Eòin 5
5
1 Leighis Iosa air là na sàbaid an duine a bha fo leòn rè ochd‐bliadhna‑deug‐thar‐fhichead: 10 rinn na h‑Iùdhaich uime sin connsachadh ris, agus geur‐leanmhainn air.
1Na dhèidh seo bha fèill nan Iùdhach ann#Lebh 23:2, etc.; Deut 16:16; agus chaidh Iosa suas gu Ierusalem.
2A‑nis tha ann an Ierusalem, làimh ri geata nan caorach, lochan ris an abrar anns a’ chainnt Eabhraidhich, Betesda#5:2 is e sin, Taigh na Tròcair., aig a bheil còig taighean‐fasgaidh.
3Annta sin bha nan laighe mòr‐bhuidheann de dhaoine easlan, dall, bacach, seargte, a’ feitheamh ri carachadh an uisge.
4Oir chaidh aingeal sìos an àm àraidh anns an lochan, agus chuir e an t‑uisge troimhe chèile: uime sin an ciad neach a rachadh sìos ann#Gnà 8:17; Mat 11:12, an dèidh cur troimhe chèile an uisge, rinneadh slàn e de aon tinneas a bhiodh air#Esec 47:8, 9.
5Agus bha duine àraidh an sin, a bha ochd‐bliadhna‐deug ar fhichead ann an easlaint.
6Nuair a chunnaic Iosa esan na laighe, agus fhios aige gu robh e a‑nis ùine fhada mar sin, thubhairt e ris, Am miann leat a bhith air do dhèanamh slàn?
7Fhreagair an duine easlan e, A Thighearna, chan eil duine agam#Salm 72:12; 142:4, nuair a chuirear an t‑uisge troimhe chèile, a chuireas anns an lochan mi: ach am feadh tha mise a’ teachd, tha neach eile a’ dol sìos romham.
8Thubhairt Iosa ris, Eirich#Mat 9:6; Marc 2:11; Lùc 5:24, tog do leabaidh, agus imich.
9Agus air ball rinneadh an duine slàn, agus thog e a leabaidh, agus dh’imich e: agus bha an t‑sàbaid ann air an là sin#Eòin 9:14.
10Uime sin thubhairt na h‑Iùdhaich ris an tì a shlànaicheadh, Is i an t‑sàbaid a tha ann; chan eil e dligheach dhut do leabaidh a ghiùlan#Mat 12:2, etc..
11Fhreagair e iad, An tì a rinn slàn mi, thubhairt esan rium, Tog do leabaidh agus imich.
12An sin dh’fheòraich iad dheth, Cò an duine a thubhairt riut, Tog do leabaidh agus imich?
13Agus cha robh fhios aig an tì a shlànaicheadh cò e: oir chaidh Iosa as a shealladh, air do mhòr‐shluagh a bhith anns an àite.
14Na dhèidh seo fhuair Iosa e anns an teampall, agus thubhairt e ris, Feuch, rinneadh slàn thu: na peacaich nas mò#Eòin 8:11, air eagal gun tachair nas miosa dhut.
15Dh’imich an duine, agus dh’innis e do na h‑Iùdhaich gum b’e Iosa a rinn slàn e.
16Agus air a shon seo rinn na h‑Iùdhaich geur‐leanmhainn air Iosa, agus dh’iarr iad a mharbhadh, do bhrìgh gun do rinn e na nithean seo air an t‑sàbaid.
17Ach fhreagair Iosa iad, Tha m’Athair ag obrachadh gus a‑nis#Eòin 9:4; 14:10, agus tha mise ag obrachadh.
18Uime sin bu mhò a dh’iarr na h‑Iùdhaich a mharbhadh#Eòin 7:19, a chionn nach e a‑mhàin gun do bhris e an t‑sàbaid, ach gun dubhairt e mar an ceudna gum b’e Dia a Athair‐san, ga dhèanamh fhèin co‑ionann ri Dia#Eòin 10:30, 33; 14:9.
19Air an adhbhar sin fhreagair Iosa, agus thubhairt e riu, Gu deimhinn deimhinn tha mi ag ràdh ribh nach eil am Mac comasach air nì sam bith a dhèanamh uaithe fhèin#Eòin 5:30, ach an nì a chì e an t‑Athair a’ dèanamh: oir ge bè nithean a nì esan, na nithean sin fhèin nì am Mac mar an ceudna.
20Oir is ionmhainn leis an Athair am Mac#Eòin 3:35; 17:26; Mat 3:17, agus tha e a’ foillseachadh dha nan uile nithean a tha e fhèin a’ dèanamh: agus foillsichidh e dha obraichean as mò na iad seo, air chor is gum bi iongantas oirbhse.
21Oir mar tha an t‑Athair a’ dùsgadh, agus a’ beothachadh nam marbh, is amhail sin a tha am Mac a’ beothachadh an dream as àill leis#Eòin 11:25; 17:2; Lùc 8:54.
22Oir chan eil an t‑Athair a’ toirt breith air duine sam bith; ach thug e gach uile bhreitheanas don Mhac#Mat 11:27; Gnìo 17:31; 2 Cor 5:10:
23A‑chum gun tugadh na h‑uile dhaoine urram don Mhac, amhail a tha iad a’ toirt urraim don Athair. An tì nach eil a’ toirt urraim don Mhac, chan eil e a’ toirt urraim don Athair a chuir uaithe e#Lùc 10:16; 1 Eòin 2:23.
