Mako 9

1Alino atwalilila kuvwanga ati, “Cumi namunena nati, apano yali yamwi pano atalafwa kufika lino yalalola Wene wakwe Leza ukwiza na maka.”

Yesu wakaoka pa mwamba

(Mat 17:1-13; Luk 9:28-36)

2 # 2Pet 1:17 Pacisila ca manda mutanda Yesu asenda Petulo, Yakobo, na Yoane, ayatungulula yaya pa mwamba utali, kuno yene yali onga. Lyene yalola Yesu wakaoka, 3#2Pet 1:17 ni vizwalo vyakwe viyengesa cuze kuluta vino kapanga wa nsalu muno nsi angaviswefya. 4#2Pet 1:17 Lilyo kwene alondezi yatatu yalola Eliya na Mose ala yakuvwanzyanya na Yesu. 5#2Pet 1:17 Petulo anena Yesu ati, “Kasambilizya, catuzipila kuti twali tutenzi kuno kwene. Tumakuula insakwe zitatu, yonga iyakwako, yuze iyakwe Mose, nayuze iyakwe Eliya.” 6#2Pet 1:17 Wene pali pamwi na auze yuvwile intete cuze. Caleka atamanyile na cino akuvwanga.

7 # Mat 3:17; Mk 1:11; Luk 3:22; 2Pet 1:17 Lyene ikumbi liiza liyavimba, ni zwi lyuvwika kufuma mwi kumbi liti, “Wii, Mwanane mukundwe, mwamuvwa!” 8Lilyo kwene yacelecensya konsikonsi lelo yataweni nanti umwi, suka sile Yesu uwali nao.

9Lyene lino yacili tentemuka mwamba, Yesu ayapeela ilamulo ati, “Mutanena nanti umwi pali vino mwali mwalola, kufika lino Mwana wa Muntu alazyukuka kufuma ku afwe.”

10Lyene yayela ilamulo lyakwe, lelo yavwanzyanya aisikulu yati, “Uzye kuzyukuka kufuma ku mfwa cikusenula cani?” 11#Mal 4:5; Mat 11:14 Alino yuzya Yesu yati, “Uzye pacani yakasambilizya ya Masunde yakati Eliya aliiza inkolelo?”

12Yesu nawe aasuka ati, “Cumi, Eliya akwiza inkolelo kuti alungike vintu vyonsi. Uzye pacani amalembelo yakati Mwana wa Muntu ali nu kucula cuze nga nu kuzewana? 13Lelo namunena vino Eliya wataiza, na antu yamucitila vintu vyonsi vino yakasi, wakwe vino calembwa mu malembelo pali aliwe.”

Yesu wapozya mwana mulumendo uwali nu mupasi wankota

(Mat 17:14-21; Luk 9:37-43)

14Lyene lino iiza yuminkana na alondezi yauze, yalola iumba likulu cuze lyati liyazinguluka ala na yakasambilizya ya Masunde yamwi yakupazyanya nao. 15Lino antu yalola Yesu, yazunguka cuze, lyene yasimwilila kunoli yamulamuka. 16Yesu auzya alondezi yakwe ati, “Uzye mukupazyanya cani nao?”

17Umuntu umwi mwi umba aasuka ati, “Kasambilizya, nali naleta mwanane umonsi kunuli, pano akweti mupasi wankota munoli nupya asyavwanga. 18Insita yonsi lino mupasi wankota wamulema, ukamuponya pansi, alino afumya itomvu ku mulomo, alumanya incecete nga nu mwili onsi ukoma. Nali nuzya alondezi yako kuti yaufumye, lelo yali yaposiwa.”

19Yesu ayanena ati, “Ala! Mwe antu amu mukulo usi na utailo! Uzye namaya namwe kufika lilaci? Uzye namamutekelela kufika lilaci? Muletini kunondi!”

20Lyene yamuleta kunoli. Lilyo kwene lino mupasi wankota walola Yesu, uutensya mwana na maka, umuponya pansi umufulukusya ala akufuma itomvu ku mulomo. 21Yesu auzya isi wa mwana ati, “Papita manda yanga pano camulemela?” Nawe amunena ati, “Kufuma ku wance wakwe.” 22Insita izingi mupasi wankota ukalonda kumukoma pa kumusumbila mu moto limwi mu manzi. Uye ni nkunkunsi pali sweswe nu kutwazwa, ndi cingacitika.

23Yesu nawe aasuka ati, “Pacani wati ndi cingacitika? Icintu consi icangupale ku muntu wino ali nu utailo.”

24Isi wa mwana asanzika izwi ati, “Nataila, lelo ungazwe kuti nkwatisye utailo.”

25Yesu alola iumba likupalamila kunoyali. Alino akalipila mupasi wankota ati, “We mupasi wankota wakwe ucipuuli na uciulu, nakunena kuti ufume mu mulumendo nupya utakaswilile munoli.”

