लूका 22
22
यहूदादे धोका पीनब
मत्ती २६:१४-१६; मर्कूस १४:१०-११
1 #
प्रस्थान 12:1-27
अखमिरी क्यङ्जे दीनबर ट्याने रेक ख्य। अम्बने निस्तार-दीन्बर यीय। 2केन् पूस्र्यायू मेस्ये पन्डेयूदे येशूने केर्बे से यदेबे मौका च्यूक्दीन ख्य, तर मीयू तङ्देबे थमयू फ ख्य। 3होर्दे बाह्र जना स्यूस्स्यायूनङ्ने इस्करियोत यब यहूदाजे नङ्ने शैतान क्योरदे। 4थमयूजे लाने येशूने केर्बे चूङसे पीन यदेबे केन् पूस्र्यायू प्रे कप्तानयू ट्याने गीलीदेबे ङूदे मोतो चीत्दे। 5थमयू सूग्दे, मेस्ये ङूने नोर् पीनने कबुल चीत्दे। 6ङू मन्जूर क्यूत्दे, मेस्ये मीहुल अन्क्यूरब बीलने येशूने धोका पीनने ङूदे दाऊ च्यूक्दे मैदे।
पात्ता ङ्येजे भात्यार्
मत्ती २६:१७-३०; मर्कूस १४:१२-२६; यूहन्ना १३:२१-३०
7अखमिरी क्यङ्जे दीनबरजे दिन रदे, हम्ब दिनने निस्तार यब दीन्बरजे थुमाजे बलि चेर्ते पर्दे ख्य। 8येशूदे पत्रुस मेस्ये यूहन्नाने येरे यदेबे कूल्बीदे, “प्रदेबे ङीनजे लागि निस्तार-दीन्बरजे भत्यार् तयार ची।”
9थमयूदे येशूने यदे, “ङी अम्ब भत्यार् केने तयार चे?”
10येशूदे थमयूने यदे, “नमयू सहरने क्योबमेस्ये गाग्रीने क्यू प्लेब मीत्यादे नमयूने तूय। ङू कम्ब कीम्ने क्योबीय हैयासेमे ङूजे ङ्येदे प्र, 11नमयूदे हम्ब कीम्जे मालिकने य, ‘गुरुदे नने ल्वे ख्यङ्, ङैदे रङ्से स्यूस्स्यायूप्रे निस्तार-दीन्बरजे भत्यार् चब ङ्य्वोबजे-कोठा केने ख्यङ्?’ 12ङूदे नमयूने तो फ्याब ताल्ल्याने साप्ताने मील्लीदेबे यीतेब कोठा केन् तेम्मीय, मेस्ये हैयाने तयार ची।”
13थमयू गीलीदे, मेस्ये येशूदे य प्रने तूदे, मेस्ये थमयूदे निस्तार-दीन्बरजे भत्यार् तयार चीत्दे।
14भत्यार् चब बीलने येशू मूल स्यूस्स्यायूप्रे टूङ्दे। 15येशूदे थमयूने यदे, “ङैदे छरङ् प्रे यली खूम्ने नमयूप्रे टूङ्देबे अम्ब निस्तार-दीन्बरजे भत्यार् चब सोरो सेम् चे ख्य, 16चेनेयलो ङ नमयूने यीय, परमेश्वरजे राज्यने अम्ब पूरा अन्क्यूत्दासेमे ङ अम्ब भत्यार् फेरि चस्ये त्वो।”
17होर्दे पील टेल्देबे धन्यवाद पीनमेस्ये येशूदे यदे, “अम्ब टेल्, मेस्ये नमयू त्यादे त्याने कोम्मी। 18चेनेयलो ङ नमयूने यीय, परमेश्वरजे राज्य अन्रदासेमे जेम्से फेरि अङ्गुरजे सीदे ङ अन्थूङ्।”