24Gu deimhinn deimhinn tha mi ag ràdh ribh, an tì a dh’èisdeas rim fhacal‐sa, agus a tha a’ creidsinn anns an tì a chuir uaithe mi, tha a’ bheatha mhaireannach aige#Eòin 6:40, 47, agus cha tig e a‑chum dìtidh, ach chaidh e thairis o bhàs gu beatha#1 Eòin 3:14.
25Gu deimhinn deimhinn tha mi ag ràdh ribh gu bheil an uair a’ teachd, agus gu bheil i a‑nis ann, anns an cluinn na mairbh guth Mac Dhè#Eòin 5:28; Eòin 11:43; Eph 2:1, 3: agus an dream a chluinneas, bidh iad beò.
26Oir mar a tha aig an Athair beatha ann fhèin, is amhail sin a thug e don Mhac beatha a bhith aige ann fhèin#1 Cor 15:45;
27Agus thug e mar an ceudna dha ùghdarras a‑chum breith a thabhairt, do bhrìgh gur e Mac an Duine#Daniel 7:13, 14; Gnìo 17:31.
28Na gabhaibh iongantas dheth seo; oir tha an uair a’ teachd, anns an cluinn iadsan uile a tha anns na h‑uaighean a ghuth‐san:
29Agus thèid iad a‑mach; iadsan a rinn math, a‑chum aiseirigh na beatha; agus iadsan a rinn olc, a‑chum aiseirigh an damnaidh#Daniel 12:2; Mat 25:31‐46.
30Chan eil mise comasach air nì sam bith a dhèanamh uam fhèin#Eòin 5:19: mar a chluinneas mi bheir mi breith: agus tha mo bhreitheanas ceart; do bhrìgh nach eil mi ag iarraidh mo thoile fhèin, ach toil an Athar a chuir uaithe mi#Eòin 4:34; 6:38; Salm 40:7, 8; Mat 26:39.
31Ma bheir mise fianais mum thimcheall fhèin#Eòin 8:14; Gnà 27:2, chan eil m’fhianais fìor.
32Tha neach eile a’ toirt fianais mum thimcheall#Eòin 8:18; Gnìo 10:43; 1 Eòin 5:7‐9, agus tha fhios agam gur fìor an fhianais a tha e a’ dèanamh mum thimcheall.
33Chuir sibhse a‑chum Eòin, agus thug e fianais don fhìrinn#Eòin 1:7, 32.
34Ach chan eil mise a’ gabhail fianais o dhuine: ach tha mi ag ràdh nan nithean seo, a‑chum gum bi sibhse air ur tèarnadh.
35B’esan an lòchran lasrach agus dealrach: agus bha sibhse toileach car tamaill gàirdeachas a dhèanamh na sholas#Mat 21:26; Marc 6:20.
36Ach tha agamsa fianais as mò na fianais Eòin: oir na h‑obraichean a thug an t‑Athair dhòmhsa a‑chum gun crìochnaichinn iad#Eòin 10:25; 17:4; Gnà 2:22, tha na h‑obraichean sin fhèin a tha mise a’ dèanamh a’ toirt fianais mum thimcheall, gun do chuir an t‑Athair uaithe mi.
37Agus an t‑Athair fhèin a chuir uaithe mi, thug e fianais mum thimcheall#Mat 3:17; 17:5. Cha chuala sibh riamh a ghuth, cha mhò a chunnaic sibh a choslas#Deut 4:12; 1 Tim 6:16.
38Agus chan eil a fhacal‐san agaibh a’ gabhail còmhnaidh annaibh#1 Eòin 2:14: oir an tì sin a chuir esan uaithe, chan eil sibh ga chreidsinn.
39Rannsaichibh#5:39 no, tha sibh a’ rannsachadh. na sgriobtairean#Isa 8:20; 34:16; Lùc 16:29, oir tha sibh a’ saoilsinn gu bheil a’ bheatha mhaireannach agaibh annta#Lùc 10:25‐29; agus is iad sin a tha a’ toirt fianais mum thimcheall‐sa#Lùc 24:27.
40Gidheadh chan àill leibh teachd am ionnsaigh‐sa#Eòin 3:19, a‑chum gum faigheadh sibh beatha.
41Chan eil mise a’ gabhail urraim o dhaoine.
42Ach is aithne dhomh sibhse, nach eil gràdh Dhè agaibh annaibh#Eòin 8:42, 47.
43Thàinig mise ann an ainm m’Athar, agus chan eil sibh a’ gabhail rium: ma thig neach eile na ainm fhèin, gabhaidh sibh ris‐san.
44Cionnas a dh’fhaodas sibh creidsinn, a tha a’ gabhail urraim o chèile#Eòin 12:43, agus nach eil ag iarraidh an urraim a thig o Dhia a‑mhàin#Ròm 2:10?
45Na saoilibh gun dèan mise ur casaid ris an Athair: tha aon a tha a’ dèanamh casaid oirbh, Maois#Ròm 2:12, anns a bheil sibh a’ cur ur dòchais.
46Oir nan creideadh sibh Maois, chreideadh sibh mise: oir sgrìobh esan mum thimcheall#Gen 3:15; 22:18; Deut 18:15, 18.
47Ach mura creid sibh a sgrìobhadh‐san, cionnas a chreideas sibh mo bhriathran‐sa#Lùc 16:31?
Currently Selected:
Eòin 5: ABIG
Highlight
Share
Copy
Want to have your highlights saved across all your devices? Sign up or sign in
© Comann Bhìoball na h‑Alba 1880, 1992, 2017
© Scottish Bible Society 1880, 1992, 2017
