2 Kòríntì ŋa 2
2
1Ńbɛ̀ɛ́#ɛ́, ǹ lɔ ńǹsérè, tsí ǹ fɔ̀ ní ǹ kàkó sɛ̃̀ gbà wá ńɖi-ŋɛ́ ró, tsí n wáa mú ara kú ŋɛ́ nóláànkéèdzì‐ɛ̀. 2Fee, bí ó dzɛ́ ní ǹ mú ara kú ŋɛ́, nɛ̀ɛ́ nákó mú ayè tɛ́ mi ró ná, tsí kò tsi ɛ̀ŋɛ#ɛ́ ké? 3Iŋɛ́ yèé tse tsí ǹ fɔ̀ bɛ́ɛ̀ si ńǹwé yèé ǹ tse wá fú ŋɛ́ nyɛ̀ŋɛ̀#ɛ́ ní dzɛ́ ní ǹ kò wà wò ní n wáa tó ńɖi-ŋɛ́ tã́, tsí ɛnɛ yèé ŋa gìɖì má mú ayè tɛ́ mi#ɛ́, ká wáa mú ara kú mi. Ǹ karalé si ńǹtá-ŋɛ́ ní bí ayè wà tɛ́ mi, náa dzɛ́ ayè títɛ́ fú ɛ̀ŋɛ gbo kpó. 4Ńǹwèrè yèé ǹ tse ìwé nyɛ̀ŋɛ̀ wá fú ŋɛ́#ɛ́, ǹ wà gbɔ́ ɖíɖɔ̃̀ tó bɛ́ɛ̀, oŋù-ɛ̀ɖɔ̃̀-mi bàkó ká, tsí inyɔ́kṹ gbo wà lɔ nódzú-mi bàràà ni. Ó ɖi fee, ǹ kò tse ìwé#ɛ́, tsí n ń mú ara kú ŋɛ́. Kà kàa bɛ́ɛ̀, ǹ tseé wá fú ŋɛ́, tsí kíbí ǹ nɛ́ àmúɖɔ̃̀ fú ŋɛ́ tó gbà#á, e ríi mà ni.
Ɛnɛ yèé tse íbàɖí#ɛ́, è ń tɔrɛ fúu
5Bí ɔ̀nyà-kã̀ bá ara kúkú wá#á, kò tsi èmi ní ó mú ara kú#ɛ́. Ɛ̀ŋɛ kpó ni. Nàmí bí ó góró#ɛ́, tsí kó máa dzɛ́ ní ǹ sɛ̀gú si ńnɛ̀#ɛ́, ó mú ara kú ɔ̀nyà kpíkpɔ̀ náàŋírĩ-ŋɛ́ ni. 6Tsí ìrɔ́-ɔ̀nyà nyɛ̀ŋɛ̀#ɛ́, etí yèé ɔ̀nyà kpíkpɔ̀ náàŋírĩ-ŋɛ́ fà fúu#ɛ́, ó sã̀ bɛ́ɛ̀. 7Ńnɛ̀ ní báàyí#ɛ́, kà kàa e fɛtí fúu ró#ɛ́, è ń tɔrɛ fúu, tsí e ɖáàmí leé, àtsùgbée ara kó máa kúu kadzá. 8Ńbɛ̀ɛ́, ǹ wà ɖáàmí le ŋɛ́ ní e nyà ɖíre fúu ní è nɛ́ àmúɖɔ̃̀ fúu ìɖéǹɖè. 9Tã́ná n tse ìwé nyɛ̀ŋɛ̀ wá fú ŋɛ́#ɛ́, ǹ nɛ́ ìsérè-kã̀ gbo. Òŋu ní wà dzɛ́ ní ǹ wà wò ní n tse àɖã́wò-kã̀ fú ŋɛ́, tsí n rí káyí ní fee, è wà gbɔ́ɔ̀lú fú mi rereè. 10Bí ɔ̀nyà-kã̀ tse kò sã̀, tsí è ń tɔrɛ fúu, èmi gbo ǹ ń tɔrɛ fú ɛnɛ nyɛ̀ŋɛ̀. Tsí bí ó dzɛ́ ní ǹ mú íbàɖí-kã̀, tsí ń tɔrɛ fúnɛ#ɛ́, àtsùgbée tiŋɛ́ ni ńǹtsodzú-Kírísítò, tsí ǹ ti ń tɔrɛ fú ɛnɛ nyɛ̀ŋɛ̀ gbo ná. 11Ǹ tse bɛ́ɛ̀, àtsùgbée àa kó máa dzɛ́ fú Ètsù†, tsí kó rú wa, iŋɛ́ yèé tse#ɛ́, kò dzɛ́ ní àwa ká-wa àa kò ma iŋɛ́ yèé wà ńǹsérè si fúu#ɛ́.