19होर्दे येशूदे क्यङ् टेल्देबे धन्यवाद पीनमेस्ये हम्ब क्योत्दे मेस्ये थमयूने येर्बे यदेबे पीन्दे, “नमयूजे लागि पीनब अम्ब ङैजे ङ्व ख्यङ्। ङैने ह्वे चेने अम्ब चील्लीम् ची।”
20 #
यर्मिया 31:31-34
क्यङ् च चैनङ्येदे येशूदे पील टेल्देबे स्यूस्स्यायूने यदे, “अम्ब पील ङैजे कादे ख्यायेब सर् कबुल ख्यङ्। अम्ब का नमयूजे लागि फैन ख्यङ्। 21#भजनसंग्रह 41:9तर ले, ङैने धोका पीनबजे ला टेबलने ङैप्रेने ख्यङ्। 22चेनेयलो मीजे च ब तोक्दे अनुसार प्रने पर्दीय, तर धिक्कार हम्ब मीने, सूदे ङूने धोका पीन्क्य।” 23येर काम चेब थमयूनङ्ने सू ख्यङ्दे यदेबे थमयू त्यादे त्याने लोत्दे।
24 #
मत्ती 18:1; मर्कूस 9:34; लूका 9:46 जेम्से थमयूनङ्ने सू पात्ता केन् क्यूर यदेबे स्यूस्स्यायूजे अन्द्रने च्य मैदे। 25येशूदे थमयूने यदे, “यहूदी तेब जातजे मूरुम्यूदे थमयू फ्याने हुकुम चील्लीय, मेस्ये सूप्रे हक क्यूक्क्य थमयूदे रङ्सेदेने ‘दानी’ यीय। 26#मत्ती 23:11; मर्कूस 9:35#मत्ती 20:25-27; मर्कूस 10:42-44तर नमयूब होर अन्क्यूर्लाची। नमयूनङ्ने सू केन् ख्य, हम्ब चीद क्यूस्स्य, मेस्ये अगुवा क्यूरबदेब सेवा चीस्स्य। 27#यूहन्ना 13:12-15चेनेयलो सू केन् ख्यङ्? कङ् चने टेबलने टूङब यी सेवा चेब? कङ् चने टूङब ते? तर ङ नमयूजे अन्द्रने चसे पीनब त्वोप्र क्यूर ख्यङ्।
28“ङैदे छरङ् प्रेब बीलने नमयूदे ङैने तोङ्मीदे। 29केर्बे ङैजे पदे ङैने राज्य त्या पीन्दे, ङैदेये नमयूने पीन्क्य, 30#मत्ती 19:28ङैजे राज्यने नमयू ङैप्रे टेबलने टूङ्देबे चथूङ चीक्क्य, मेस्ये सिंहासनने टूङ्देबे इस्राएलजे बाह्र कुलजे न्याय चीक्क्य।”
31होर्दे येशूदे यदे, “सिमोन, ओ, सिमोन ङ्यीन्, शैतानदे नमयू क्वानेने ह्वप्र छङने आज्ञा स्य ख्यङ्, 32तर ङैदे नैजे विश्वास ढल्-पल् अन्क्यूस्स्य यदेबे नैजे लागि प्रार्थना चेख्यङ्, मेस्ये फेरि न ङैतेले ल्वारमेस्ये नदे रङ्से अत-च्योन्यूने बोल्यो चीम्मे पर्दीय।”
33होर्दे पत्रुसदे येशूने यदे, “ओ प्रभु, ङ नैप्रे झ्यालखन्ने टूङने मेस्ये सीबनेये तयार ख्यङ्।”
34होरदे येशूदे यदे, पत्रुस, ङ नने यीय, नदे स्येनेअन्स्ये यदेबे ङैने सोम्फेसेमे अन्-यदासेमे नैदे नप्दे कप ठ्वाये त्वो।”
35 #
मत्ती 10:9,10; मर्कूस 6:8,9; लूका 9:3; 10:4 येशूदे थमयूने यदे, “ङैदे नमयूने थैली, झोल मेस्ये पैङ्गी अन्टेल्लाबे कूल्बे ख्य, नमयूने चेजे हर्जो क्यूत्दा?”
