Mataio 26

PENE XXVI - 26

To Iesu matenga: te tuatua a te aronga nunui iaia: tona akamainu angaia e tetai vaine: te oko angaia e Iuda: te kaingakai a te Atu: tona mamae i roto i te koro: te opu angaia: te akava anga: ta Petero uuna anga.

1E KIA akaoti akerā Iesu i teia katoa nei au tuatuaanga, kua na ko maira ki tana au pipi, 2#Mare 14:1; Luka 22:1; Ioa 13:1Kua kite kotou e, e rua rā toe i te pasa ra, ei reira te Tamaiti a te tangata nei e tukuiaʼi kia akasatauroia.

3 # Sala 2:2; Ioa 11:47; Anga 4:25&c Kua putuputu maira te kau taunga nunui, e te au tata tuatua, e te au tangata pakari ra i reira, ki roto i te are o te taunga maata ra, ko tei karangaia ko Kaiapha. 4Kua kimi iora i te ravenga e raukaʼi a Iesu ia ratou i te pikikaa, ka ta atu ei. 5Kua na ko ra ratou, Auraka i te rā oroa nei, ko te oripu aea te tangata.

6 # Mare 14:3; Ioa 11:1,2; 12:3 Tei Betania Iesu, #Mata 21:17tei te ngutuare o Simona lepera ra, 7Kua aere maira tetai vaine iaia ma tetai pia alabata, e manongi meitaki maata, e kua riringi ki rungao i tona mimiti i te kaingakai ra. 8#Ioa 12:4E kite akera tana au pipi, kua riri iora, na ko akera, Eaa teianeimanongi i kaimoumouiaʼi? 9E moni maata te rauka i teia manongi kia oko, ka apai atu ei na te tangata rikiriki. 10Kite akerā Iesu ra, kua na ko atura kia ratou, Eaa kotou e tamanamanata mai ei i teianei vaine? e ravenga meitaki tana kiaku nei. 11#Deu 15:11; Ioa 12:8E noo tamou oki te tangata rikiriki ki o kotou nei; #Mata 18:20; 28:20; Ioa 13:33; 14:19; 16:5,28; 17:11ko au ra, kare ïa e noo kia o kotou nei. 12E teianei manongi tana i riringi ki rungao i toku nei kopapa, no toku ïa tanumanga tana i rave nei. 13Koia mou taku e karanga atu kia kotou nei, Te au ngai katoa e tuatuaiaʼi teianei evangelia i te ao katoa nei, e tuatua katoaia ta teianei vaine i rave nei, ei manako anga atu iaia.

14 # Mare 14:10; Luka 22:3; Ioa 13:2,30 Aere atura tetai o taua tino ngauru ma rua i reira ra, ko tei karangaia ra ko #Mata 10:4Iuda Ikariota, ki te kau taunga nunui ra, 15Kua karanga atura, #Zeka 11:12; Mata 27:3Eaa ta kotou e o mai naku, e naku e tuku atu iaia kia kotou ra? Kua akatau maira ratou e toru ngauru moni ario nana. 16E mei reira mairai tona kimi anga i te ngai meitaki e tuku mai iaia kia ratou ra.

