Avakolosayi 2

1Ndiwenda mulukagule lwendipiga ikipigo kwa kukangala ukwimila nyenye na avanu va ku Lawodikeya kangi na ukwimila mbevali vesivalambona. 2Ndipiga ulu sambi inumbula sawo sisikimikwe na ukong'aswa pamwinga muwende, pepene pe vamema uwukwilanifu mbewuli uwiletwagwa na uwukagusi wa nachene. Ipo pevakikagula ikinyele cha Nguluvi na ikinyele ichene ye Kilisito. 3Mulumwene mwefifihitwe ifisande ifigaho mbefili fya uluhala na ifigaho. 4Sweno, nguvalongela, mulidikila umunu avasange mung'ani isa uwudesi nambi ing'ani sakwe sive nofu wuli. 5Nave nene supali umuvili, neke ulwene ndilipamwi nanye kwa Umuhe, na ndihekelela ukwilavila lwemwimile mukange mbemuli mulufuuwo lwenyu kwa Kilisito.

Uwunani uwukwilaniche mwa Kilisito

6Pakuva yemumwanuche Kilisito ukuva ye Mutwa, sweno munanage mukuhanga pamwinga na umwene. 7Luvavaje muyavilage indela mulumwene, uwunani wenyu wimilage hilo mulumwene, nu kukangala mulufuuwo lwenyu, ndawe lwemwigisiwe. Na muvelage mumemile ululumbo.

8Ino de mwikomalilage umunu alavawuyapa mbelembo ukwimila ukwimila muluhala lwa uwuyasi lwa avanu, lwe ikilamuko chalulo kili munzigiso indekelwa na avanu na amasoka agatemile mung'i, na sisahumiti kwa Kilisito Umwene! 9Pakuva, mugati mwakwe Kilisito muwunu wakwe, mowoli uwukwilanifu mbewuli wa Nguluvi, 10nanye mupelitwe uwumi uwukwilaniche mukuhanga nave. Umwene ye muvina kwa amasoka agatemile mbegali na avanzagila mbevali. 11Mukuhanga na Kilisito nyenye mwawolitwe, neke si kwa ukuwolwa ukwiwuyapagwa na avanu, pesi kula ukwiwuyapagwa na Kilisito umwene, na ukuwolwa kula kwekwidonyaga ukukombolwa ukuhuma muwunu wunyanzanangifu. 12Pakuva, pemwabatisigwe, mwatasilwe pamwi na Kilisito, na mukubatisiwa mwasilibulwe kangi pamwinga nave mulufuuwo lwenyu ukukola uludali lwa Nguluvi, yula yeamusilibwe Kilisito uluhuma kuvafwe. 13Pamwandi nyenye, mwemufwe ukwimila uwananzi wenyu na pakuva mwe mwivamyanza. Neke lino Nguluvi avapelye nyenye uwumi pamwi na Kilisito. Nguluvi atudegepye inzanangifu setu mbesili, 14ademulye ng'ani ulwandiko lula lwa umukole lwetwetulaving'ine ulunyamusilo aluhesise nu kulutovelela pa musalaba. 15Uko Kilisito apokite uludali lwago igo amasoka agatemile na avanzagila; alekite vave kinu cha kwinyinyalwa pamalugu na ukuvakuluna wita avagalule mulugendo lwa uludweso lwakwe.

16Sweno, mulidikila ukupelwa imisilo na umunu yeyeavesaga ukwimila ifilyo, ifinywewa, ifimunyi fya imbuungo, ifimunyi ifikomi fya umwesi umupya nambi isabato. 17Ing'ani isindawe iso, iso mwigigi gwa fila ifikusa, inachene iyene yikwimila mwa Kilisito. 18Mulidikila ukusokamwa na umunu yeyeavesaga yeakwisakila uwuvina ukwimila amaloto na yeikangala uwilevesi wa uwudesi na ukuvasunyalila avanyivaha, umunu va ndahihyo apufile ayasiwe na amahosa ga uwudesi ga mung'i 19alekine nu kusutana na Kilisito yula ye mutwe gwa umuvili. Muwulongosi wa Kilisito, umuvili mbeguli gwilisiwa na ukufihanza ifigawamuvili na indela, nago gwivina mweiwendela Nguluvi.

Ukufwa na ukunana pamwinga na Kilisito

20Nyenye ye mufwe na Kilisito na ukukombolwa ukuhuma muludali lwa amasoka agatemile mung'i. Mbi lwiva ndawuli kangi ukwikala mukwiga sa mung'i umu? Lweki muvikilwe imisilo: 21“Mulibata iki,” “Mulagesa kila,” “Mulapamisa kila!” ( 22Mbefili ifyo fidonya ifinu finyakwanangika pefipigilwe); ijo misilo na inzigiso imbike na avanu. 23Nachene, imisilo ijo giwoneka nda ja luhala mumigendele ja ulusunyalilo ulwa ukwivangila yinyenye, uwilevesi wa uwudesi na ukuguvika umuvili muneseko, neke ulwene sisitanga kinu ukugutanila umuvili mu wudobokesi.

Currently Selected:

Avakolosayi 2: HeNT2004

Highlight

Copy