थमयूदे यदे, “अँह, अन्क्यूर्।”
36येशूदे यदे, “तर जेम्से सूजे थैली ख्यङ्, ङूदे हम्ब प्लेस्य, होरप्रने झ्योलये प्लेस्या। मेस्ये सूप्रे पार्ज्या त्वो, ङूदे रङ्से कोला सोङ्देबे पार्ज्या त्या कीन्स्य। 37#यशैया 53:12चेनेयलो ङ नमयूने यीय, ‘येशू अपराध चेब मीयूप्रे चील्दे’ यदेबे लिख्दीब पो ङैफ्याने पूरा क्यूरने पर्दीय। अँ, ङैजे बारेने लिख्दीयब पो पूरा क्यून्नने ख्यङ्।”
38होर्दे स्यूस्स्यायूदे यदे, “ओ प्रभु, ले, अन्-याने पार्ज्या ङ्ही ख्यङ्।”
येशूदे यदे, “होन्छ्वा ख्यङ्लो पूग्दीय।”
जैतून गङ्ने येशूजे प्रार्थना
मत्ती २६:३६-४६; मर्कूस १४:३२-४२
39फीने योङ्रदेबे येशू खूम् प्रने जैतून गङ्ने गीलीदे, मेस्ये ङूजे स्यूस्स्यायू ये ङ्ये-ङ्ये गीलीदे। 40हम्ब गङ्ने फ्योयेमेस्ये येशूदे थमयूने यदे, “जाँचने नमयू अम्फस्तीस्य यदेबे प्रार्थना चीन्नू।”
41येशू थमयूप्रे अन्दाजि: सूम्च्यू मिटर तीलाने गीलीदेबे पूजी चोदेबे प्रार्थना चीत्दे, 42ओ पाइ, नदे सेम् परदीलो अम्ब पील ङैट्यादे हर्दीमी। तर ङैजे इच्छादेत्या दीलाबे, नैजे इच्छाने पूरा क्यूस्स्य।”
43हन्छ्वाब स्वर्गदे दूतत्या रदेबे येशूने बोङ् मेस्ये सैदे ख्वब बोङ् पीन्दे।
44येशूजे सेम् सोरो सकस्ने परदीदेबे अझ थेप् प्रार्थना चेमेदे, मेस्ये ङूजे छापब काजे थ्यूक्पप्र केन्-केन् चेने तल्न ख्य।
45प्रार्थना चे ङ्येदे लङ्देबे येशू स्यूस्स्यायू ट्याने रब ङूदे थमयू शोक् चीत्देबे थेल्लीदे ङ्यूम्नब तूदे।
46येशूदे थमयूने यदे, “नमयू चैने ङ्यूम्न?
लङ् मेस्ये जाँचने अम्पर्तीस्य यदेबे प्रार्थना ची।”
येशूने चूङब
मत्ती २६:४७-५६; मर्कूस १४:४३-५०; यूहन्ना १८:३-११
47ङूदे क्यम्नूब, मी हुलत्या हैयाने फ्योरदे। बाह्र स्यूस्स्यायूनङ्जे यहूदा यब त्या थमयूजे खूम्-खूम् रदे, येशूने मूइ चेने ङू ट्याने गीलीदे। 48तर येशूदे ङूने यदे, “यहूदा, न मीजे चने मूइ चीत्देबे धोका पीनम्हे औ?”
49खतरा क्यूर मैब तङ्देबे येशूप्रे ख्यब स्यूस्स्यायूदे यदे, “प्रभु, ङीदे पार्ज्या चील्ले पर्देयीर?” 50थमयूनङ्जे त्यादे पात्ता केन् पूस्र्याजे त्वोने खान्दीदे, मेस्ये ङूजे स्येत्जे ङ्यलम् न च्वाटे थेप्रेबीदे। 51तर येशूदे यदे, “क्यूत्दे, जेम्से क्यापी।” होर्दे हम्ब मीजे ङ्येलम् न छूत्देबे येशूदे ङूने तम् चीम्मीदे।
52होर्दे येशूजे विरुद्धने रब पूस्र्या केन्यू, मन्दिरजे कप्तानयू, मेस्ये धर्म-गुरुयूने ङूदे यदे, “नमयू डाँकूजे विरुद्धने रप्रने पार्ज्या मेस्ये पीर्गयू टेल्देबे रऔ?
