Exodus 7:8-10

Ka piṟuku Mayatja Godalu wangkangu Mosela pulala Aaronta, “Nyupali panya Piiṟala wirkankunyangka paluṟu tjinguṟu nyupalila tjapilku kutjupa kutjupa witulyangku palyantjaku paluṟu nyakula mulamularingkunytjikitjangku. Ka Mose, nyuntu alatji tjapinnyangkampa Aaronnga wangka puṉu panya tjukara mantjiṟa mantangka waṉinytjaku Piiṟala kuranyu, ka puṉu panya tjukara paluṟu liruringkuku.” Ka palulanguṟu Mosenya pula Aaronnga anu Piiṟalakutu munu pula Godalu panya wangkanytja palyaṉu. Ka Aarontu waṉingu tjukara mantangka Piiṟala kuranyu munu palumpa wati mayatja tjuṯangka miṟangka kuḻu, ka mulapaṯu waṉinyangka liruringu.