Zakaria 13
13
1Ku Tamatama ka abebeelengenga ki sanaka kwapingi amia kai, “Ikai kwini ki vai, lri pasikaiyaku ki mwabaibalrithi ki Davidi si yakaikai Yerusalrime pacebe ku berai, la sinau bula ki pasalrivane si kudrulru lini. 2Ikai kwini ki vai, lri patwaladhaku kikai ki kadaengane mwalra ku nagane ki lasamiamiange, kadrwa ku umawmase kulri ngulringauana liniane. Lai lri malraku amudu ku ngiatatu yuginsia ku umawmase, la lri mwalraku ku sasiadradrama ki asukubane ki lasamiamiange. 3Alaiyasi ikaiyana ku umawmase ku makeecenge nau tara yugingi ku vaga iya, ku marudrawdrangeini lri pelaela iniane, kwi lasu lri tara kipathavungu kipapacai; asi lwiyane kwi lasu pasiakaikaiyaku ki Tamatama kawriva amiamia, ai ku tengatengane yai madraedraedrangelre. Kwi lasu lu kawrivariva yugingi, ku marudrawdrangeini lri pwa culrulu papacai iniane. 4Ikai kwini ki vai, lrika kadrwanga ku yuginsia kulri ngilralrigu ku maburusini, lai lrika kadrwa ku yuginsia ku sialaimai ku ubawbalane ku laimai si draedraedrangelre ki umawmase. 5Kwi lasu lri iya lringa kai, ‘Kainaku ka yuginsia; tarakauawngaku, ku tapanianianiakaneli mauawngaku sikakathane.’ 6Alaiyasi ikai ku umawmase ku kiavaga iniane iya kai, ‘Kwi dula ki tukusu yai takatumanane?’ Kwi lasu lri tubalre iya kai, ‘Yakaiyaku ki daane ki talragili kadula.’ ”
Kiapapacai ku taraagwagu ki kiu
7Ku Tamatama ka abebeelengenga ki sanaka kwapingi amia kai, “Dramu, kasimeaca, la kikaruburu ki pasiakaikai nakwane kaungu ka taraagwagu! Lu papacadhane iniane, lri sarau thirakupu ku lakiu. Lri lrumadhaku ki kawkawluli, 8Kai kawmasane ku umawmase lu tatulru lri tadrusa ku lri pacai. 9Ala kwini abalu si panianiake ka taingeea ikai ki taitulrwane, lri kilrialringavaku, kwi lalasu lai kabula, mia ki gingi ka kiathalethale ki apwi. Lri kilrialringavaku liniane, mia ki kialrialringau ki kingi, kwi lalasu ala lri papia nakwane inulri, lai lri kilalraku. Lri pelaelaku liniane, kwi lalasu lrika kawkawlungali; kwi lalasu lri pelaela pathingale, kunaku ka Tamatama amaniaku ku Twaumase lini.”
Currently Selected:
Zakaria 13: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
