مَتَّ نَسْتُکِ
نَسْتُکِ
لِنْجِيلَ يِطِ وِعْغٛ کُبَرُوٛلْ بٜلْنغٛلْ، شٜيْنٛووٛلْ؞ کَ طٛنْ عَنْدِنَ عٜنْ عِيسَى اَلْمَسِيحُ عٜ کُوطٜ مُمْ؞ مَتَّ ݠُکَرَاجٛ وِنْدِ لِنْجِيلَ کَعَ؞ عٛ جٛمْنٛووٛ نٛ حَا عِيسَى عٜوْنٛ مٛ (9:9-13)؞ مَتَّ لَارِ بٜى غِتٜ مُمْ عٜ نَنِ بٜى نٛݠِّ مُمْ کٛ عِيسَى وَطِ ڢُو؞ عٛوِنْدَنِ يَحُودُعٜنْ جَࢡّٜ عِيسَى اَلْمَسِيحُ کِسْنٛووٛ دُنِيَارُ؞ مَتَّ طٛنْ عَنْدِنَ نٛ عِيسَى حِࢡِّنِرِ کٛ اَلنَّبِعٜنْ عَنْدِنِ دِغَ ࢡٛويْمَ وَاتٛ غَرْکِ کِسْنٛووٛ (1:22-23؛ 2:15،17-18،23؛ 4:14-15؛ 8:17؛ 12:17-21؛ 13:35؛ 21:4-5؛ 27:9-10)؞ نغَمْ مَنْ عٛوٛلْوِ طُوطُّمْ دٛوْ تَوْرٜىٰتَ؞ حٛورٜ وَازُ مَاکٛ طٛنْ دَرِ دٛوْ عِيسَى اَلْمَسِيحُ (1:1)؞ عِيسَى وٛنِ ࢡِي دَاوُدَ، عٛ اَلْمَسِيحُ وَاتٛ مٛيْتَاطٛ عٜ اَللَّه نغَمْ حِسْنُغٛ دُنِيَارُ ڢُو (1:21)، عٛعِمَّنُيِلَ وَاتٛ اَللَّه طٛنْ وٛنْدِ بٜى مٜىٰطٜنْ (1:23)؞ عِيسَى اَلْمَسِيحُ، عٛ ࢡِطّٛ اَللَّه: اَللَّه بٜى حٛورٜ مُوطُمْ سٜىٰدِ طُمْ (3:17)؞ يِمْࢡٜ طُوطْࢡٜ بٛو عَنْدِتِ طُمْ ندٜرْ کَايٜىٰڢِيجِ طِ عٛوَطِ (14:33؛ 16:16؛ 17:5؛ 27:40-43)؞ مَتَّ وٛلْوِ طُوطُّمْ بٛو دٛوْ لَامُ عَسَمَنْجِ وَاتٛ لَامُ اَللَّه؞ عِيسَى وَدِّ لَامُ عَسَمَنْجِ شَکَ يِمْࢡٜ (16:28)؞ عٛحُووْتِنِرِ بَلْندِ طُوطِّ نغَمْ ڢَامْتِنْغٛ حَالَ کَعَ؞ لَامُ نغُ طٛنْ نغَمْ يِمْࢡٜ ڢُو نَا نغَمْ يَحُودُعٜنْ تَنْ (4:23؛ 9:35)؛ عَمَّا سٜيْ غٛطّٛ نُطِّنَ عِيسَى، عٛعَشَّ کُوجٜ دُنِيَارُ (19:29)؞ نغَمْ مَنْ مَتَّ سٜىٰدِ بٜى دَرْتَارٜ، عٛوِعِ: «عَنْدٜ، نَا وِعَنْࢡٜ يَمْ: جَوْمِرَاوٛ، جَوْمِرَاوٛ ڢُو، نَسْتَتَ لَامُ عَسَمَنْجِ، سٜيْ وَطَنْࢡٜ مُويٛ بَابِرَاوٛ عَمْ مٛ عَسَمَ» (7:21)؞ لَامُ نغُعُ وَنغَنْ ندٜرْ تٜدُّنغَلْ مَاغُ ڢُو حَا عَسَمَ (6:10؛ 26:29)؞
کُبَرُوٛلْ شٜيْنٛووٛلْ نغٛلْ عِيسَى وَدِّ طٛنْ نغَمْ يِمْࢡٜ ڢُو؞ عِيسَى بٜى حٛورٜ مُوطُمْ وَانْشِ بٜرْنِيجِ عٜ غُرٜ عُرُسَلِيمَ عٜ غَلِيلِ ڢُو نغَمْ وَازِنغٛ لِنْجِيلَ (9:35-36)؞ عٛعُمْرِ ݠُکَرَعٜنْ مَاکٛ نجٛتِّنَ کَ حَا کٜىٰرِ دُنِيَارُ، ࢡٜنغَازٛ عٜ ࢡٜعٜکِّتِنَ کَ يِمْࢡٜ ندٜرْ لٜسْطٜ ڢُو حَا ࢡٜلَاتٛ ݠُکَرَعٜنْ مَاکٛ (28:16-20)؞
تٛکِّنْدِرْکِ حَالَاجِ:
کَاکِرَاࢡٜ عِيسَى عٜ دَࢩٜىٰکِ مُمْ 1–2
وَازُ عٜ کُوطٜ يُحَنَّ بَطٛووٛ بَݠْتِسْمَ 3:1-12
بَݠْتِسْمَ عِيسَى عٜ جَرِّبٜىٰکِ مُوطُمْ 3:13–4:11
کُوطٜ عِيسَى حَا غَلِيلِ 4:12–18:35
جَحَانغَلْ دِغَ غَلِيلِ حَا عُرُسَلِيمَ 19–20
عِيسَى حَا عُرُسَلِيمَ، نَنغٜىٰکِ عٜ غَاڢٜىٰکِ مُوطُمْ 21–27
عُمِّتِنٜىٰکِ عٜ بَنغُکِ عِيسَى 28
Currently Selected:
مَتَّ نَسْتُکِ: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.