Mákò 14

À mú arũ ɖé si ńǹtá-Yèésù

(Màtéwò 26:1-5; Lúkà 22:1-2; Yòhánà 11:45-53)

1Ńǹwèrè nyɛ̀ŋɛ̀#ɛ́, ó bɔ ɔdzɔ́ méèdzì, tsí ká dzɛ ɔɖɔ̃́-Àɖádzɔ̀ɔ́†. Tsí à nákó dzɛ ɔɖɔ̃́-Kpɔ̃́nɔ́-àrìkɛ́ fú ɔdzɔ́ mɛ́ɛdzɔ. Tsí onùgbó-atsɛbɔ-Ɔ̀ɖáyé† ŋa òŋu akɔ́nɛ nɛ́kpa-Ɔ̀ɖáyé† ŋa wà wo bí ká tse fáà, tsí ɖɔ́gbɔ̃́, tsí ká mú Yèésù, tsí ká sɔ́ɔ fú ikú#ɛ́. 2Tsí à wà fɔ̀ ní: Àŋa kàkó nyáa múu ńǹwèrè yèé à wà dzɛ ɔɖɔ̃́#ɛ́. Bí kò tsi bɛ́ɛ̀#ɛ́, ìlú#ɛ́ nákó rò.

Ɔnɔbɛ̃̀ɛ̃-kã̀ kɛ́ àɖɛ̃́, tsí tseé ɖà néwo fú Yèésù

(Màtéwò 26:6-13; Yòhánà 12:1-8)

3Ńǹwèrè nyɛ̀ŋɛ̀#ɛ́, Yèésù wà ńǹlú-Bètàní si, tsí ó lɔ ńkpáfɛ-ɔ̀nyà-kã̀, tsí kó káà dzɛŋɛ́. À náa kpe ɛnɛ nyɛ̀ŋɛ̀ ní Sìmɔ́nì, tsí ó ɖɔ́ɔ̀tɛ̀ wáa lɔ dzɔ̀ɔ́. Ńǹwèrè yèé à wà nóòkpì-dzídzɛ si#ɛ́, ɔnɔbɛ̃̀ɛ̃-kã̀ wáa tó, tsí ó banɛ́ àɖɛ̃́ rṹrũ̀ fĩ́rĩ́fĩ́rĩ́ nágbè-kã̀ si. Àɖɛ̃́#ɛ́ gbowó héŋú. Egi-kã̀ wà, tsí à náa kpèé ní nàríɖò, òŋu sɔ̃́ŋú ní à ń tseé#ɛ́. Tsí agbè#ɛ́ gbo gbowó bɛ́ɛ̀ ké. Òkúta-ìrɔ́-kã̀ ní à ń gbɛ̃́ɛ̃#ɛ́, tsí à náa kpe òkúta#á ní àlàbásítà. Ńbɛ̀ɛ́, ó tsɛ́ ɔ̀gɔ̃̀rɔ̃̀-agbè#ɛ́, tsí ó tse àɖɛ̃́#ɛ́ ɖà néwo fú Yèésù. 4Ńbɛ̀ɛ́, ɔ̀nyà kã̀ŋa náàŋírĩ-ŋa#á, à bínɔ́, tsí à wà fɔ̀ ní: Kí tse tsí ó wà bàdzɛ́ àɖɛ̃́#ɛ́ báàyí? 5Ó ɖi, à má nyáa ta àɖɛ̃́#ɛ́ ìmarũ owó-itsɛ́-ɔdzɔ́ ɔgɔ́ɔrú lé ńgboó (300), tsí mú owó‐ɛ̀ kpɛ̃́ fú adzìyàkú ŋa nɔ̀. Tsí à wà rã́ã̀rã̀ báa kũkũ.

