Matayo 24:37-39

Te di bala, ah le de yi reke te-yi ngbü nzo, angü sïkpï ka dudu ka-ra ena adi baka ngü, ta te mere te-ye gbü re ka mere kundu nih *Nüwa ne. Angü wü kpara ena angbü ezüfa wü e, da enzönzö wü fï ka-wü, kpah da eza te-wü, wüh tï afï ngü ka Me nda-wü kpah de. Ma ena adu akoro, agüka ewü gbü ngü ka-ewü la, kpah ba e ta te mere agö güka wü kpara gbü sïkpï, te Nüwa rï tete gbü *zabu, fü mere ngu la amörö ewü ꞌburu ne.