Mat. 28:12-15

Koosa dam kɔkɔɔrsi ta awa Ju tim nihɛɛti ta fun wa lagmi dɔŋ ni a lisi chenani ba zi ya. Ba funɛ wa na dɔŋ peti, ba fun kpa malɛ damata a la nyɛ lanjimasa ta ni, a ŋɔ ba, “Nara maga pɛɛsi ma chenani yɛɛ, ma ŋɔ ba di ma funɛ chɔ dore, ka baal ti gantɛl tiŋsi ta fun wa dusum a wa lisi un a li o hugil ti ni. Pailɔt nu nan wɛ, ya zi chaasi ya tusau a ŋɔ un o lisi ma a li namsi ni. Chendaha ma ta nyɛ o muksi ma.” Lanjimasi ta fun zer malɛ ta a tiŋ chenani ba fun ŋɔ ba. Ju tim ta yaa mɔɔli laaboor tiu bawu maga ni hali wa zinan.