6Tsí Yèésù ní: Ká kɔ̀ɔ́ dzɔ̀ɔ́, tsí kó míra. Kí tse tsí à wà ɖɔ́kpɔ fúu ná? Ó ɖi, iŋɛ́-ire ní ó tse fú òŋu#ɛ́. 7Ó ɖi fee, adzìyàkú ŋa òŋu, à wà bá ŋa si nɔ́dzɔ́ kɔ́dzɔ́, tsí à nákó nyáa tse ore fú ŋa ńǹwèrè ɔ̀kã̀lɔ́ɔ̀kã̀. Ó ɖi, òŋu, òŋu kàkó wà bá ŋa si títí lɔ. 8Àmí yèé ó nɛ́#ɛ́, iŋɛ́‐ɛ̀ ní ó tse#ɛ́. Ó mú àɖɛ̃́#ɛ́ kpã́ fú òŋu, tsí wà tɔ́tse ara-òŋu si fú rírì, tã́ná òŋu kó wáa kú ni. 9Ó ɖi, òŋu wà wí fú ŋa ní fee, ńǹɖì ɔ̀kã̀lɔ́ɔ̀kã̀ kpó yèé à nákó dzíkɔ̀ ɖíɖɔ̃̀-òŋu náàdzàkáyé#ɛ́, à nákó kpɛ̀rɔ́-iŋɛ́ yèé ɔnɔbɛ̃̀ɛ̃ yèé tse#ɛ́, tsí wà ń tédzú‐ɛ̀.

Yúɖà ta Yèésù kpɔ̀rɔ̀ fú onùgbó-atsɛbɔ-Ɔ̀ɖáyé ŋa

(Màtéwò 26:14-16; Lúkà 22:3-6)

10Yúɖà Sìkàrìyɔ́tì, òŋu gbo wà náàŋírĩ-ɔmatsɛ́-Yèésù† máàméèdzì ŋa#á. Tsí ó wáa ǹɖe, tsí káà rí onùgbó-atsɛbɔ-Ɔ̀ɖáyé† ŋa, tsí wà wí fú ŋa ní: Òŋu wà wo òŋu kó ta Yèésù fú ŋa. 11Kíbí à gbɔ́ bɛ́ɛ̀#ɛ́, ó ɖɔ̃̀ fú ŋa títítí, tsí à tàlé fúu ní àŋa nákó fúu nówó. Ńbɛ̀ɛ́, ó wáa wo ìwèrè yèé nákó sã̀, tsí ká nyáa múu ńǹɖúkù#ɛ́.

Yèésù wà dzɛ dzídzɛ-ɔɖɔ̃́-Àɖádzɔ̀ɔ́ bá ɔmatsɛ́‐ɛ̀ ŋa

(Màtéwò 26:17-25; Lúkà 22:7-13,21-23; Yòhánà 13:21-30)

12Ɔdzɔ́-àtsɛ̃̀tsɛ̃̀-ɔɖɔ̃́-Kpɔ̃́nɔ́ àrìkɛ́† tó. Nɔ́dzɔ́#ɛ́ ní à náa kpa ɔma-àgbò† fú Ɔ̀ɖáyé#ɛ́. Ńbɛ̀ɛ́, ɔmatsɛ́-Yèésù† ŋa wà bèrèé ní: Ńbisí ó wà wò ní àŋa kó lɔ káà kpaɖí dzídzɛ-ɔɖɔ̃́-Àɖádzɔ̀ɔ́†#ɛ́ fúu?

13Tsí Yèésù bɛ ɔmatsɛ́‐ɛ̀ méèdzì, tsí fɔ̀ fú ŋa ní: Ká wɔ̀ ńǹlú#ɛ́. À nákó kpàɖé ɔnɔkɛ̃̀ɛ̃-kã̀ bɛ̀, tsí nákó ru omi nóògé wáa làkóò. Ká tɛ̀ náànyì‐ɛ̀. 14Tsí ńlé yèé nákó wɔ̀#ɛ́, ká wí fú olílé#ɛ́ ní: Akɔ́nɛ ní ká bèrèé ní ńnɔlé yèésí òŋu ɔmatsɛ́-òŋu ŋa, àŋa nákó gbé, tsí dzɛ ɔɖɔ̃́-Àɖádzɔ̀ɔ́#ɛ́ ná? 15Tsí nákó ɖíre inɔlé lákṹ-kã̀ fú ŋa ńǹtá-ìsã́ŋú-kã̀, tsí à ti tɔ́tseé si, tsí iŋɛ́ ɔ̀kã̀lɔ́ɔ̀kã̀ kpó yèé kpã́dzú#ɛ́ gbo ti wà ńnɛ̀. Ńbɛ̀ ní à nákó kpaɖí dzídzɛ#ɛ́ si fú àŋa#á.

