”

U Jisu u lehkmen

(Mat. 11:25-27; 13:16-17)

21Ha kata ka por la pyndap ïa U Jisu da ka jingkmen da U Mynsiem Bakhuid bad u la ong, “Ko Kpa, U Trai jong ka bneng bad ka pyrthei! Nga ainguh ïa me namar ba me la pyn-i ha ki bymnang bymstad ïa kaei kaba me la buhrieh na kiba stad bad kiba shemphang. Ho-oid, ko Kpa, kane ka la long kumno me la kwah ïa ka ba kan jia.

22 # Ïoan. 3:35; Ïoan. 10:15 “U Kpa jong nga u la ai ha nga ïa kiei kiei baroh. Ym don batip U Khun u long uei lait tang U Kpa, bad ym don batip U Kpa u long uei lait tang U Khun bad kito ha kiba U Khun u jied ban pynpaw ïa U.”

23Nangta U Jisu u la phai sha ki synran bad u la ong ha ki ha kaba rieh, “A katno phi long kiba donbok ban ïohi ïa kiei kiei kiba phi ïohi! 24Nga ong ha phi ba bun ki nongïathuhlypa bad ki syiem ki la kwah ban ïohi ïa kaei kaba phi ïohi, hynrei kim lah ban ïohi, bad ban ïohsngew ïa kaei kaba phi ïohsngew, hynrei kim shym la ïohsngew.”

Ka pharshi u nong Samaria babha

25 # Mat. 22:35-40; Mrk. 12:28-34 U nonghikai ka Hukum u la wan bad u la pyrshang ban riam ïa U Jisu. “Ko Nonghikai,” u la kylli, “kaei nga dei ban leh ban ïohpdiang ïa ka jingim bymjukut?”

26U Jisu u la jubab ïa u, “Aïu ki Jingthoh Bakhuid ki ong? Kumno me batai ïa ki?”

27 # Deut. 6:5; Leb. 19:18 Uta u briew u la jubab, “ ‘Ieit ïa U Trai U Blei jong me da la ka dohnud baroh, bad da la ka mynsiem baroh, da la ka jingkhlaiñ baroh, bad da la ka jingmut baroh’; bad ‘Ieit ïa la u paramarjan kumba me ieit ïa lade.’ ”

28 # Leb. 18:5 “Me ong kaba dei,” U Jisu u la jubab; “to leh ïa kane bad men im.”

29Hynrei u nonghikai ka Hukum u la kwah ban pynksan ïa lade, kumta u la kylli ïa U Jisu, “Uei u paramarjan jong nga?”

30U Jisu u la jubab, “Shisien la don u briew uba la leit hiar na Jerusalem sha Jerikho mynba ki nonglute ki la tur ïaleh ïa u, ki la sloit lyngkhuit ïa u, bad ki la shoh ïa u, ki da iehnoh lyngktop ïa u kum uba ïap. 31Ka la jia ryngkhat ba u lyngdoh u la leit hiar na kata ka lynti; hynrei haba u la ïohi ïa uta u briew, u la ïaid lait na kawei ka liang. 32Ha kajuh ka rukom u Lebi ruh u la wan ïaid, u la ïaid nalor bad u la khmih ïa uta u briew, bad nangta u la ïaid lait, na kawei ka liang. 33#2 Khrn. 28:15Hynrei u nong Samaria uba la leit jingleit na kata ka lynti u la wan lap ïa uta u briew, bad haba u la ïohi ïa u, la pyndap ïa ka dohnud jong u da ka jingsngewsynei. 34U la leit sha u, u la theh umphniang bad ka waiñ ha ki jingmong jong u bad u la spaiñ ïa ki; nangta u la buh ïa uta u briew halor u jingri jong u bad u la ïalam ïa u sha ka ïingbasa#10:34 ka ïingbasa: Khmih ïa ka jingbatai ha ka Luk 2:7., ha kaba u la sumar ïa u. 35Ha ka sngi kaba bud, u la sei ar tylli ki sbai rupa bad u la ai ïa ki ha u trai ïing. ‘To sumar ïa u,’ u la ong ïa u trai ïing, ‘bad ynda nga wan phai na kane ka lynti, ngan siew ïa me ïa kano kano kaba me pynlut halor jong u.’”

36Bad U Jisu u la pynkut, “Ha ka jingsngew jong me, uei na kine lai ngut uba la leh kum u paramarjan ïa u briew uba la shah tur ïaleh ha ki nonglute?”

37U Nonghikai ka Hukum u la jubab, “Uta uba la lehbha ïa u.”

U Jisu u la jubab, “Te, ma me khie leit bad leh kumjuh.”

U Jisu u leit jngoh ïa ka Martha bad ka Mari

38 # Ïoan. 11:1 Katba U Jisu bad ki synran jong u ki dang leit ha ka jingleit jong ki, u la wan sha ka shnong ha kaba ka briew kaba kyrteng ka Martha ka la pdiang sngewbha ïa u sha ka ïing jong ka. 39Ka don kawei ka para kaba kyrteng ka Mari, kaba la shong hajan ki kjat jong U Trai bad ka la pynshahshkor ïa ka jinghikai jong u. 40Ka Martha ka la khuslai halor ki kam baroh kiba ka la dei ban leh, kumta ka la wan bad ka la ong, “Ko Trai, hato mem pyrkhat lem ba ka para jong nga ka la ieh ïa nga ban leh ïa ka kam baroh da lade hi? To ong ïa ka ban wan bad ïarap ïa nga!”

41U Trai u la jubab ïa ka, “Martha, Martha! Pha la khuslai bad pha la sngew jynjar halor bun kiei kiei, 42hynrei, tang kawei kaba donkam. Ka Mari ka la jied ïa kaei kaba dei, bad yn ym shim noh ïa kata na ka.”

Currently Selected:

LOUKAS 10: KHACLBSI

Highlight

Copy