53 #
लूका 19:47; 21:37 दिनजे पीजीने मन्दिरने ङ नमयूप्रे ख्यङ्ब नमयूदे ङैजे विरुद्धने ला लङब आँट अन्ची।
तर जेम्से नमयूजे काम चेप बील रदे मेस्ये मून्दूङ्जे शक्तिदे राज्य चीक्क्य।”
पत्रुसदे ख्रीष्टने अन्स्ये यदे
मत्ती २६:६९-७५; मर्कूस १४:६६-७२; यूहन्ना १८:१५-१८,२५-२७
54थमयूदे येशूने चूङ्देबे कूदीदे, मेस्ये ङूने पात्ता केन् पूस्र्याजे कीम्ने रेत्दे। तर पत्रुस चीन्तङदे ङूजे ङ्ये-ङ्ये गीलीदे। 55हैयाने य्वेजे अन्द्रने मी नेन्देबे मीयू रूप् क्यूत्देबे टून ख्य। पत्रुस ये थमयूप्रे टूङ्दे। 56त्वोम त्यादे मीजे ओथ्याङ्ने पत्रुस टूनब तङ्देबे चेलाबे लेत्दे, मेस्ये यदे, “अम्ब मीये ङूप्रेनै ख्य।”
57तर पत्रुसदे येरे यदेबे ङ दी यदे, “या मो, ङैदे ङू अन्स्ये।”
58खत्यालाबे सूजोदे ङूने तङ्देबे यदे, “नैये थमयू नङ्जे ने ख्यङ्।”
तर पत्रुसदे जवाफ पीन्दे, “या मी, ङ दीया।”
59अन्दाजि: घण्टा ताला ङ्येदे सूजो मीत्यादे सोरो बोङ् चीत्देबे यदे, “पक्कने अम्ब मी ङूप्रे ख्य, चेनेयलो अम्बये गालीलीजे मीने टूङ्।”
60तर पत्रुसदे यदे, “या मी, न च येन, ङैदे अन्स्ये।” ङूदे क्यम्नूब कप ठ्वादे। 61होर्दे प्रभुदे ङ्यलम् ल्वादेबे पत्रुसने लेत्दे। “दीनी कप ठ्वायली खूम नदे ङैने सोम्फे सेमे अन्स्ये यीय” यदेबे यब प्रभुजे वचन पत्रुसदे ह्वे रदे। 62मेस्ये पत्रुस फीने योङ्देबे क्वाँ-क्वाँ ङूदे।
येशूजे न प्वे
63होर्दे येशूने ङ्येबब मीयूदे ङूने खिसी चीत्दे, मेस्ये खान्दीदे, 64येशूजे म्या उप्देबे खान्दी खान्दी लोत्दे, “लो य, नने सूदे खान्दीदे।” 65थमयूदे येशूजे विरुद्धने सूजो सोरो अन्ज्य ले तप्दे।
पात्ता केन् सभाजे खूम्दे येशू
मत्ती २६:६७-६८; मर्कूस १४:६५
66म्या तङ बितीकै रूप् क्यूरब मीयूजे धर्म-गुरूयू, केन् पूस्र्यायू मेस्ये पन्डेयू ङ्हीदेने रङ्सेजे पात्ता केन् सभाने येशू कूदीदे, 67मेस्ये यदे, “न ख्रीष्ट यलो ङीने य।”
ङूदे थमयूने यदे, “ङैदे स्योल्लीने नमयूदे पैत्तीस्ये त्वो। 68ङैदे लोल्लीने नमयूदे जवाफ पीन्स्ये त्वो। 69तर जेम्से मीजे च परमेश्वरजे शक्तिजे स्येत्देयोर टूङ्क्य।”
70होर्दे थमयू क्वादेने यदे, “होरेयलो, न च परमेश्वरजे च औ?
येशूदे थमयूने जवाफ पीन्दे, “नमयूदेने येन ख्यङ्, ङ ङूने न।”
71थमयूदे यदे, “ङीनने जेम्से सूजो चै गवाही चैदे स्व? चेनेयलो ङीनदे ङूजे ङूर्देने तदे।”
Currently Selected:
लूका 22: सर् कबुल
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.
