THILTHAWHAI 11
11
Peterin a thilthaw a hrilfie
1Chun, Juda rama tirko le unau umhai chun Jentailhai khawmin Pathien thu an zâwm ti an hriet tah a.
2Chuongchun, Peter chu Jeru- salem a hang tlung phingleh, Sertanhaiin an kal a,
3a kuomah, “Sertan nawhai inah i lût a, an kuomah i fâk vei a,” an ta.
4Nisienlakhawm, Peterin a bula inthawkin indawt zatin an kuomah a hrilfieh a;
5“Joppa khuoah ṭawngṭaia ka um laiin zêlin ka um a. Mang angin iengkhat bâwm, puon lientak ang, a ki palia khita, vâna inthawka inkhaithla ka hmuh a; ka kâwla ngei a mi hung hnai a.
6Chu chu ka en zing a, ka ngai- tuoh a, hnuoia mi sapheimanlihai, ramsahai, thilhringhai le chunga vatehai ka hmuh a.
7Chun, rawlin, ‘Peter, tho rawh, that la fa rawh,’ mi tiin ka hriet bawk a.
8Nisienlakhawm, keiin, ‘Lalpa, ni lo e, thiengnaw le inthiengnaw ieng- khawm ka bauah a lût ngai nawh,’ ka ta.
9Nisienlakhawm, vâna inthawka rawl chun a vawi hninaah, ‘Pathienin a sukthieng ta chu nangin inthieng- naw ti naw,’ tiin a mi dawn a.
10Chuong ang ruok chun vawi thum a hung um a; chun, iengkim chu vâna zuk khaiin a um nâwk tah a.
11Chun, ngai ta u, mi pathum, Kaisari khuoa inthawkin ka kuomah an hung tir a, ka umna tuola chun an lo um zing tah a.
12“Chun, Thlarauin lunghimaw- na nei loa anni zui dingin a mi tir a. Hieng unau parukhai khawm hin an mi zui veh a, mi ina chun kan lût a.
13Chun, ama chun kan kuomah, a ina vântirko ngîr a hmuzie le, vântirko chun a kuomah, ‘Joppa khuoah mi tir la, Simon, Peter an ti chu, hung inṭhuoitir rawh;
14ama chun thu hril a ti cheh a, ama thu lei chun nang le i sûnghai sandamin um in tih,’ a tizie khawm a mi hril a.
15Chun, thu ka hang hril hlimin Thlarau Inthieng ei chunga a hung tlung tir lai ang khan an chungah a hung tlung tah a.
16 #
Tt 1.5 Chun, Lalpa thu, ‘Johanin tuiin mi a baptis hlak kha, nangni ruok chu Thlarau Inthiengin baptisma la chang in tih,’ a tizie kha ka hung hriet suok nâwk tah a.
17Chuongchun, Lalpa Isu Krista an ring phingleh, Pathienin thil thlâwnpêk a mi pêk ang kha an kuoma a pêk phawt tahnung chu, kei tê hi Pathien sêl ruol am ka nih?” a ta.
18Chuong thu chu an hrietin an to tah a, “Chuong a ni chun, Pathienin Jentailhai khawm hring dingin sim a phal tah a ni chu,” tiin Pathien an inpâk tah a.
Antiokei khuoa kohran
19 #
Tt 8.1-4 Chun, Stephan leia an suk- nawmnata indarhai kha, Phoiniki ram dâm, Kupra thlierkâr dâm, Antiokei dâm chenin an feh a, Juda- hai kuoma chau naw chu tu kuoma khawm thu an hril nawh a.
20Nisienlakhawm, anni laia a ṭhen chu Kupra thlierkâr le Kurinia mihai an na, chuonghai chu Antiokei an tlung chun Grikhai kuoma khawm, Lalpa Isu Chanchin Ṭha an hril ve tah a.
21Chun, Lalpa kutin anni a ṭhangpui a; mi tamtakin an ring a, Lalpa tieng chu an ngha tâwl tah a.
22chun, an chanchin chu Jerusalema kohran umhai naa chun a hung lût tah a; chuongchun, Antiokei chen chun Barnaba chu an tir suok tah a.
23Chun, ama chu a va tlung a, Pathien lunginsietzie chu a hmu chun a lâwm hleh a; ṭhahnemngai- taka Lalpa chel zing dingin an rêngin ân fui tah a.
24Barnaba chu mi ṭhatak, Thlarau Inthieng le ringnaa sip a nih. Chun, mi tamtakin Lalpa kuomah an belsa tah a.
25Chun, Barnaba chu Saula zawng dingin Tarsa khuoah a feh a; chun a hmu chun Antiokeia chun a hung ṭhuoi a.
26Chun, kum khat zet kohranhai inkhâwmnaa chun an ṭhang ve hlak a, mi tamtak an inchûktir hlak a. Antiokeia chun a nih inchûktirhai chu “Kristien” an ti hmasa tak chu.
27Chun, chuong lai chun zâwlnei tuhai amanih Jerusalema inthawkin Antiokeia chun an zu feh a.
28 #
Tt 21.10
Chun, anni laia mi pakhat, a hming Agaba, a ngîr a, khawvêl po poah ṭâm nasatak a tlung ding a ni ti Thlalrau hrilin ân hriettir a; chu ṭâm chu Klaudi inlal laiin a hung tlung tah a.
29Chuongchun, inchûktirhai chun, an thei tâwk sengin, Judai rama unau umhai kuoma chun sawmdâwlna ding thawn an tum a.
30Chu chu an thaw ta ngei a, Barnaba le Saula kuta chun upahai kuomah an inphur tah a.
Currently Selected:
THILTHAWHAI 11: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
