Genesa 6:1-4 Kuteloko vanhu va sungurile ku andza laha misaveni, va veleka ni vana va vanhwanyana. Kutani swivumbiwa swa le tilweni swi vona leswaku vanhwanyana lava va sasekile, kutani swi tihlawulela vasati exik | BIBELE Mahungu Lamanene (TSO89)

Genesa 6:1-4 TSO89

Kuteloko vanhu va sungurile ku andza laha misaveni, va veleka ni vana va vanhwanyana. Kutani swivumbiwa swa le tilweni swi vona leswaku vanhwanyana lava va sasekile, kutani swi tihlawulela vasati exikarhi ka vona. Kutani HOSI Xikwembu xi ku: “Moya wa mina a wu nga ha tshami hilaha ku nga heriki eka munhu, hikuva munhu ú tsanile, kutani ú ta hanya ntsena malembe ya 120.” Enkarhini wolowo, ni le minkarhini leyi landzeleke, ku vile ni swihontlovila leswi velekiweke loko tintsumi ta le tilweni ti hlanganile ni vanhwanyana va laha misaveni. Swihontlovila leswi, hi tona tinhenha ta khale to tiveka ngopfu.

Read Genesa 6