17 # Exo 12:6,18; Mare 14:12; Luka 22:7 E tae akera ki te rā mua o te oroa i te kai akaopue koreia ra, kua aere maira nga pipi kia Iesu ra, na ko maira, Eiea maua e akonokono ei i te pasa kia kai koe? 18Kua karanga atura aia, Ka aere atu ki roto i te oire kia Mea ra, e karanga atu kiaia, Te tuatua maira te Orometua, Kua vave toku tuatau; ei to are e kai ei au i te pasa, e taku au pipi katoa. 19Kua pera atura nga pipi ta Iesu i akaue ra; kua akonokono iora i te pasa. 20#Mare 14:17-21; Luka 22:14; Ioa 13:21E aiai iora, kua noo atura aia ki raro e te tino ngauru ma rua katoa ra. 21E te kai ra ratou, kua na ko atura aia, Koia mou taku e karanga atu kia kotou nei, ka pikikaa tetai o kotou nei iaku. 22Kua taitaia rava atura ratou, kua taki tai maira ratou ravarai i te ui anga mai kiaia, E te Atu, ko au ainei? 23Kua karanga atura aia, na ko atura, Ko tei #Sala 41:9; Luka 22:21; Ioa 13:18tuku kapipiti o maua rima ki roto i te kapu nei, nana e pikikaa iaku. 24Te aere nei te Tamaiti a te tangata #Sala 22; Isa 53; Dani 9:26; Mare 9:12; Luka 24:25,26,46; Anga 17:2,3; 26:22,23; 1 Kori 15:3mei tei tataia nona ra: ko taua tangata ra, e pikikaa i te Tamaiti a te tangata nei, #Ioa 17:12e ae oki aia! e ngari ake te reira tangata naringa kare i anau mai. 25Kua tuatua katoa mairā Iuda, tei pikikaa mai iaia ra, na ko maira, E Rabi ko au aina? Kua na ko atura aia kiaia Koia ïa.

26 # Mare 14:22; Luka 22:19 E te kaikai ra ratou, #1 Kori 11:23,24,25kua rave iorā Iesu i te manga, e kua akameitaki atura, vavaʼi iora, tuku atura ki te au pipi, na ko atura, Ka rave, ka kai; #1 Kori 10:16ko toku kopapa teia. 27Kua rave iora aia i te kapu, akameitaki atura, tuku atura kia ratou ra, na ko atura, #Mare 14:23Ka inu na kotou ravarai; 28#Exo 24:8; Levi 17:11Ko toku ïa toto teia, #Iere 31:31no te koreromotu ou ra #Mata 20:28; Roma 5:15; Ebe 9:22tei akamaringiia no te tangata e manganui, kia matara te ara. 29#Mare 14:25; Luka 22:18E akakite au kia kotou, teia au ka kore e inu akaou i to roto i te ua vine nei, #Anga 10:41e tae ua atu ki te rā e inu ei au i te wina ou, e kotou katoa, i te basileia o taku Metua.

30 # Mare 14:26 E oti akera te imene, aere atura ratou ki vao i te maunga ra i Oliveta. 31Kua karanga aturā Iesu kia ratou, Ei teianei po #Mata 11:6e maitu ei #Mare 14:27; Ioa 16:32kotou katoa iaku nei: kua oti oki i te tataia, #Zeka 13:7“E pāpā au i te tiaki, e ka pueurikiriki ke oki te mamoe.” 32#Mata 28:7,10,16; Mare 14:28; 16:7E kia tu akaou mai au ra, e na mua au ia kotou te aere ki Galilea. 33Kua tuatua mairā Petero kiaia, na ko maira, Kia maitu te tangata katoa ia koe, kare takiri au nei e maitu. 34Kua na ko maira Iesu kiaia, #Mare 14:30; Luka 22:34; Ioa 13:38Koia mou taku e karanga atu kia koe nei, Kare e kakaoa te moa akonei, ka tu toru oou uuna anga iaku. 35Kua karanga aturā Petero kiaia, Mate ua atu au ia koe na, kare au e uuna ia koe. Kua pera rai oki te au pipi katoa.

