यूहन्ना 8
8
वेश्य काम चेब मदीजे उद्धार
1तर येशू जैतून गङ्ने गीलीदे। 2नप्मून्देने ङू फेरि मन्दिरने गीलीदे, मेस्ये मीयू क्वाने ङू ट्याने रदे, होर्दे ङू टूङ्दे, मेस्ये थमयूने शिक्षा पीन्दे। 3पन्डे मेस्ये फरिसीयूदे वेश्य काम चीत्देबे प्रब मदीत्या रेत्देबे खोत्ताजे अन्द्रने मेर्से पीन्दे। 4“थमयूदे ङूने यदे, गुरुज्यू, अम्ब मदी वेश्य काम चेब नेदे ङ्येप्दे। 5#लेवी 20:10; व्यवस्था 22:22-24नियमने मोशादे येर मीयूने लूङ्दे ठरेब आज्ञा ङीने पीने ख्यङ्। न अम्बजे बारेने च यीय?” 6तर थमयूदे ङूजे जाँच चेने मेस्ये ङू फ्याने दोष लैदे खूइच यदेबे येरे य ख्य।
येशूदे ट मो कूत्तू चीत्देबे सने ला टदे लिख्दीदे। 7तर कन्छ्वाब थमयूदे ङूने घरी-घरी लोत्दे हन्छ्वाब ङू मेर्देबे थमयूने यदे, “सूदे कलङ्बेये पाप अन्चीक्क ख्यङ्, हम्बदे पात्ता खूम् अम्ब मदीने लूङ्दे ठरीस्य।” 8होर्दे फेरि कूत्तू क्यूत्देबे सने ला टदे लिख्दीदे।
9कन्छ्वाब थमयूदे अम्ब तदे, हन्छ्वाब मी केन्यूदेमेस्ये सुरु चीत्देबे चीदसेमे त्या त्या चीत्देबे गीलीदे, पात्ता ङ्येदे येशू त्याने हम्ब मदी पङ्गीदे मेस्ये येशूजे खूम्ने ङू मेर्नूदे।
10येशूदे हम्ब मदीने लेत्देबे यदे, “या मो, थमयू केने गीली? नने सूदेये दण्ड अम्पीन?” 11ङूदे यदे, “प्रभु, सूदेये अम्पीन्।” येशूदे यदे ङैये नने दण्ड अम्पीन्। प्र, जेम्से फेरि पाप अन्चील्लाची।”]#८:११ मीयूङ्जे कोइ कोइ ग्रीक पाण्डूलिपीयूने अम्ब पदयू अन्लीख्दीये ख्यङ्।
येशू, संसारजे ओथ्याङ्
12 #
मत्ती 5:14; यूहन्ना 9:5 येशूदे फेरि थमयूने यदे, “ङ संसारजे ओथ्याङ् ख्यङ्। ङै ङ्ये-ङ्ये प्रबयू मून्दूङ्ने तीछो प्र पर्दीस्येत्वो, तर हम्बदे जीया प्रेब ओथ्याङ् प्रेक्क्य।”
13 #
यूहन्ना 5:31
होर्दे फरिसीयूदे ङूने यदे, “न रङ्सेजे बारेने रङ्सेदेने गवाही पीन्न ख्यङ्। नैजे गवाही तम्दम् अन्क्यूर्।”
14येशूदे जवाफ पीन्दे, “ङ ङैजे बारेने गवाही पीन्क्य, होरनेयलीने ङैजे गवाही सत्य ख्यङ्। ङैदे स्ये ख्यङ्, ङ केर्दे रदे, मेस्ये कने प्रेन ख्यङ्। तर नमयूने अम्ब पो था त्वो, ङ केर्दे रीय, या कने प्रेन ख्यङ्। 15नमयू, मीजे विचारदे न्याय चीक्क्य, ङ सूजेये न्याय अन्ची। 16ङैदे न्याय चीत्दे यलो, ङैजे न्याय सत्य ठर्दीय। चेनेयलो न्याय चेब ङ तीत्या त्वो, तर ङ ख्यङ्, मेस्ये ङैने कूल्बेब प ख्यङ्। 17#व्यवस्था 19:15नमयूजे मोशाजे नियमनेये मी ङ्हीजे गवाही सत्य ठर्दीय यदेबे लिख्दीये ख्यङ्। 18ङैजे बारेने ङ रङ्सेने गवाही पीन्क्य, मेस्ये ङैने कूल्बेब पदे ङैजे बारेने गवाही पीन्क्य।”
19थमयूदे ङूने लोत्दे, “नैजे प कने ख्यङ्?”
