LUKAS 7:7-9

Om iri no ot a' ku katama-tama' do mongoi solowot do Tuan. Pomoros nopo, om olingasan i' i susuhuon ku. Tu' iyoho' nga' id siriba' i' do kuasa' dit asawat ko' doho'd pangkat. Om haro nogi' o piro-piro o soudor dot id siriba' do kuasa' ku. Om ondung, ‘Pamanau!’ kangku do monuhu' do songulun di soudor ku, om mamanau no iyau. Om ondung moro-boros oku do, ‘Kaino'd hiti!’ kangku nopo dot id soudor ku'd suwai, om rumikot no iyau; om ondung, ‘Wonsoyo' iti!’ kangku, do monuhu' di susuhuon ku, om wonsoyon no dau,” ka. Om noimayaan tomod diri i Yesus do nokorongou'ddi. Om koili noddi iyau di tulun dot ogumu' di manud-tanud dau om boro-boros nod, “Oimayaan oku no kopio do kotumbayaan do tulun diti. Id pogialatan piya'd tulun dot Israil nga' a' oku po insan kosolowot do tulun di kikotumbayaan dot irad diti kagayo!” ka dau.