36 # Mare 14:32-35; Luka 22:39; Ioa 18:1 Aere aturā Iesu ma ratou katoa ki tetai ngai ko Getesemane te ingoa, kua na ko maira i te au pipi, E noo kotou i ko nei, kia aere au ki ko akera e pure. 37Kua arataki katoa atura ia Petero, #Mata 4:21e nga tamariki a Zebedaio ra, toko rua, kua taitaia iora aia, e teiaa tukituki akera. 38Kua tuatua maira aia kia ratou; #Ioa 12:27Kua pini rava toku vaerua i te mamae mate maata: e noo i ko nei, e ara tatou. 39Aere atura aia ki mua itio, tipapa iora ki raro #Mare 14:36; Luka 22:42; Ebe 5:7ma te pure, na ko atura, #Ioa 12:27E taku Metua, kia tika, #Mata 20:22kia apai keia teianei kapu iaku nei: #Ioa 5:30; 6:38; Phili 2:8kia tupu ra toou anoano; auraka toku. 40Kua oki maira aia ki te au pipi, rokoia maira, te moe ra ratou, kua na ko maira kia Petero, Eaa oki tena? kare e tika ia kotou kia ara tatou i te ora iti okotai? 41#Mare 13:33; 14:38; Luka 22:40,46; Ephe 6:18E ara, e e pure oki kia kore kotou e rokoia e te timataanga: kua tika oki i te vaerua, te parukaua nei ra te kopapa. 42Aere akaou atura aia, ko te tu rua ïa, kua pure iora, na ko atura, E taku Metua e, kare rava e tuku anga iaku, kia inu rai au i teianei kapu e tikaʼi, kia tupu toou anoano. 43E kia oki akaou mai aia, rokoia maira, te moe rai ratou; kua teimaa oki to ratou mata. 44Vaio iora aia ia ratou, aere akaou atura e pure, ko te tu toru ïa, okotai rai pure. 45Kua oki maira aia ki tana au pipi i reira, kua na ko maira kia ratou. Ka moe ra, e kia, anga marie i te roi: i na, kua vaitata te ora e tukuiaʼi te Tamaiti a te tangata nei ki te rima o te aronga ara. 46Ka tu, e taki aere tatou: i na, te vaitata mai nei te pikikaa iaku nei.

47 # Mare 14:43; Luka 22:47; Ioa 18:3; Anga 1:16 E kare i oti tana tuatua, i na, ko Iuda maira, tetai o te tino ngauru ma rua ra, ma te urupu tangata maata, ma te koke e te rakau, no ko i te kau taunga nunui e te aronga pakari o te tangata ra. 48Kua tuku ana oki taua pikikaa ra i te akairo ia ratou, na ko atura, Ko te tangata taku e ongi atu, koia ïa; ka opu atu kotou. 49Kua aere maira aia i reira ra kia Iesu, na ko maira, Kia ora na koe, e Rabi; #2 Samu 20:9e kua ongi maira iaia. 50Kua karanga aturā Iesu kiaia, #Sala 41:9; 55:13E tama, i aere mai koe i te aa? Kua akavaitata maira ratou, kua rave maira i te rima ia Iesu, opu maira iaia. 51E i na, kua rave iora #Ioa 18:10tetai ki o Iesu ra i tana koke, unui akera; ta atura i te tavini o te taunga maata ra, motu ke atura tona taringa. 52Kua karanga aturā Iesu kiaia, Ka momono ana i taau koke ki roto i te vaî; #Gene 9:6; Apo 13:10ko tei rave i te koke ra, ka mate ïa i te koke. 53Kare aina koe i manako e, e tika iaku kia pure ki taku Metua i teianei; e nana e oronga mai #2 Ari 6:17; Dani 7:10i te angela raungauru ma rua te manotini, e kia maata atu rai? 54Eaa iora ra e tupu ei te tuatua i tataia ra i reira e, #Isa 53:7&c; Mata 26:24; Luka 24:25,44,46kia pera e tikaʼi? 55I reira ra to Iesu tuatua anga i taua aronga maata ra, E aere mai oki kotou ma te koke e te rakau e opu iaku mei te mea e, e keia? I noo ua na oki au i rotopu ia kotou i te au rā katoa, i te apii anga i roto i te iero, e kare ua kotou i rave mai iaku. 56#Aue 4:20; Mata 26:54Kia tika ra te tuatua a te au peroveta i tataia ra, i tupu ei teia au mea katoa nei. #Ioa 18:15Akaruke iora te au pipi ravarai iaia i reira ra, oro atura. 57#Mare 14:53; Luka 22:54; Ioa 18:12,13,24E te aronga i opu ia Iesu ra, arataki atura ratou iaia ki te taunga maata ra kia Kaiapha, kua putuputu te au tata tuatua e te aronga pakari i reira. 58Kua aru aturā Petero iaia i muri roa, e i te koro o te taunga maata ra, tomo atura ki roto, noo iora e te aronga tavini katoa, kia kite aia i te openga. 59Te kimi ra te kau taunga nunui ra, e te aronga pakari, e te Sunederi katoa, i te kite pikikaa ia Iesu, kia akaapa atu iaia kia mate. 60Kare ra i kitea; #Sala 27:12; 35:11; Mare 14:55; Anga 6:13e manganui oki te kite pikikaa i aere mai, kare rai i kitea. E te openga iora, kua aere maira #Deu 19:15e toko rua puke kite pikikaa, Na ko maira, 61I tuatua mai oki teianei tangata, #Mata 27:40; Ioa 2:19E tika iaku i te vavaʼi i te #26:61 - koutu.nao o te Atua nei, e kia po toru, kua tu akaou ïa iaku. 62#Mare 14:60Kua tu akera te taunga maata ra ki runga, kua na ko maira kiaia, Kare koe e tuatua mai? eaa ta nga tangata nei i tapepe mai ia koe nei? 63#Isa 53:7; Mata 27:12,14Te muteki ua rā Iesu. Kua tuatua maira taua taunga maata ra kiaia ra, na ko maira, #Levi 5:1; 1 Samu 14:24,26Te akataputouia nei koe e au i te Atua ora ra e, e akakite mai koe kia matou nei, ko koe aina te Mesia, te Tamaiti a te Atua? 64Kua karanga aturā Iesu kiaia, Koia ïa taau i tuatua mai na; e e akakite atu oki au kia kotou, #Dani 7:13; Mata 16:27; 24:30; 25:31; Luka 21:27; Ioa 1:51; Roma 14:10; 1 Tesa 4:16; Apo 1:7Ka kite kotou a muri ake i te Tamaiti a te tangata #Sala 110:1; Anga 7:55i te noo anga i te rima katau o Tei mana ra, e te aere anga mai na roto i te tiao rangi. 65#2 Ari 18:37; 19:1Kua aae iora taua taunga maata ra i tona kakau, na ko atura, Kua akakino Atua aia; eaa ua atu rai to tatou kite? I na, kua kite ua kotou i tana akakino Atua. 66Eaa to kotou na manako? Kua na ko maira ratou, #Levi 24:16; Ioa 19:7E tau iaia te mate. 67#Isa 50:6; 53:3; Mata 27:30Kua tutua atura ratou i te uavare ki tona mata, moto atura oki iaia; #Luka 22:63; Ioa 19:3e tetai aronga, kua papaki atura i te paparinga, Na ko atura, 68#Mare 14:65; Luka 22:64E akakite mai na, e te Mesia e, i tei papaki ia koe na.