16Tsí ɔmatsɛ́ ŋa#á dzì nɔ́ɔ̀nà, tsí à káà tó ńǹlú#ɛ́, tsí rí iŋɛ́ ŋa#á bɛ́ɛ̀ kpó, kíbí ó ti wíi fú ŋa#á, tsí à kpaɖí dzídzɛ-ɔɖɔ̃́-Àɖádzɔ̀ɔ́#ɛ́.

17Kíbí alɛ́lɛ́ lɛ́ ńǹkɛ̀ɛ́#ɛ́, Yèésù wáa tó òŋu ɔmatsɛ́‐ɛ̀ máàméèdzì ŋa#á. 18Ńǹwèrè yèé à dzokó si, tsí wà dzɛŋɛ́#ɛ́, Yèésù wà wí fú ŋa ní: Òŋu wà wí fú ŋa ní fee, ɛnɛ yèé bàkó ta òŋu#ɛ́, ó wà náàŋírĩ-ŋa bí, tsí wà dzɛŋɛ́ bá òŋu.

19Ńbɛ̀ɛ́, àŋa kpó, ara kú ŋa, tsí ɛnɛ kṹnukṹ wà bèrèé ní: Kò tsi èmi ni nɛ́? Kò tsi èmi ni nɛ́?

20Tsí ó wà wí fú ŋa ní: Ɔ̀nyà-kã̀ náàŋírĩ-àŋa máàméèdzì#ɛ́ ni, tsí ɛnɛ nyɛ̀ŋɛ̀ gbo wà mɔ́wɔ́ bɔ̀ náàwò ɔ̀kã̀ntso bá òŋu bí. 21Ó ɖi òŋu, Ɛnɛ yèé ɔ̀nyà bí#ɛ́†, òŋu kɛ́ tòŋu làkóò, kíbí à ti kɔɔ́ si ti nára-òŋu#ɛ́. Ó ɖi, ɛnɛ yèé nákó ta òŋu, Ɛnɛ yèé ɔ̀nyà bí#ɛ́, èhée fú ɛnɛ nyɛ̀ŋɛ̀. À kàá bí ɛnɛ nyɛ̀ŋɛ̀ gìɖì, ó má sã̀ fúu lárè.

Yèésù wà dzɛ dzídzɛ-ìkã́ã̀nyì bá adzítsɛ́‐ɛ̀ ŋa

(Màtéwò 26:26-29; Mákò 14:22-25; Lúkà 22:14-20; 1 Kòríntì ŋa 11:23-25)

22Kíbí à wà dzɛŋɛ́ làkóò#ɛ́, Yèésù kɛ́ kpɔ̃́nɔ́ banɛ́, tsí bere kùsɛ̀ɛ̀-Ɔ̀ɖáyé. Tsí ó tsɛ́ɛ, tsí ń bɔwɔ́-ŋa, tsí wà fɔ̀ fú ŋa ní: Ara-òŋu ni, ká gbà dzɛ.

