នាវនតើម 34
34
ឆីមោន នទ្រែលមាលេវីឆើមព្លើងលើសអ៝ន់មាអ៝សឞូអូរខាន់ពាង់
1 ដីនាអីក៝នលេអាឞាៈអ៝ន់មាយាកោបនៃនើស ពាង់ហាន់ខ៝ល់ផូងឞូអូរតាឞ្រីនៃ។ 2ទោលនៃគែសទូហ្វេឞូក្លោរាញាឆីកែមអីឞឹពាង់រាញាហាម៝រផូងហីវី ជេងកោរាញតាឞ្រីនៃ ឆីកែមឆៃដីនា ញុបត៝មគែសអោឞាល់។ 3ពាង់ទីមាត់ងាន់មាដីនាក៝នយាកោបរី ពាង់រ៝ង់ហោងាន់មាឞូអូរនៃ មឞើសងើយអ្វែសៗមាពាង់។ 4ឆីកែមលាសមាហាម៝រអីឞឹពាង់នៃ៖ “អើឞឹ ដាៈមៃអោបវាង់ឞូអូរនៃ គ៝ប់អុចឆ៝ៈពាង់ជេងអូរគ៝ប់”។ 5យាកោបលែៈគឹតជេសឆីកែមលើសអ្យើសមាក៝នឞូអូរពាង់រី យើនមាពាង់គុអ្យាត់ឆាក់រាក្លាក់ទើម យ៝រលាសទឹងលែៈក៝នឞូក្លោពាង់ហោមគុច្យាប់អាជារីទាទេ ពាង់ក៝ប់ត៝ត់ខាន់ពាង់ឆឹតឞើសរី។
6យើនមាហាម៝រអីឞឹឆីកែមរី ហាន់តឹមម៝ប់ដាសយាកោប គៃមាតឹមងើយនទ្រែលពាង់។ 7ត៝ត់មាផូងក៝នយាកោបឆឹតតាៈឞើសច្យាប់រី ខាន់ពាង់តាង់នាវនៃ ខាន់ពាង់ទោសនូយ្សហោងាន់រ៝ ខាន់ពាង់ជីនូយ្សទុតហោមាឆីកែមយ៝រមានទើពាង់លែៈជានទុតបឹតារានាក់វ៝ល់យាកោប នាវពាង់ញុបត៝មក៝នឞូអូរយាកោប យ៝រលាសនទើនៃឞូមោអោសទីមាជាន។ 8ហាម៝រងើយមាយាកោប នទ្រែលមាលែៈក៝នឞូក្លោពាង់៖ “ឆីកែមក៝នគ៝ប់ ពាង់លែៈទីមាត់ងាន់មាក៝នឞូអូរមៃនៃ គ៝ប់ទាន់ខាន់មៃអ៝ន់ឞូអូរនៃដាសពាង់ ព្រែមាឆ៝ៈជេងអូរ។ 9អ៝ន់ខាន់មៃតឹមរាង្លាប់ដាសហេនទោ អ៝ន់ក៝នឞូអូរខាន់មៃតឹមនអាប់ដាសហេន ជេសរីហេនព្លើងអ៝ន់ក៝នឞូអូរហេនតឹមនអាប់ដាសខាន់មៃដ៝ង់។ 10អ៝ន់ខាន់មៃគុនទ្រែលហេនតាអ្យា ឞ្រីហេនឆ៝យ្សមាអ៝ន់ខាន់មៃ ខាន់មៃគុទោតាឞ្រីអ្យា តាច់រាគ៝ល់ទ្រាប់នទើ រាវាត់នែសមាគែសនតុកខាន់មៃនើមគុ”។ 11ជេសរីឆីកែមងើយមាយាកោប នទ្រែលមាអីនោៗដីនារីដ៝ង់ ពាង់លាស៖ “ទាន់ខាន់មៃយោៈមាគ៝ប់ ម៝សនទើខាន់មៃកែស គ៝ប់អ៝ន់ទាទេ។ 12អ៝ន់ខាន់មៃកែសនទើខ្លៃឞើសគ៝ប់ មោលាសកែសទ្រាប់នទើទុតអ៝ក់កាដោយ ម៝សនទើខាន់មៃកែសឞើសនៃគ៝ប់អ៝ន់ទាទេ អ្យាត់មាខាន់មៃអ៝ន់អ៝សឞូអូរខាន់មៃនៃមាជេងអូរគ៝ប់”។