69 # Mare 14:66; Luka 22:55; Ioa 18:16,17,25 Te noo ua rā Petero ki vao, i roto i te koro, e kua aere maira tetai tavini vaine kiaia ra, na ko maira, I reira katoa koe ia Iesu i Galilea ra. 70Kua uuna iora aia ki mua ia ratou ravarai, na ko atura, Kare rava au i kite i taau i tuatua mai na. 71E riro atura aia ki vao i te tomoanga ra, kua akara maira tetai tavini vaine iaia, kua na ko atura i te aronga e noo i reira, Ia Iesu o Nazareta katoa teianei tangata. 72Kua uuna akaou iora aia ma te taputou, na ko atura, Kare takiri au i kite i tenana tangata. 73E roa iti akera, kua aere maira te aronga i tu ua i vaitatao ra, e kua na ko maira kia Petero, No ratou tikai koe; #Luka 22:59te kitea nei i toou reo. 74#Mare 14:71Kua tao ua iora aia ma te taputou, na ko akera, Kare takiri au i kite i teianei tangata. Kakaoa iora te moa i reira ra. 75Kua maara iorā Petero i te tuatua a Iesu i tuatua mai kiaia ra e, #Mata 26:34; Mare 14:30; Luka 22:61,62; Ioa 13:38Kare e kakaoa te moa, e e toru katoa oou uuna anga iaku. Aere atura aia ki vao, maata ua atura te aue.

Currently Selected:

Mataio 26: CIMB

Highlight

Copy