23Tsí ó tɔ́ kɛ́ ɔtí ńkɔ̃́ŋúkɔ̃́ŋú-kã̀ banɛ́, tsí ɖɔ́kpɛ́ fú Ɔ̀ɖáyé. Tsí ó kɛ́ɛ fú ŋa, tsí àŋa kpó, à mɔɔ́. 24Tsí ó wà wí fú ŋa ní: Àmbara-òŋu ni. Àmbara yèé Ɔ̀ɖáyé ń tse ìmɔ̀lɛ̀ bá ŋa#á ńnɛ̀ɛ́. Àmbara#á ní ɖà ńlɛ̀, tsí à ń tsɛbɔ néwo-ɔ̀nyà ɛ̀gbɛ̀lɛ́ɛ̀gbɛ̀-kã̀#á. 25Ó ɖi, òŋu wà wí òtítɔ́ fú ŋa ní fee, òŋu kàkó mɔ ɔtí láyé ró títí fú ɔdzɔ́ yèé Ɔ̀ɖáyé nákó dzoyè#ɛ́. Ńǹwèrè nyɛ̀ŋɛ̀ ní òŋu nákó sɛ̃̀ mɔ ɔtí titɔ̃#ɛ́.

Yèésù fɔ̀ ní Òkúta nákó sɛ̃́ ní òŋu kò ma òŋu

(Màtéwò 26:30-35; Lúkà 22:31-34; Yòhánà 13:36-38)

26Tsí à kpé orĩ-ɔɖɔ̃́ ŋa kíkɔ̃. Kíbí à kɔ̃rĩ tã́#á, à fùɖá, tsí wáa lɔ nóòkè-Òlífì†.

27Tsí Yèésù wà wí fú ŋa ní: Àŋa kpó, à nákó sá kɔ òŋu dzɔ̀ɔ́. Iŋɛ́ yèé tse#ɛ́, à kɔɔ́ si ńǸwé-Ɔ̀ɖáyé† ní: “Màa kpa aró-àgùɖã̀#á, tsí àgùɖã̀ ŋa nákó túùnkã́ wérí.”#14:27 Ìwé-Sàkàríyà 13:7 (Zacharie 13:7)

28Ó ɖi, bí òŋu sɛ̃̀ dzí ti náàŋírĩ-òkú ŋa wá náyé tã́, òŋu nákó tsúwádzú-ŋa lɔ nérè-Gàlìlé.

29Tsí Òkúta fɔ̀ fú Yèésù ní: Bí ó dzɛ́ gìɖì ní ɛnɛ yèé bɔ̀ ŋa#á kpó sá kɔ̀ɔ́ dzɔ̀ɔ́, òŋu, òŋu kàkó tse bɛ́ɛ̀.

30Tsí Yèésù fɔ̀ fúu ní: Òŋu wà wí fúu ní fee, nɔ́mbɛ́ yèé ilɛ̀ má si#ɛ́, tã́ná àkìkɔ kó kɔ gbà méèdzì nóoru yèé bɛ́ gìɖì, nákó sɛ̃́ gbà mɛ́ɛta ní láyé òŋu kò tì mà òŋu.

31Tsí Òkúta tɔ́ wà le oŋù máa kũkũ ní: Bí òŋu nákó kú báa gìɖì gbo, òŋu kàkó sɛ̃́ láyé ní òŋu kò màá.

Tsí ɛnɛ yèé bɔ̀ ŋa#á gbo, à fɔ̀ bɛ́ɛ̀ kpó.

Yèésù lɔ káà wúùre ńGètsèmàné

(Màtéwò 26:36-46; Lúkà 22:39-46)

32Kíbí à gu òkè-Òlífì†#ɛ́, à káà tó ńǹɖì-kã̀. À náa kpe ibɛ̀ ní Gètsèmàné. Tsí Yèésù wà wí fú ɔmatsɛ́‐ɛ̀ ŋa ní: Ká dzokó ńbɛ̀, tsí òŋu kó sɔ́ lɔ káà wúùre tã́ná. 33Tsí ó kpe Òkúta òŋu Yàkúbù má nára-Yòhánà†, tsí à lɔ báa. Ńbɛ̀ɛ́, odzo kpée tsítse, tsi ó wà ɖíìhã̀ŋù gbo tó bɛ́ɛ̀. 34Tsí ó wà fɔ̀ fú ŋa ní: Ara yèé wà kú òŋu bɛ́#ɛ́ bàkó kpa òŋu. Ó ɖi, ká gbé bí, tsí wà nódzúfò si bá òŋu.