येशूदे जवाफ पीन्दे, “नमयूदे ङैनेये अन्स्ये, पनेये अन्स्ये। नमयूदे ङैने स्ये यलो ङैजे पनेये स्ये ख्यङ्दे।” 20अम्ब पो ङूदे मन्दिरने शिक्षा लोम्मीनूब भेटी प्वेब बक्स ट्याने य ख्य, होर्दे ङूने सूदेये अन्चूङ्, चेनेयलो ङूजे बील अझ अन्र ख्य।’
21ङूदे फेरि थमयूने यदे, “ङ यैयादे थे चेकीय, मेस्ये नमयूदे ङैने मल्क्य, होर्दे नमयू रङ्से पापने सीबीय। ङ केने प्रीय होने नमयू र अन्खू।”
22यहूदीयूदे यदे, “अम्ब रङ्सेदे रङ्सेने से मेइच? चेनेयलो अम्बदे ‘ङ कने प्रीय, होने नमयू र अन्खू’ यदेबे येको।”
23होर्दे ङूदे थमयूने यदे, “नमयू पृथ्वीजे ख्यङ्। ङ स्वर्गदे रब ख्यङ्। नमयू अम्ब संसारजे ख्यङ्। ङ अम्ब संसारजे दी। 24ङैदे नमयूने यदे, ‘नमयू रङ्से पापदे सीबीय’, चेनेयलो ङ हम्बने ख्यङ् यदेबे नमयूदे विश्वास अन्चीत्देयलो रङ्सेजे पापने सीबीय।”
25थमयूदे ङूने लोत्दे, “न सू?” येशूदे थमयूने यदे, “ङ सू यदेबे ङैदे खूम्मेस्येने नमयूने येन ख्यङ्। 26ङैदे नमयूजे बारेने य पर्दे मेस्ये न्याय चेपर्देब कूम ख्यङ्। तर ङैने कूल्बेब सत्य ख्यङ्, मेस्ये ङूदे स्य्वेब पोयू ङ संसारजे मीयूने यीय।”
27येशूदे स्वर्गने ख्यब पजे बारेने य ख्यङ् यदेब थमयूदे अङ्को। 28येरेक्यूत्देबे येशूदे यदे, “कन्छ्वाब नमयूदे मीजे चने तो क्रूसने लङ्क्य, हन्छ्वाब ङ हम्बने टूङ् यदेबे नमयूदे स्येय, मेस्ये ङ रङ्सेजे इच्छादे चेये अन्ची, तर पदे लोम्मेब पोयू ङैदे क्यम टोङ् यदेबे स्येय।
29ङैने कूल्बेब ङैप्रे ख्यङ्। ङूदे ङ त्याने अम्पोङ्ये ख्यङ्, चेनेयलो ङ येतार्ने ङूने सूग्लाबे चेब काम चीक्क्य।” 30येशूदे यब अम्ब पोयू तदेबे कूम मीदे ङू फ्याने विश्वास चीत्दे।
अब्राहामजे छगूम्-पूर्गूम्
31येशूदे रङ्सेने विश्वास चेब यहूदीयूने यदे, “नमयूदे ङैजे वचनने विश्वास चीत्देबे मन्दीनूलो नमयू तम्दम्ने ङैजे स्यूस्स्या क्यूक्क्य। 32होर्दे सत्य यब च टोङ् यदेबे स्येय, मेस्ये सत्यदे नमयूने छुटकारा पीन्क्य।”
33 #
मत्ती 3:9; लूका 3:8 थमयूदे ङूने जवाफ पीन्दे, “ङी अब्राहामजे छगूम्-पूर्गूम् ख्यङ्, मेस्ये चूजोसेमे सूजेये त्वो क्यूत्देबे टूङ अम्पर्ती। ङीने छुटकारा पीन्क्य यबजे अर्थब च ख्यङ्?”
34येशूदे थमयूने जवाफ पीन्दे, “तम्दम्ने, ङ नमयूने यीय, पाप काम चेब मी क्वाने पापजे त्वो ख्यङ्। 35त्वो येतार्ने कीम्ने अन्टोङ् तर चब येतार्ने कीम्ने टूङ्क्य। 36येरेक्यूत्देबे चदे नमयूने छुटकारा पीन्देयलो पक्कने नमयू छुटकारा प्रेब क्यूक्क्य। 37नमयू अब्राहामजे छगूम्-पूर्गूम्यू यदेबे ङैने था ख्यङ्। तर नमयू ङैने से मल्न ख्यङ्, चेनेयलो ङैजे वचनदे नमयूजे सेम्ने ने अम्प्रे। 38ङ ङैजे पप्रे ख्यङ्ब तङब पोयूजे बारेने यीय, तर नमयूब नमयूजे पदे यदेबे तब पोयू चीक्क्य।”
39थमयूदे ङूने यदे, “ङीजे पब अब्राहाम ख्यङ्।”
येशूदे थमयूने यदे, “नमयू अब्राहामजे च कून् यलो, अब्राहामदे चेब कामप्रने चे ख्यङ्दे। 40परमेश्वरदे यदेबे ङैदे तब तम्दम् पोयू नमयूने स्य्योप्प नमयूदे ङैने सेमेख्यङ्, तर अब्राहामदे येर कामब अन्चीक्क। 41नमयूजे पदे चे काम चीत्दे हम्ब कामने नमयूदे चे ख्यङ्।”