13ជេសរីផូងក៝នយាកោបព្លើងអើសនាវឆីកែម នទ្រែលមានាវហាម៝រអីឞឹរី ខាន់ពាង់អុចនទើម យ៝រលាសឆីកែមលែៈជានអ្យើសមាដីនាអ៝សខាន់ពាង់នៃ ខាន់ពាង់លាស៖ 14“មោទើយអោសហេនអ៝ន់អ៝សហេនមាផូងឞូក្លោមោគែសក៝សនតោ។ លាសហេនជានកើតនអា ហេនដីតព្រេងទុតហោងាន់រ៝។#១៧:៩-១៤ 15លាសខាន់មៃអុចក៝សនតោកើតហេន ទឹងលែៈផូងឞូក្លោតាផូងខាន់មៃអ៝ន់ក៝សនតោទាទេដ៝ង់ រីមើហេនឆ៝ៈទើននាវខាន់មៃនៃ។ 16ទឹងហេនអ៝ន់ក៝នឞូអូរហេនមាខាន់មៃ តៃហេនព្លើងឆ៝ៈក៝នឞូអូរខាន់មៃដ៝ង់ ទឹងហេនគុនទ្រែលមាខាន់មៃ ជេសរីឞ៝ន់នហ៝មាជេងទូផូងទើម។ 17យើនមាលាសខាន់មៃមោអុចក៝សនតោកើតហេន ហេនឆ៝ៈលើយអ៝សឞូអូរហេន ជេសរីទូឞើសនតុកអ្យា”។
18នាវងើយនៃទីនូយ្សក្លឺៈងាន់មាហាម៝រ នទ្រែលមាឆីកែមក៝នពាង់រី។ 19ឆីកែមមោហោមអោសរ៝ងក៝ប់ជ៝ៈដ៝ង់ជាននាវនៃ យ៝រលាសពាង់រ៝ង់ហោងាន់មាក៝នឞូអូរយាកោប។ តារានាក់វ៝ល់ហាម៝ររីឞូយើកឆីកែមរាលាវឞូ។ 20ជេសរីហាម៝រ នទ្រែលមាឆីកែមក៝នពាង់ហាន់ត៝ត់តាមពោងមពេរប៝នខាន់ពាង់នើម លាសមាផូងឞូក្លោតាប៝ននៃ៖ 21“ផូងខាន់ពាង់នៃអុចគុដាប់មពាន់នទ្រែលឞ៝ន់ លាសនទ្រីរ៝មខាន់ពាង់ អ៝ន់ខាន់ពាង់គុតាឞ្រីអ្យាតាច់រាគ៝ល់ទ្រាប់នទើនទ្រែលឞ៝ន់ទោ យ៝រលាសនែសឞ៝ន់ហ្វីដ៝ង់ ត៝ង់មារ៝មអ៝ន់ខាន់ពាង់គុ។ អ៝ន់ឞ៝ន់ឆ៝ៈក៝នឞូអូរខាន់ពាង់មាជេងអូរ ជេសរីអ៝ន់ក៝នឞូអូរឞ៝ន់មាខាន់ពាង់មាជេងអូរដ៝ង់។ 22យើនមាទឹងខាន់ពាង់អុចគុនទ្រែលឞ៝ន់ គៃមាជេងទូផូង អ៝ន់ទឹងលែៈផូងឞូក្លោតាផូងឞ៝ន់ក៝សនតោអ៝ន់កើតខាន់ពាង់ដ៝ង់មើ។ 23លាសឞ៝ន់ជានកើតនៃ ទឹងលែៈទ្រាប់នទើខាន់ពាង់ នទ្រែលមាមពោមពា(ឆ្យុម)ខាន់ពាង់ជេងទ្រាប់នទើឞ៝ន់ទាទេរ៝។ ហោៈ អ៝ន់ឞ៝ន់ជានកើតនាវខាន់ពាង់ទាន់ អ៝ន់ខាន់ពាង់គុនទ្រែលឞ៝ន់”។ 24ទឹងលែៈឞូក្លោតាប៝ន#៣៤:២៤៖ «ទឹងលែៈឞូក្លោតាប៝ន» តានាវងើយហេឞ្រើលាស៖ «ទឹងលែៈផូងលោសឞើសមពោងមពេរប៝ន»។នៃ ខាន់ពាង់អ្យាត់នាវហាម៝រ នទ្រែលមាឆីកែមក៝នពាង់រី ជេសរីទឹងលែៈផូងឞូក្លោតាប៝នអីនៃក៝សនតោទាទេ។
25ត៝ត់ពែនាររី ទឹងលែៈឞូក្លោតាប៝ននៃហោមជីទាទេ ជេសរីក៝នយាកោបឞារហៃ ឆីមោន នទ្រែលមាលេវីអីនោទូមែឞាៈមាដីនារី ខាន់ពាង់ញអោតដាវហាន់លាប់តាត្រោមប៝ននៃ ឆ្រែសទឹងលែៈផូងឞូក្លោតាប៝ននៃលែៈផ្យៅ មោគែសអោសទូហ្វេមាតឹមរាទ៝ង់ដាសខាន់ពាង់។ 26ខាន់ពាង់ងខឹតហាម៝រ នទ្រែលមាឆីកែមក៝នពាង់រីមាដាវ ជេសរីឆ៝ៈដីនាលោសឞើសជៃឆីកេមនៃ ឆឹតតានតុកខាន់ពាង់នើម។ 27ទឹងលែៈក៝នឞូក្លោយាកោបអាបាៈអេង ខាន់ពាង់ហាន់ត៝ត់តាផូងឞូនុយ្សខឹតរី ជេសរីលាប់ឆ៝ៈគ្រ៝ទ្រាប់នទើតាប៝ននៃញច្វាន់លែៈផ្យៅ យ៝រលាសឞូនុយ្សតាប៝ននៃលែៈជានអ្យើសអ៝ន់មាដីនា។ 28ខាន់ពាង់ឆ៝ៈលែៈឞែឞ្យាប់ ឆ៝ៈលែៈឞែ ឆ៝ៈលែៈនទ្រោក ឆ៝ៈលែៈឆែសលៀតាប៝ន នអ៝ប់មាតាមីរ។ 29ខាន់ពាង់ឆ៝ៈញច្វាន់លែៈផ្យៅទ្រាប់នទើឞូនុយ្សតាប៝ននៃ ញុបអូរញុបក៝នដ៝ង់ នទ្រែលមាទឹងលែៈទ្រាប់នទើតាញីសជៃខាន់ពាង់ឆ៝ៈរាគូមលែៈផ្យៅ។ 30ជេសរីយាកោបលាសមាឆីមោន នទ្រែលមាលេវីក៝នពាង់រី៖ “ខាន់មៃជានអ៝ន់គ៝ប់គែសនាវរាវៃងាន់ ជានអ៝ន់ផូងកានាន នទ្រែលមាផូងពេរិឆីតតាឞ្រីអ្យាឞូជីឞ្យាញ់មាគ៝ប់។ លាសឞូរាគូមឞាល់ហាន់លើសគ៝ប់ ខាន់ពាង់មរាងគ្រ៝សលើយគ៝ប់ នទ្រែលមារានាក់វ៝ល់គ៝ប់ យ៝រលាសឞាល់គ៝ប់គែសដេៈទើម”។ 31យើនមាឞារហៃខាន់ពាង់អើសមាពាង់៖ “ហេនមោអុចអោសឞូជានមាអ៝សហេនតឹមឞានមាទូហ្វេឞូអូរវាង់តឹរ”។
Currently Selected:
នាវនតើម 34: cmoK
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
