مَلَکِيَ 1

جَوْمِرَاوٛ يِطِ إِسْرَاءِيلَ

1ندَا کٛنغٛلْ نغٛلْ جَوْمِرَاوٛ وٛلْوِ بٜى حُنْدُکٛ مَلَکِيَ#1‏:1 مَلَکِيَ يِطِ وِعْغٛ نٜلَاطٛ عَمْ؞‏:

2جَوْمِرَاوٛ وِعِ‏: «مِيِطِ عٛنْ؞» عَمَّا عٛنٛنْ عٛنْ طٛنْ ࢨَمَ‏: «طُمٜ حٛلَّتَ عَيِطِ مِنْ؟» جَوْمِرَاوٛ طٛنْ جَابٛ‏: «نَا عِسُوَ وٛنِ دٜىٰرْطُ يَعْقُوبُ؟ عَمَّا يَعْقُوبُ نغِطْمِ، 3عِسُوَ کَمْ مِوَࢩِ طُمْ؞ مِوَرْتِرِ کٛوسٜىٰجٜ مَاکٛ بِلّٜ مٜىٰرٜ، مِحٛکِّ شُولِ مَرَلْ مَاکٛ#رٛمَعٜنْ 9‏:13؞؞» 4تٛ عٜدٛومِعٜنْ مبِعِ‏: «ࢡٜمبِلِ مِنْ غُرٜ، عَمَّا مِنْ مَحِتِتّٛ بِلّٜ عَمِنْ»، ندٜنْ کَمْ جَوْمِرَاوٛ حٛنٛوࢡٜ عَسَمَ وِعَنْ‏: «بٛوطُّمْ، کَمْࢡٜ ࢡٜمَحَنْ، عَمَّا مِنْ مِيِبِّنَنْ طُمْ؞» نغَمْ مَاجُمْ يِمْࢡٜ عٜوْنٛتٛ عٜدٛومْ لٜسْدِ حَلّٜىٰندٜ عٜ عُمَّاتٛورٜ ندٜ جَوْمِرَاوٛ تِکَّنِ حَا ڢٛرٛيْ؞ 5غِتٜ مٛوطٛنْ نغِعَنْ طُمْ؞ ندٜنْ عٛنْ مبِعَنْ‏: «جَوْمِرَاوٛ وٛنِ مَوْطٛ، کٛو غَطَ کٜىٰرِ إِسْرَاءِيلَ بٛو#عٜسَايَ 34‏:5‏-17؛ 63‏:1‏-6؛ يٜرٜمِيَ 49‏:7‏-22؛ عٜزٜکِيٜلْ 25‏:12‏-14؛ 35‏:1‏-15؛ عَمٛسْ 1‏:11‏-12؛ عٛبَدِيَ 1‏-14؞؞»

ڢٜلٛورٜ دٛوْ لِمَنْعٜنْ

6جَوْمِرَاوٛ حٛنٛوࢡٜ عَسَمَ وِعِ لِمَنْعٜنْ‏: «ࢡِطّٛ تٜدِّنَنْ بَابَ مُمْ، مَشُّطٛ بٛو تٜدِّنَنْ جَوْمُمْ؞ ندٜ نِي مِ بَابِرَاوٛ، تٛيْ تٜدُّنغَلْ نغَلْ حَانْدَنِ يَمْ؟ ندٜ نِي مِ جَوْمِرَاوٛ، تٛيْ تٜدِّنٛورٜ ندٜ حَانْدَنِ يَمْ؟ عٛنٛنْ لِمَنْعٜنْ، عٛنْ طٛنْ نجَوٛ عِنْدٜ عَمْ؞ عَمَّا عٛنْ طٛنْ مبِعَ‏: بٜى طُمٜ مِنْ نجَوْرِ ندٜ؟ 7بٜى لِيعَاغٛ ࢩَامْدُ سٛࢡْندُ دٛوْ حِرْسِرْدٜ عَمْ؞ عَمَّا عٛنْ طٛنْ مبِعَ‏: بٜى طُمٜ مِنْ شٛࢡْنِرِ مَ؟ بٜى نُمُغٛ‏: تَابَلْ جَوْمِرَاوٛ#1‏:7 تَابَلْ جَوْمِرَاوٛ وِعٛتٛ بٛو حِرْسِرْدٜ؞ وٛنِ حُوندٜ مٜىٰرٜ؞ 8تٛ عٛنْ لِيعَنَکٜ يَمْ دَبَّاجِ بُمْطِ کِرْسٜتٜىٰطِ، نَا طُمْ کَلُّطُمْ نَ؟ تٛ عٛنْ لِيعَنِ يَمْ دَبَّاجِ بٛوسْطِ عٜ ࢩَاوْطِ، نَا طُمْ کَلُّطُمْ نَ؟ سٜيْ عٛنْ نجَحَ، عٛنْ ندٛکَّ طُمْ نغٛمْنَ مٛوطٛنْ؞ عٛنْ تَمِّ طُمْ ڢٛتَّنَنْ مٛ نَ؟ کٛو عٛيٜرْدٛتٛ عٛنْ نَ؟» نٛنْ جَوْمِرَاوٛ حٛنٛوࢡٜ عَسَمَ وِعِ#تٛوکْتَاکِ تَوْرٜىٰتَ 15‏:21؞؞

