Éxodo 9:18-19

Jáeramo kuriye kuärái ora pe ambouta jeta amandau tuichaete kɨye pewa, jokua nunga uyeyapo mbaei ɨwɨ Egipto pe uyembɨpɨ wiwe wae. Jayawe iyokui ndeɨwɨ pewa reta umɨinge waerä opaete imbaemɨmba reta jokai pe, jare kuimbae oka rupi ñonoï wae reta tuike reta wi joo pe. Echa’ä opaete oka rupi ñonoï wae reta uipokou amandau yawe, umanota reta,’ jei ndewe oreTumpa.’ Jukuärái ere chupe,” jei Tumpa Moisés pe.