35Tsí ó sɔ́ lɔ ńwádzú oɖé, tsí káà kálɛ̀ gìrì, tsí kpé ìre wúwú, àtsùgbée bí ɔ̀nà wà, ni ìréré yèé bàa#á kó máa sɔ́má‐ɛ̀. 36Ó ní: Óò, Boba-mi! Iŋɛ́-kã̀ kpókpó kò le lárèɛ́. Òfò ìrɔ́ yèé bàa#á, sɔ́ɔ lɔ fú mi ɖé. Ó ɖi, máa tse iŋɛ́ yèé ǹ wà wò#ɛ́, tse iŋɛ́ yèé ìwɔ òŋu, ò wà wò#ɛ́.

37Kíbí ó wúùre tã́#á, ó sɛ̃̀ wá ńɖi-ɔmatsɛ́‐ɛ̀ ŋa#á, tsí ó wáa bá ŋa, tsí à sɔ̃rũ lɔ si. Tsí ó fɔ̀ fú Òkúta ní: Sìmɔ́nì, ò wà sɔ̃rũ niì? Ò kò nyáa gbé nódzúfò tó aŋgo ɔ̀kã̀ntso gìɖì gboò? 38Ká gbé nódzúfò si, tsí wà wúùre, àtsùgbée ká máa dzì náàɖã́wò. Odzú wo ire kó tse, àmí ní kò tó#ɛ́.

39Tsí ó sɛ̃̀ sɔ́ lɔ ńwádzú ró, tsí lɔ káà wúùre, tsí ó wà ɖɔ̃́ oŋù ɔ̀kã̀ntso#ɛ́ ké. 40Tsí ó tɔ́ sɛ̃̀ wá ńɖi-ɔmatsɛ́‐ɛ̀ ŋa#á ró, tsí ó wáa bá ŋa, tsí à sɔ̃rũ lɔ si. Odzú-ŋa wówo si gbegbé, à kàkó nyáa gbé nódzúfò. Ńbɛ̀ɛ́, à kò ma afɔ̀ mɛ̀ɛ́ ká wí fúu.

41Kíbí ó sɛ̃̀ wá nóláànkɛ́ɛta, tsí à sɔ̃rũ lɔ si ró#ɛ́, ó wí fú ŋa ní: Hũ̀ũ̀! Ká sɔ̃rũ rere, ká míra fú ara-ŋa! Ó ɖi, afɔ̀ tã́. Àsòkò tó, tsí ká mú òŋu, Ɛnɛ yèé ɔ̀nyà bí#ɛ́†, tsí ń bɔwɔ́-ɔ̀nyà-íbàɖí ŋa. 42Ká ǹɖe, tsí àŋa kó lɔ. Ká rí gé! Ɛnɛ yèé wà tà òŋu#ɛ́ wáa tó.

À mú Yèésù

(Màtéwò 26:47-56; Lúkà 22:47-53; Yòhánà 18:3-11)

43Ńǹɖì-bɛ̀ gbòkã́#á, oŋù-Yèésù kò tì dzilɛ̀ wòná, tsí Yúɖà wáa tó. Òŋu gbo wà náàŋírĩ-ɔmatsɛ́-Yèésù† máàméèdzì ŋa#á, tsí ó gbɛ̃́ ɔ̀nyà kpíkpɔ̀ tɛ̀ náànyì, tsí à banɛ́ tàsú ŋa òŋu ɔ̀kpá ŋa. Onùgbó-atsɛbɔ-Ɔ̀ɖáyé† ŋa òŋu akɔ́nɛ nɛ́kpa-Ɔ̀ɖáyé† ŋa má nára-onùgbó-ìlú#ɛ́ ŋa ní bɛ̀ ŋá tɛ̀ náànyì‐ɛ̀#ɛ́. 44Atanɛ nyɛ̀ŋɛ̀#ɛ́, ó ti ɖíre iŋɛ́ yèé nákó tse, tsí à nákó nyáa ma Yèésù#ɛ́. Ó ní: Ɛnɛ yèé òŋu nákó rɔlɛ̀ kí#ɛ́ ní dzɛ́ ɛnɛ yèé à wà wò#ɛ́. Ó ɖi, ká múu, tsí ká ɖèé rere, tsí ká gbɛ̃́ɛ̃ lɔ.

