भजनसंग्रह 32
32
पापको कायल र क्षमा
1 #
रोमी 4:7,8 ज-जसको पाप क्षमा गरिएका छन्
र दुष्कर्म माफ भएका छन्, तिनीहरू कति खुसी छन्।
2जुन मानिसलाई परमप्रभुले दोषी ठहराउनुहुन्न,
र जुन मानिसमा केही छलकपट छैन, ऊ कति खुसी हुन्छ।
3मैले पाप स्वीकार नगरेको बेलामा
दिनभरि रोएकोले म थाकिसकेको थिएँ।
4हे परमप्रभु! रात-दिन तपाईंले मलाई दण्ड दिनुभयो।
गर्मीको दिनमा पानी सुकेझैँ
मेरो बल पूरा सुकिगएको छ।
5तब तपाईंको सामु मैले मेरो पाप मानिलिएँ,
मेरो दुष्ट कर्महरू लुकाइनँ,
तर ती तपाईंअघि स्वीकार गर्ने निश्चय गरें
र तपाईंले मेरा सारा पाप क्षमा गर्नुभयो।
6तपाईंका सारा भक्त जनले खाँचो पर्दा तपाईंलाई प्रार्थना गर्नुपर्छ।
कष्टको ठूलो भल बगिआउँदा,
त्यसले तिनीहरूलाई छुन सक्दैन।
7तपाईं मेरो लुक्ने ठाउँ हुनुहुन्छ,
तपाईंले मलाई कष्टदेखि बचाउनुहुन्छ।
तपाईंले मलाई रक्षा गर्नुभएको हुनाले
म तपाईंको मुक्तिबारे जोडसँग गाउँछु।
8परमप्रभु भन्नुहुन्छ, “तँ जानुपर्ने बाटो म तँलाई सिकाउँछु,
म तँलाई शिक्षा र सल्लाह दिनेछु,
9घोडा वा खच्चरजस्तो निर्बुद्धि नबन्,
जसलाई लगाम र डोरी लाएर वशमा राखी
भनेकोअनुसार गर्न लाउनुपर्छ?”
10दुष्टले कष्ट भोग्नुपर्नेछ
तर ज-जसले परमप्रभुको भरोसा गर्छन्,
तिनीहरूलाई उहाँको अटुट प्रेमले रक्षा गर्दछ।
11हे धर्मीहरू हो! परमप्रभुले जे गर्नुभयो,
त्यसको कारणले तिमीहरू खुसी भएर आनन्द गर।
उहाँका आज्ञा मान्नेहरू तिमीहरू हर्षले कराओ!
Currently Selected:
भजनसंग्रह 32: सरल नेपाली
Highlight
Share
Copy
Want to have your highlights saved across all your devices? Sign up or sign in
Simple Nepali Holy Bible © Nepal Bible Society, 2008.
