YouVersion Logo
Search Icon

भजनसंग्रह 42

42
दोस्रो भाग
(भजनसंग्रह ४२—७२)
निर्वासित मानिसको प्रार्थना
1जसरी एउटा हरिणले चिसो पानीको तृष्‍णा गर्छ,
त्‍यसरी मलाई तपाईंको तृष्‍णा छ, हे परमेश्‍वर!
2म तपाईं जिउँदो परमेश्‍वरको निम्‍ति तिर्खाउँछु,
म कहिले आएर तपाईंको उपस्‍थितिमा उपासना गर्न सक्‍छु?
3रात-दिन म रुँदै छु,
आँसु मात्र मेरो भोजन भएको छ,
सबै समय मेरा शत्रुहरूले सोध्‍छन्,
“तिम्रा परमेश्‍वर कहाँ छन्?”
4बितेका दिन याद गर्दा मेरो हृदय टुक्रा-टुक्रा हुँदछ।
त्‍यस बेला म झुण्‍ड-झुण्‍डसँग मिली परमेश्‍वरको मन्‍दिरमा जान्थें
र तिनीहरूको अघि-अघि हिँड्दथे।
आनन्‍दले भरिएको झुण्‍ड परमेश्‍वरको प्रशंसामा गाउँदै-कराउँदै हिँड्थे।
5म किन यति अफसोसी छु?
किन म यति कष्ठित छु?
म परमेश्‍वरमा आफ्‍नो आशा राख्‍नेछु,
फेरि पनि म आफ्‍ना परमेश्‍वर र उद्धारकको प्रशंसा गर्नेछु!
6-7यहाँ परमेश्‍वरमा मेरो हृदय खिन्‍न भएको छ।
यसैले म मेरा सोच-विचार परमेश्‍वरतिर फर्काउँछु।
उहाँले मेरो आत्‍मामा अफसोसको भल बगाउनुहुनेछ।
हेर्मोन र मिसार पहाडबाट तल यर्दन नदीतिर गर्जंदै बग्‍ने झरनाझैँ
खलबलीको बाढीले मलाई छोपेको छ।
8परमप्रभुले दिउँसो मलाई आफ्‍नो अटुट प्रेम देखाऊन्।
राती मेरो जीवनका परमेश्‍वरलाई
म एउटा गीत र प्रार्थना चढाउनेछु।
9मेरो रक्षा गर्नुहुने परमेश्‍वरलाई म भन्‍दछु–
“किन तपाईंले मलाई भुल्‍नुभयो?
किन मेरा बैरीहरूका निष्‍ठुरताले मैले कष्‍ट भोगिरहनुपर्ने हो?”
10तिनीहरूले गरेका अपमानले मलाई चुर पारिदिनुभयो,
तिनीहरू मलाई सोधिरहन्‍छन्, “तिम्रा परमेश्‍वर कहाँ छन्?”
11किन म यति अफसोसी छु?
किन म यति कष्‍टित छु।
म परमेश्‍वरमा आफ्‍नो आशा राख्‍नेछु
र फेरि पनि म आफ्‍ना परमेश्‍वर र उद्धारकको प्रशंसा गर्नेछु।

Highlight

Share

Copy

None

Want to have your highlights saved across all your devices? Sign up or sign in