45Ńbɛ̀ɛ́, kíbí Yúɖà wáa tó gbòkã́#á, ó sɔ́ tìmá Yèésù, tsí fɔ̀ ní: Akɔ́nɛ.

Tsí ó rɔlɛ̀ kíi. 46Ńbɛ̀ɛ́, ɛnɛ-àtíbɔ̀ ŋa tìmá Yèésù ńǹkɛ̀ɛ́, tsí dzìí, tsí múu. 47Ńǹɖì-bɛ̀#ɛ́, ɔ̀nyà-kã̀ náàŋírĩ-ɛnɛ yèé wà bɛ̀ ŋa#á kpɔ tàsú‐ɛ̀ fùɖá, tsí ń tsá ɔ̀nyà-kã̀ náàŋírĩ-ŋa, tsí fá etí‐ɛ̀ ǹɖe. Ɛnɛ yèé à fa etí‐ɛ̀ nyɛ̀ŋɛ̀#ɛ́, arú-ɔ̀gã́-atsɛbɔ-Ɔ̀ɖáyé ŋa ní ó dzɛ́#ɛ́.

48-49Tsí Yèésù nyí, tsí wà rɔ́ fú ɛnɛ yèé bòkó wáa múu ŋa#á ní: Nɔ́dzɔ́ kɔ́dzɔ́, òŋu wà bá ŋa si ńlé-Ɔ̀ɖáyé, tsí wà tsɛ̀kɔ́ fú ŋa, tsí à kò sì mú òŋu wòrí. Tsí ó ɖi nóoru yèé bɛ́, tsí à bàkó wáa mú òŋu, tsí à ɖì gìrìdzàà wáa tó, tàsú ŋa òŋu ɔ̀kpá ŋa nɔ́wɔ́ kíbí à bòkó wáa mú olè-íbàɖí bɛ́ yí. Ó ɖi, iŋɛ́ ŋa#á lɔ bɛ́ɛ̀, àtsùgbée iŋɛ́ yèé à kɔ si ńǸwé-Ɔ̀ɖáyé† ti nára-òŋu#ɛ́, iŋɛ́ ŋa#á kó tsɛ.

50Tsí àŋa kpó, à sá kɔ̀ɔ́ dzɔ̀ɔ́ lɔ. 51Ɔ̀nyà-kã̀ wà náàŋírĩ-ŋa, ɔmɔ̀tsɔ́ ní ó dzɛ́#ɛ́, tsí ó wà nátsɔ si, tsí tɛ̀ náànyì-Yèésù làkóò. Tsí à dzi atsɔ‐ɛ̀#ɛ́, tsí múu, 52tsí ó gbã̀ ŋá, tsí kɔ atsɔ#ɛ́ dzɔ̀ɔ́ nɔ́wɔ́ fú ŋa, tsí sá lɔ néèwò néèwò.

À gbɛ̃́ Yèésù lɔ fú ɛgbɛ́-àkpɛ̀dzɔ́-ɔma-Ìyúɖà ŋa

(Màtéwò 26:57-68; Lúkà 22:4-5,63-71; Yòhánà 18:13-14,19-24)