9جٛنْتَ تٛرٜ اَللَّه حَا عٛمٛعَّنَ عٜنْ؞ ندٜ نِي عٛنْ لِيعَنَکٜ مٛ دٛکّٜ بَنَ نِي، کَنغْکٛ عٛيٜرْدٛتٛ عٛنْ نَ؟ نٛنْ جَوْمِرَاوٛ حٛنٛوࢡٜ عَسَمَ وِعِ؞ 10«عَيّٜ‏! ࢡُرَنّٛ تٛ غٛوتٛ مٛنْ مَࢡِّ دَمُّطٜ حَيْکَلِيرُ، نغَمْ تَا عٛنْ کُࢡَّ يِيتٜ مٜىٰرٜ دٛوْ حِرْسِرْدٜ عَمْ‏! مِسٜيٛرَاکِ عٛنْ سَمْ، مِجَࢡَتَا دٛکَّلْ دِغَ جُوطٜ مٛوطٛنْ؞ نٛنْ جَوْمِرَاوٛ حٛنٛوࢡٜ عَسَمَ وِعِ؞ 11نغَمْ دِغَ ڢُطِرْدٜ نَانغٜ حَا مُتِرْدٜ مَاغٜ، عُمَّاتٛوجٜ طٛنْ تٜدِّنَ عِنْدٜ عَمْ مَوْندٜ؞ کٛو تٛيْ ڢُو يِمْࢡٜ طٛنْ نغُلَ عُورْلٜ نغَمْ عِنْدٜ عَمْ، ࢡٜطٛنْ لِيعَنٛ يَمْ دٛکّٜ لَاࢡْطٜ نغَمْ عِنْدٜ عَمْ مَوْندٜ شَکَ عُمَّاتٛوجٜ؞ نٛنْ جَوْمِرَاوٛ حٛنٛوࢡٜ عَسَمَ وِعِ؞ 12عَمَّا عٛنٛنْ عٛنْ طٛنْ شٛࢡْنَ عِنْدٜ عَمْ بٜى وِعُغٛ‏: تَابَلْ جَوْمِرَاوٛ سٛࢡِ، ࢩَامْدُ دٛوْ مَاغَلْ بٛو لَاتِ مٜىٰرٜ؞ 13عٛنْ طٛنْ مبِعَ بٛو‏: کَيَّ، تٛرَّ مٜىٰرٜ نٛنْ‏! عٛنْ طٛنْ نجَوٛ يَمْ؞ نٛنْ جَوْمِرَاوٛ حٛنٛوࢡٜ عَسَمَ وِعِ؞ عٛنْ طٛنْ نغَدَّ دَبَّاجِ طِ عٛنْ نغُجِّ مَلَّ بٛوسْطِ عٜ ࢩَاوْطِ، حَا عٛنْ لِيعَنٛ يَمْ طِ کِرْسٜتٜىٰطِ؞ عٛنْ تَمِّ مِجَࢡَنْ طِ دِغَ جُوطٜ مٛوطٛنْ نَ؟ نٛنْ جَوْمِرَاوٛ وِعِ؞ 14نَالٛورٜ دٛوْ رِکِشِيجٛ مَرْطٛ نجَوْدِرِ ندِ عٛتٛغَنِ يَمْ ندٜرْ تٛکّٜرٜ مَاکٛ، عَمَّا عٛلِيعَنِ يَمْ کَلُّندِ؞ نغَمْ مِ لَامِيطٛ مَوْطٛ، عِنْدٜ عَمْ بٛو ندٜ حُلْنِيندٜ شَکَ عُمَّاتٛوجٜ؞» نٛنْ جَوْمِرَاوٛ حٛنٛوࢡٜ عَسَمَ وِعِ؞

Currently Selected:

مَلَکِيَ 1: داَ

Highlight

Copy