Kpɔ́lù wà ɖíìhã̀ŋù ńǹlú-Tòrásì
12Ǹ lɔ ńǹlú-Tòrásì, tsí n káà dzíkɔ̀ ɖíɖɔ̃̀ ti nára-Kírísítò. Tsí kíbí ǹ lɔ káà tó#ɛ́, ǹ rí ní Ɔlá-wa ti tsí ɔ̀nà si fú mi fú itsɛ́#ɛ́ tsítse. 13Ó ɖi, ǹ wà ńǹhã̀ŋù ɖíɖá si, iŋɛ́ yèé tse#ɛ́, ǹ kò rí ìnàbí-mi Títò bɛ̀. Ńbɛ̀ɛ́, ǹ kã́rã́ ɛnɛ-ìlú-Tòrásì ŋa, tsí ǹ ǹɖe bɛ̀, tsí dzì nɔ́ɔ̀nà-ilɛ̀-Màkɛ̀ɖónìyà.
Àdzàbɔ́ wà ńɖi-Kírísítò
14Ó ɖi, ɔkpɛ́ kɔ́kpɛ́ ni ti Ɔ̀ɖáyé ni. Nɔ́dzɔ́ kɔ́dzɔ́ náa wà gbɛ̃́ wa tɛ̀ náànyì-Kírísítò wɛ̀wɛ̀wɛ̀, àtsùgbé-àdzàbɔ́ yèé Kírísítò dzɛ#ɛ́. Náa lò wá gbo, tsí ń tse tsí èsì-Kírísítò kó bà ńǹrɔ́-kíbí àɖɛ̃́ rṹrũ̀ fĩ́rĩ́fĩ́rĩ́ náa gba ìɖìkíìɖì si kpó bɛ́#ɛ́ ni. 15Fee, àa wà kíbí àɖɛ̃́ rṹrũ̀ fĩ́rĩ́fĩ́rĩ́-kã̀ bɛ́ ni, tsí rṹrũ̀-wa#á wà dzíkɔ̀-Kírísítò, tsí wà nyɛ Ɔ̀ɖáyé. Ɛnɛ yèé Ɔ̀ɖáyé wà gbà là ŋa#á wà gbɔ́ rṹrũ̀-wa, ɛnɛ yèé ŋa wà nɔ́ɔ̀nà-ɛ̀rá làkóò si#ɛ́ gbo wà gbɔ́ rṹrũ̀-wa. 16Ɛnɛ yèé ŋa wà nɔ́ɔ̀nà-ɛ̀rá làkóò si#ɛ́, rṹrũ̀-ikú yèé náa fa ikú wá#á ní à wà gbɔ́#ɛ́. Ó ɖi, ɛnɛ yèé ŋa wà nɔ́ɔ̀nà-àyɛ̀ làkóò si#ɛ́, rṹrũ̀-àyɛ̀ yèé náa fúnɛ náàyɛ̀#ɛ́ ní à wà gbɔ́#ɛ́. Tsí nɛ̀ɛ́ nákó nyáa tóòsũ̀-ìrɔ́-itsɛ́ nyɛ̀ŋɛ̀? 17Nóòtítɔ́#ɛ́, àa kò wà mú afɔ̀-Ɔ̀ɖáyé, tsí wà ń wo owó kíbí ɔ̀nyà kpíkpɔ̀ wà tseé#ɛ́. Àwa òŋu, àa wà dzíkɔ̀ ɖíɖɔ̃̀#ɛ́ òŋu òtítɔ́. Tsí Ɔ̀ɖáyé ní bɛ̀ wá#á, tsí àa wà dzíkɔ̀#ɛ́ ńǹtsodzú tòŋu ká‐ɛ̀, tsí Kírísítò tse ɔ̀kã̀ntso bá wa gbo si.
Currently Selected:
2 Kòríntì ŋa 2: ngl
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