53Ńbɛ̀ɛ́, à gbɛ̃́ Yèésù lɔ ńlé-ɔ̀gã́-atsɛbɔ-Ɔ̀ɖáyé ŋa†. Tsí onùgbó-atsɛbɔ-Ɔ̀ɖáyé† ŋa òŋu onùgbó-ìlú ŋa má nára-akɔ́nɛ nɛ́kpa-Ɔ̀ɖáyé† ŋa, à wá kpó. Àŋa ní dzɛ́ ɔ̀nyà-ɛgbɛ́-àkpɛ̀dzɔ́-ɔma-Ìyúɖà ŋa†#á, tsí à kpérí ní àŋa kó kpɛdzɔ́ fúu. 54Náàsòkò nyɛ̀ŋɛ̀#ɛ́, Òkúta tɛ̀ náànyì-Yèésù lɔ náàrìmáa sɔ́má-ŋa títí òŋu gbo wɔ̀ lɔ ńkpàtá-ɔ̀gã́-atsɛbɔ-Ɔ̀ɖáyé ŋa bá ŋa. Tsí ó káà dzokó bá àɖèlé-ilé#ɛ́ ŋa, tsí wà yɛ́ná.

55-56Ńbɛ̀ɛ́, onùgbó-atsɛbɔ-Ɔ̀ɖáyé ŋa òŋu ɛgbɛ́-àkpɛ̀dzɔ́-ɔma-Ìyúɖà ŋa#á kpó wà wo ká bu òɖòbò-kã̀ má Yèésù, tsí ká nyáa ń kpaá nóòkú. Ɔ̀nyà kpíkpɔ̀ wà bu òɖòbò máa. Ó ɖi, afɔ̀-arũ-ŋa kò dzɛ́ ɔ̀kã̀ntso. Ńbɛ̀ɛ́, à kò rí afɔ̀ yèé ká nyáa ń ɖáàbi fúu#ɛ́. 57Tsí ɔ̀nyà kã̀ŋa ǹɖe ńǹkɛ̀ɛ́, tsí wà bu òɖòbò máa, tsí wà fɔ̀ ní: 58Ó fɔ̀, tsí àŋa gbɔ́ ní, òŋu nákó fɔ́ ilé-Ɔ̀ɖáyé† yèé ɔ̀nyà mɔ́wɔ́ ma#á, tsí òŋu nákó mú ɔdzɔ́ mɛ́ɛta, tsí ń ma òmírɛ̃̀ yèé kàkó dzɛ́ ní ɔ̀nyà ní mɔ́wɔ́ maá#á.

59Náàyídzá-ŋa nyɛ̀ŋɛ̀ gìɖì gbo#ɛ́, arũ-ŋa kò ɖé ńnɛ̀.

60Tsí ɔ̀gã́-atsɛbɔ-Ɔ̀ɖáyé ŋa ǹɖe ɖóro náàŋírĩ-ŋa, tsí wà bere Yèésù ní: Afɔ̀ yèé ɛnɛ nyɛ̀ŋɛ̀ ŋa wà fɔ̀ ti nára‐ɛ̀#ɛ́ fe, kò nɛ́ afɔ̀-kã̀ kpókpó, tsí kó fɔ̀ɔ̀?

61Tsí Yèésù tsikó kpíríkpírí. Kò dzɔ́ŋù-kã̀ kpókpó fúu. Tsí ɔ̀gã́-atsɛbɔ-Ɔ̀ɖáyé ŋa sɛ̃̀ wà bèrèé ró ní: Òŋu ní dzɛ́ Kírísítò, Ɔma bíbí-Ɔ̀ɖáyé#ɛ́ɛ̀?

62Tsí Yèésù ní: Ɛ̃ɛ̃, òŋu ni. Tsí àŋa kpó, à nákó rí òŋu, Ɛnɛ yèé ɔ̀nyà bí#ɛ́†, tsí òŋu nákó dzokó náàwóòtã́-Ɔ̀ɖáyé Olíkpá, tsí à nákó rí òŋu, tsí òŋu nákó bɔ́ ti ńǹgbèrí ńnɔ́-irì-kã̀ gbo wá.