थमयूदे ङूने यदे, “ङी वेश्य काम चीत्देबे प्रेब दी। ङीजे प तीत्या ख्यङ्, ङू परमेश्वर ख्यङ्।”
दुष्टजे छगूम्-पूर्गूम्
42येशूदे थमयूने यदे, “नमयूजे पब परमेश्वर यलो नमयूदे ङैने प्रेम चे ख्यङ्दे, चेनेयलो ङ परमेश्वरदे कूल्बेब क्यूत्देबे चूजो यैयाने ख्यङ्। ङ रङ्सेजे इच्छादे र दी, तर ङूदे ङैने कूल्बे ख्यङ्। 43ङैदे क्यमब पो नमयूदे चैने अङ्क्व? चेनेयलो नमयूदे ङैजे वचन ङ्यीन्तीङ् अन्र। 44नमयूजे रङ्से प शैतान ख्यङ्, मेस्ये नमयूजे रङ्सेजे पजे इच्छा पूरा चेब सेम् चे ख्यङ्। हम्ब सुरुमेस्येने मी सेब ख्य, मेस्ये तम्दम् पो ङ्यीन्तीङ् अन्र, चेनेयलो ङूने चैत्याये सत्य त्वो। ङू ङूजे बनी अनुसारजे लूच्च पो क्यम ख्यङ्, चेनेयलो ङू लूच्च ख्यङ्, मेस्ये लूच्च चेबजे प ख्यङ्। 45तर ङैदे तम्दम् क्यम्लीने नमयू ङैने विश्वास अन्ची। 46नमयू नङ्ने सूदे ङैने पापजे दोष लैदेखूइया? ङैदे तम्दम् क्यम्न ख्यङ् यलो, नमयूदे ङैने चेने विश्वास अन्चे? 47सू परमेश्वरजे ख्यङ्, ङूदे परमेश्वरदे क्यमब वचन ङ्यीन्क्य। नमयू परमेश्वरजे दी होरेक्यूत्देबे ङूजे वचन नमयूदे अन्ङ्यीन्।’’
येशू मेस्ये अब्राहाम
48यहूदीयूदे ङूने जवाफ पीन्दे, “न सामरी ख्यङ् मेस्ये नने छेत् लादीक ख्यङ्, ङीदे यब अम्ब पो ठीक ते?”
49येशूदे जवाफ पीन्दे, “ङैने छेत् लादीक दी। ङ ङैजे पने गेसेन् चीक्क्य, तर नमयूदे ङैने गेसेन् अन्ची। 50तर ङ रङ्सेदे रङ्सेजे महिमा अम्मेल्, मीत्या ख्यङ् ङूदे महिमा मल्क्य मेस्ये न्याय चीक्क्य। 51तम्दम्ने ङ नमयूने यीय, कादेये ङैदे यब वचन कोइदे मन्दीदेयलो हम्बदे कलङ्बेये सीब पर्दीस्ये त्वो।”
52यहूदीयूदे ङूने यदे, “जेम्से ङैने पक्क रुप्ने था क्यूत्दे, नने छेत् लादीकने टोङ्। अब्राहाम सीइ अगमवक्तायूये सीइ, तर नदे यीय, ‘कोइदे ङैजे वचन मन्दीलो हम्ब कलङ्बेये अन्सीब यदेबे य ख्यङ्।’ 53ङीजे मेमे अब्राहाम यली न केन् औ? ङू सीइ, होर्दे अगमवक्तायूये सीइ, नदे रङ्सेब सू मन्न ख्यङ्?
54येशूदे जवाफ पीन्दे, “कादेये ङैदे रङ्सेजे महिमा चीत्देयलो ङैजे महिमा काम अन्लादे क्यूक्क्य। ङैने महिमा पीनब ङैजे प ख्यङ्, ङूनेने नमयूदे ङीनजे परमेश्वर य ख्यङ्। 55नमयूदे ङूने अन्स्ये, तर ङूने ङैदे चेलाबे स्ये ख्यङ्। ङैदे ङूने अन्-स्येयलो ङैये नमयू प्रने लूच्च ठर्तीय। तर ङैदे ङूने स्येय मेस्ये ङूदे यब पोने मन्दीय। 56नमयूजे मेमे अब्राहामदे ङ रब दिन लेब सोरो सेम् चीन्न ख्य, मेस्ये ङूदे तङ्देबे सोरो सूग्दे।”
57येरेक्यूत्देबे यहूदीयूदे ङूने यदे, “न रङ्सेके ङ्यील्लङ्दे वर्ष च्यू त्याये अम्फ्योये ख्यङ् यलो, नदे ङीजे मेमे अब्राहामने केरे तङ्दे?”
58येशूदे थमयूने यदे, “तम्दम्ने ङ नमयूने यीय, अब्राहाम जन्मीदेयली खूम्देमेस्येने ङ ख्य।” 59होर्दे ङूने ठरेने थमयूदे लूङ् थादे, तर येशू छ्यूप्देबे मन्दिरदे फीने योङ्देबे गीलीदे।
Currently Selected:
यूहन्ना 8: सर् कबुल
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.