26Mupasi wankota upunda, uutensya mwana na maka umufulukusya, alino ufuma munoli. Mulumendo aloleka wa mufwe, nu muntu wensi avwanga ati, “Wafwa!” 27Lelo Yesu alema mulumendo pi kasa amwazwilizya kuti akatuke, nawe akatuka.

28Pacisila lino Yesu wingila mu ng'anda, alondezi yakwe yamuzya mu nkama yati, “Uzye pacani cino swemo twali twaposiwa kufumya mupasi wankota?”

29Yesu nawe aasuka ati, “Kusi cuze cingafumya mupasi wankota ndi uu suka mwapepa.”

Yesu wasowela nupya pa mfwa yakwe

(Mat 17:22-23; Luk 9:43-45)

30Yesu na alondezi yakwe yafuma pa cifulo cici yapita yapuzya mu Galile. Yesu atalondanga kuti umuntu nanti umwi amanye kunoyali, 31pano wasambilizyanga alondezi yakwe ati, “Mwana wa Muntu alakoopelwa ku antu alamukoma. Nanti cilaya vii, pacisila ca manda yatatu alazyukuka nu kuya nu umi.”

32Lelo yene yatamanyile vino usambilizyo u wasenulanga, nga yuvwile intete kuti yamuzye.

Uzye mukulu aweni?

(Mat 18:1-5; Luk 9:46-48)

33Alino iiza ku Kapenaumu. Lino ingila mu ng'anda Yesu auzya alondezi yakwe ati, “Uzye mwali mukupazyanya cani mu nzila?” 34#Luk 22:24 Lelo yataswike, pano umu nzila yapazyanyanga aisikulu pa kumanya wino uwali mukulu panoyali. 35#Mat 20:26; 23:11; Mk 10:43; Luk 22:26 Yesu aikala pansi, aama alondezi ikumi na yaili, ayanena ati, “Wino wensi akulonda aye wankolelo alinzile aye wacisila, nu kuya muomvi wakwe onsi.” 36Alino atoola mwana munono amwimika pa nkolelo yao. Lyene amufukatila na makasa yakwe, nga ayanena ati, 37#Mat 10:40; Luk 10:16; Yoa 13:20 “Wino wensi akazengela wenga uwamu ana anono wakwe wii pamulandu wane, ala wanzengela. Na wino wensi uwanzengela, asikuzengela nene lelo wazengela wino uwantuma.”

Wino wensi asikutulwisya ala ali naswe

(Luk 9:49-50)

38Yoane nawe amunena ati, “Kasambilizya, twaweni umuntu umwi ala akufumya mipasi yankota mwi zina lyako, nga twamulesizye, pano asi uwa mwi umba litu.”

39Lelo Yesu ayanena ati, “Mutamulesya, pano pasi umuntu angacita cinjelengwe mwi zina lyane na pacisila alande viipe panondi. 40#Mat 12:30 Pano wino wensi asikutulwisya ala ali naswe. 41#Mat 10:42 Cumi namunena vino wino wensi akumupeela ulwako lwa manzi pano mwemwe yakwe Klistu, Leza atalaposiwa kumulambula.”

Intulo ya maifyo

(Mat 18:6-9; Luk 17:1-2)

42“Muntu umwi ndi alalenga wenga uwamu ana anono uwantaila ukwifya, cazipila umuntu wiyo kumunyepelela iwe lyakusiila likulu mu nsingo nu kumusumbila muli yemba. 43#Mat 5:30 Caleka ndi ikasa lyako lyakulenga kwifya, liputule! Cakuzipila ukwingila mu umi na makunkutu kuluta ukuya na makasa yaili nu kusumbwa mu Gehena,#9:43 Gehena: icifulo ca ulovyo muno umoto usyazimiwa. Nupya cilangililo ca uputuzi wakusyalikizya ukwiza. [44muno ingonyo zyao zisifwa nu moto usyazimiwa.] 45Ndi kulu lyako lyakulenga ukwifya, liputule! Cakuzipila ukwingila mu umi wapee ni kulu lyonga kuluta kusumbwa mu Gehena, [46muno ingonyo zyao zisifwa nu moto usyazimiwa.] 47#Mat 5:29 Nanti linso lyako lyakulenga ukwifya litonkole! Cakuzipila kwingila mu wene wakwe Leza ni linso lyonga kuluta kuya na manso yaili nu kusumbwa mu Gehena.” 48#Eza 66:24 Kuku “Ingonyo izikayalya zisifwa, nu moto usyazimiwa.”

49“Pano umuntu wensi alaswefiwa nu moto wa macuzi ndi vino impolelwa ikaswefiwa nu musilya.

50 # Mat 5:13; Luk 14:34 “Umusilya uusuma, lelo ndi wazunduka uzye nupya ungaukalifya uli? Uwikazi winu uye kwati ucemekwe nu musilya nga muye nu mutende pakasi kinu.”

Yesu wasambilizya pamulandu wa kutaana

Currently Selected:

Mako 9: MamL13

Highlight

Copy