63Kíbí ó wí bɛ́ɛ̀#ɛ́, ó dza ɔ̀gã́-atsɛbɔ-Ɔ̀ɖáyé ŋa#á nára, tsí ó fa ìwɔ̀ra-ara tòŋu ká‐ɛ̀ ya, tsí wà fɔ̀ ní: Ó tã́. Àyídzá-kã̀ kò lárè bɛ́ ró. 64Ó ɖi, àŋa kpó, à gbɔ́ kíbí ó gbɛ̃ɛ̃́rĩ́ ɛ́kɔ-Ɔ̀ɖáyé#ɛ́ nɔ̀! Ó ɖi, bí à rí gbà fáà?

Tsí àŋa kpó, à ɖáàbi fúu, tsí ní ká kpaá nóòkú.

65Ńbɛ̀ɛ́, ɔ̀nyà kã̀ŋa náàŋírĩ-ŋa ti wà titɔ́ ɖàbòó, tsí mú iŋɛ́-kã̀ ɖi odzú‐ɛ̀, tsí wà gúu náàkɔ̃́, tsí wà wí fúu ní: Ɛnɛ yèé kpaá#á kó màá, tsí fɔ̀ɔ́.

Tsí sɔ́dzà ŋa gbàá, tsí wà kpa ìgbètí fúu.

Òkúta wà sɛ̃́ ní òŋu kò ma Yèésù

(Màtéwò 26:69-75; Lúkà 22:55-62; Yòhánà 18:15-18,25-27)

66Ńǹwèrè nyɛ̀ŋɛ̀#ɛ́, Òkúta, òŋu wà ńǹsàlɛ̀ ńkpàtá#á si, tsí èkíɖã-kã̀ wáa tó. Òŋu gbo wà náàŋírĩ-àtsìtsɛ́-ɔ̀gã́-atsɛbɔ-Ɔ̀ɖáyé ŋa†#á ni. 67Tsí ó rí Òkúta kíbí ó wà yɛ́ná#á. Ńbɛ̀ɛ́, ó wo odzú‐ɛ̀ rere, tsí wà wí fúu ní: Òŋu gbo wà bá Yèésù ti Nàsàrɛ́tì#ɛ́.

68Tsí Òkúta sɛ̃́ ní: Òŋu kò ma afɔ̀-kã̀, tsí òŋu kò gbɔ́ òkpì-afɔ̀ yèé ó wà fɔ̀#ɛ́ gbo.

Tsí ó ǹɖe ńkpàtá#á, tsí lɔ nárũ-ɔgbà-kpàtá#á. Tsí àkìkɔ-kã̀ kɔ. 69Tsí èkíɖã#á sɛ̃̀ ríi, tsí wà wí fú ɛnɛ yèé wà bɛ̀ ŋa#á ní: Ɛnɛ yèé bɛ́ gbo wà náàŋírĩ-ŋa náa.

70Tsí ó tɔ́ sɛ̃́ ró. Títí kó bɔ oɖé#ɛ́, ɛnɛ yèé wà bɛ̀ ŋa#á, à wà wí fúu ró ní: Ìɖéǹɖè ni, òŋu gbo wà náàŋírĩ-ŋa. Ó ɖi, ɛnɛ-ɔwɔ́-Gàlìlé ŋa ní ó dzɛ́#ɛ́.

71Tsí ó kpé fífɔ̀ ní: Òŋu kpe iŋɛ́-kã̀ si ńǹtá‐ɛ̀ ní òŋu kò ma ɛnɛ yèé à wà fɔ̀#ɛ́ náa. Ó ɖi, èhée fú òŋu bí ó dzɛ́ ní òŋu wà tsòɖòbò.

72Tsí ńǹɖì-bɛ̀ gbòkã́#á, àkìkɔ kɔ nóláànkéèdzì. Tsí Òkúta tédzú kíbí Yèésù fɔ̀ fúu ní: Àkìkɔ kàkó kɔ gbà méèdzì tã́ná nákó sɛ̃́ gbà mɛ́ɛta ní òŋu kò ma òŋu#ɛ́. Ńbɛ̀ɛ́, ó ɖi àbámà fúu, tsí ó wà sɔkṹ.

Currently Selected:

Mákò 14: ngl

Highlight

Copy